Buong araw talagang di siya lumabas dahil hindi pa siya handang makitang muli si Sir Bastian at lalo na nang nariyan na rin si Madam Conchita at hindi niya alam kung naroon parin ba ang dating asawa ni Sir Bastian, si Ma'am Faye.
Pagsapit ng gabi ay laking gulat pa ni Eliana nang makitang kasama ni Tiyang Norma si Madam Conchita, habang ito'y tulak-tulak sa isang kasamahan nilang katulong sa wheelchair nito. Pumasok talaga ang wheelchair nito sa loob ng kanilang kwarto ni Tiyang Norma.
"Eliana, n-nandito si Madam Conchita. Kukumustahin ka niya at gusto ka rin niyang makausap." wika ni Tiyang Norma sa kanya.
"M-magandang gabi po, m-madam." Pagbibigay-galang pa niya sa matandang ina ni Sir Bastian nang makalapit ito sa kanya.
"Magandang gabi rin, yaya Eliana. Kumusta na ang pakiramda
