وكان للقدر رأي اخر

الفصل الثاني

" و كان للقدر رأي آخر . "

" الفصل الثاني "

* * * * * * * * * * * * * * * *

" في الجامعة . "

…………………………………

مرت عدة ساعات حتى انهت جميع محاضراتها ، و من ثم استعدت للـ ذهاب ، و لكن قا**ها ذلك المُعيد الشاب " محمد " ..

ردد " محمد " في ترحيب : -

- ازيك يا حور ، مشوفتكيش الصبح في السيكشن ، انت كويسة ؟

ردت " حور " بـ اقتضاب : -

- راحت عليا نومة ..

قال " محمد " محاولًا خلق مواضيع للـ حديث : -

- ايه اخبار المذاكرة و ..

قاطعت " حور " حديث " محمد " ، و هي تشعر بـ الاختناق كلما اعترض طريقها احدهم ، او حاول احدهم التقرب منها ، و قالت بـ اعتذار : -

- الحمدلله المذاكرة تمام ، عن اذن حضرتك عشان متاخرة ..

رد " محمد " بـ حرج : -

- اها تمام ، اتفضلي .

* * * * * * * * * * * * * * * *

" على الجانب الاخر . "

* * * * * * * * * * * * * * * *

كانت تنظر لهم بـ عيون بها حُزن عميق ، و قلبها يؤلمها بـ شدة ، و هي ترى الشخص الذي نبض له قلبها ، و لمعت له عينيها بـ بريق الحُب ،

يقف مع اخرى ..

المشكلة لا تكمن هنا ، و لكن هي ترى نظراته لها ، و ابتسامته كُلما رأها ، ترى نفسها فيه عندما ينظر اليها ، ربما يُحبها !

تمتمت " مي " بـ نبرة بها حزن دفين : -

- عمره ما هـ يحس بيا ، و لا هـ يشوفني طول ما حور موجودة ..

* * * * * * * * * * * * * * * *

" في منزل ' حور ' . "

………………………………………………

عادت " حور " الى منزلها ، و فتحت الباب بـ هدوء بـ المفتاح الخاص بها ، و دلفت ..

وضعت " حور " الكتب الخاصة بيها ، و حقيبتها على الطاولة الكائنة بـ الصالة ، و ذهبت الي غرفة والدتها " مريم " حتى تطمئن عليها ..

دلفت " حور " الى غرفة والدتها " مريم " و وجدتها نائمة على فراشها ، فـ جلست " حور " جانب والدتها " مريم " ، و قالت : -

- عاملة ايه يا ماما ؟

ردت عليها والدتها " مريم " بـ وهن : -

- كويسة يا بنتي ..

وضعت " حور " يدها على جبين والدتها بـ رفق ، و قالت بـ نبرة متسائلة : -

- مالك يا ماما ، انتي تعبانه ..

غمغمت " مريم " بـ نبرة متعبة حاولت اخفائها : -

- يا حبيبتي انا كويسة ، انا عملت الاكل روحي سخني و كُلي ..

نهضت " حور " من جانب والدتها " مريم " ، و قالت : -

- لا مليش نفس الوقتي ، انا في اوضتي لو احتاجتي حاجة ناديلي ..

رددت والدتها " مريم " بـ انهاك شديد لم تلحظه " حور " : -

- ماشي يا بنتي ..

* * * * * * * * * * * * * * * *

" في غُرفة ' حور ' . "

………………………………………………

دلفت " حور " الى غرفتها ، و ارتدت ثياب البيت المُريحة ، و جلست امام مراتها حتى تصفف شعرها المُبتل ..

امسكت " حور " فرشاة الشعر ، و بدأت بـ التصفيف ، و لكن لـ لحظة شردت في صورتها المنع**ة امامها في المرأه ، و داهمتها ذكرى اخرى اشد ايلامًا ..

* * * * * * * * * * * * * * * *

" عودة بالزمن لـ 4 سنوات مضت ! "

* * * * * * * * * * * * * * * *

" في مساء ذلك اليوم . "

………………………………………………

لم تظل " حور " في وعيها كثيرًا ، حيث فقدته سريعا ، و لم تشعر بـ اي شيء بعدها ..

نظر كلًا من " حامد " و " سامح " الى بعضهم البعض ثم الى " حور " المسجاة على الارضية الباردة الملوثة بـ دمائها ، اما " حور " فـ اصبحت شاحبة كـ الموتي ..

ردد " سامح " بـ نبرة خائفة : -

- و بعدين ، هـ نعمل ايه !

قال " حامد " بـ نبرة متوترة : -

- مش عارف ، احنا نرميها في اي حته مهجورة و خلاص ..

تمتم " سامح " بـ استنكار : -

- لا مينفعش ، احنا منقتلش لو الحوار اتكشف هنروح فيها ، احنا نوصلها اي مستشفى ، و نسيبها ، و نهرب ..

اردف " حامد " بـ نبرة متسائلة : -

- و بعدين ، ما هي لما تفوق هـ تقول على كل حاجة ..

قال " سامح " بـ تفكير : -

- لا مش هـ تقول ، هـ تخاف من الفضيحة ، و حتى لو فكرت تقول ، هـ تخاف منك انت ، لما تفوق روحلها ، و خوفها ، مش هـ تنطق بـ كلمة ..

نظر له " حامد " مطولًا بـ تفكير ، و هز رأسه بـ الايجاب ..

* * * * * * * * * * * * * * * *

" في المستشفى . "

………………………………………………

انهى " الطبيب " فحصه لـ " حور " ، و صاح بـ استنكار : -

- دي مصيبة ، فين اللي جابها هنا ..

رددت " الممرضة " بـ خوف ، و هي تنظر لـ " حور " : -

- مش موجود ، اللي جابها سلمها لينا و هرب ..

اردف " الطبيب " ، و هو ينظر لـ " حور " : -

- بلغوا الشرطة ، و علقوا ليها دم ضروري ..

غمغمت " الممرضة " بـ قلة حيلة : -

- فصيلة دمها " o- " ، مش موجودة عندنا الوقتي ..

صاح " الطبيب " في وجه " الممرضة " بـ غضب : -

- حاولوا تتصرفوا ، حتى لو حد هـ يتبرعلها من المستشفى ، اتصرفي ..

دلف احدهم لـ غرفة الفحص ، و سمع الحديث الذي دار ، و وقعت عينيه على " حور " المستلقية على سرير المستشفى ، و فاقدة وعيها ..

تقدم ذلك " الشخص " من " الطبيب " ، و هتف : -

- لو سمحت يا دكتور ، ممكن ثانية ..

" الطبيب " بـ تذكر : -

- انت تبع الحادثة ؟

- ايوة ..

هتف " الطبيب " بـ عملية شديدة ، و وجه حديثه للـ " الممرضة" : -

- انا جاي معاك حالا ، نادي لـ دكتور " ايمن " يتابع الحالة دي ..

* * * * * * * * * * * * * * * *

" عودة للـ وقت الحالي .. "

………………………………………………

دخلت " حور " في نوبة بكاء شديدة ، انتفض لها جسدها ، و من قوة بكائها ، و انهاكها النفسي و الروحي قبل الجسدي غطت في ثبات عميق ..

* * * * * * * * * * * * * * * *

" في منزل ' مي ' . "

………………………………………………

دلفت والدة " مي " الى غُرفة ابنتها " مي " بعد ما طرقت الباب ، و لم تجيبها ..

فتحت " الام " باب الغرفة ، لـ تجد ابنتها شاردة ، و تنظر للـ سماء عبر نافذة غرفتها ، فـ تمتمت " الام " بـ استغراب : -

- مي ..

سرحانة في ايه يا حبيبتي ، انا بـ اخبط بقالي ساعة ..

انتبهت " مي " لـ " والدتها " ، و قالت و هي تحاول ان تخفي ارتباكها : -

- معلشي يا ماما سرحت شوية في الامتحانات ، و الحاجات اللي ورايا ، انتي عارفة معتش على الامتحانات حاجة ..

اقتربت " الام " من ابنتها " مي " ، و ربتت على كتفها بـ حنو ، و قالت : -

- ربنا يوفقك يا بنتي ، و يد*كي على قد تعبك ..

هتفت " مي " بـ نبرة ممتنة : -

- يارب يا ماما

قالت " الام " : -

- قومي يلا عشان انا حطيت الاكل ..

اردفت " مي " بـ نبرة حزينة حاولت اخفائها : -

- حاضر يا ماما ، روحي و انا جاية وراكي يا حبيبتي ..

خرجت " الام " ، و ابنتها " مي " تتابعها بـ انظارها ، و تن*دت من اعماق قلبها المتألم ، و لمعت عينيها بـ دموع الم الحُب ، و هي تشعر انها مقيدة لا تستطيع ان تنزع حبه من قلبها ، و لا ان تتجاوز كل شعور تشعر به ، و تستمر في حياتها ..

* * * * * * * * * * * * * * * *

" في احدى الكافيهات . "

………………………………………………

كان " محمد " يجلس مع صديقه " اشرف " بـ احدى الكافيهات ..

تمتم " اشرف '" بـ نبرة مستاءه : -

- يا عم محمد فك بقى ، و بطل نكد ..

قال " محمد " بـ نبرة مهمومة : -

- تعبت من صدها ليا يا اشرف ، حاسس انها فاهمة كل حاجة ، و عارفة بس مع ذلك طول الوقت بـ تصدني ، و قاقلة كل البيبان في وشي ..

تمتم " اشرف " بـ لا مبالاة : -

- يا عم انساها ، و طلعها من دماغك ، انت طول ما انت بـ تفكر فيها كدا مش هـ تاخد حاجة غير وجع القلب ، انساها و اللي خلقها خلق غيرها ، و انت في الف واحدة تتمناك ..

ردد " محمد " بـ نبرة حزينة : -

- و انا مش عايز غيرها ..

قال " اشرف " : -

- فوق يا محمد بقى عشان انت عايزاها ، و معلقه معاك كدا عشان هي رافضاك ، و بـ تصدك دا مش حب ..

رد عليه " محمد " بـ دفاع : -

- لا انا بحبها بجد ..

استطرد " اشرف " : -

- لا مش حب دا تعود ، شيلها من دماغك احسن و ريحها ، و ريح نفسك يا صاحبي ..

* * * * * * * * * * * * * * * *

" في منزل ' حور ' . "

………………………………………………

كانت " حور " تغط في نوم عميق حتى سمعت صوت جعلها تنتفض من مكانها .. !

* * * * * * * * * * * * * * * *

يتبع ..

ايه رايكم في الاحداث .. ؟

توقعاتكم ايه للاحداث الجاية .. ؟