5
ang pulso ko sa masa
Mahigit anim na taon na naming katulong si Felicing. Mula nang maging labandera ko siya, siya na rin ang labandera ng aking ina, ng aking tiyo, ng aking panganay (kung nawawalan ito ng katulong)
at ng aking pamangkin. Sa aming mag-aanak lang, puno na ang kaniyang linggo. Arawan ang kaniyang suweldo kung kaya’t daig pa niya ang karaniwang empleyado. Tuwing may maoospital na sinuman sa
amin, si Felicing ang maasahang bantay sa ospital tulad noong inoperahan ang aking ina, nasagasaan ang aking tiya, at nakunan ang aking pamangkin. Parang miyembro na siya ng aming pamilya. May
pasalubong din siya tuwing may sinumang nagbalikbayan sa aming pamilya.
May malasakit sa amin si Felicing. Malaki ang tiwala ko sa kaniya. Pinagdideposito ko siya at pinaglalabas ng pera sa b
