7
hatid ng hangin
Dumalo ako kasama ang lahat ng aking mga anak sa parangal para sa aking kabiyak. Maraming manunulat ang bumati sa akin. Nababasa raw nila ang nalalathala kong kuwento at nagagandahan sila.
Tumaba ang aking puso. Ikinuwento kong marami pa akong ibang nasulat. Ipinagmalaki ng aking panganay na may sinusulat akong nobela.
Pagdating ng bahay, magaan ang aking pakiramdam. Gayon pala ang pakiramdam ng isang napuri dahil sa kaniyang likha. Iba yaon sa pinuri ang iyong anyo o ang iyong kasuotan. Ang papuri ang parang
nagbigay sa akin ng karapatang magpatuloy sumulat.
Pero baka ako ay nakatsamba lamang.
Ako’y namana sa dilim. Kung ako man ay nakatama, di ibig sabihing, isa akong asintado. Sapagkat ang namana sa dilim at nakatama, mas malamang sa hindi, pinalad lamang. Hanga
