“Captain, mukhang masaya tayo ngayon ah!” Nilingon ni Chino ang kaniyang first officer na si Steve saka ito nginitian. Naglalakad na sila patungo sa immigration nang batiin siya nito.
“Siyempre naman! Naaprubahan kasi ang leave ko for a week. Which means magkakaroon ako ng isang linggong kasama ang anak ko,” nakangising sagot niya rito.
“Wow! Pero Captain, anak lang ba talaga? Paano naman iyong nanay?” taas-baba pa ang mga kilay nitong tanong sa kaniya.
Natawa naman siyang tinapik-tapik ang balikat nito saka makahulugang ngumiti rito bago siya nagpatiuna nang maglakad. Napapangiti pa siya dahil sa sinabing iyon ng kaniyang first officer. Siyempre kasama na ang nanay sa sinabi niyang magkakaroon siya ng isang linggong kasama ang anak niya.
Tamang-tama rin iyon dahil sabi ni Georgina, s
