4
nakabiting salita
Hindi ko na yata talaga kayang sumasakay sa pampublikong sasakyan. Patang-pata ang aking katawan pagdating ko sa aming bahay. Pagkakain ng hapunan, agad akong pumasok sa aking kuwarto.
Humaging sa aking buhok ang kampay ng pakpak. May ibong nakapasok sa kuwarto! Tuliro itong lipad nang lipad na parang humahanap ng malalabasan. Matagal ko itong pinagmasdan. Hinawi ko at itinaas
ang isang bahagi ng kurtina. Tuloy pa rin ang ibon sa walang humpay na paglipad sa palibot ng kuwarto. Hinawi ko na nang lubusan ang kurtina. Ibinukas ko pa ang pinto. Hindi pa rin lumabas ang
ibon.
May pagkatanga ang ibong ito. O baka naman gusto nitong samahan ako sa kuwarto. Baka naman kaluluwa ito ni Carlos? Hindi ako mapamahiin pero may epekto sa akin ang may ilang beses kong napanood
