"Ayaw mo ba ng pinapanuod natin?" sita sa kanya ni Alvin.
Marahas siyang bumuga ng hangin.
"Alvin,wala ako gana manuod ngayon,uwi na muna ako," baling niya rito.
Pinakatitigan siya nito.
"May nangyari ba kanina? Kilala kita,alam kong kapag nasa ganyan mood ka may hindi maganda nangyari sayo,tama?" hinuha nito.
Napabuntong-hininga siya. Nunca sabihin niya rito ang pagkikita nila ng Gian na yun.
"Wala naman,siguro dadatnan lang ako kaya may mood swing ako ngayon," pagdadahilan niya.
Naningkit ang mga mata nito sa kanya tinatantiya kung nagsasabi ba siya ng totoo. Tinaasan niya ito ng isang kilay.
Bumuntong-hininga ito.
"Alright,come on,ihahatid na kita," anito sabay patay sa plasma TV nito.
Magkaagapay na naglalakad sila pauwi sa bahay ni Alvin para ihatid siya nito. Kung siya lang
