8
sukal ng loob
Nagustuhan ko ang nasulat kong kuwento tungkol sa babaeng hiwalay. Puwede ko iyong gawing nobelang romansa. Pero saka na lang. Kailangang mag-encode muna ako ng mga journal ni Carlos.
Ayoko sana itong ginagawa dahil parang pagpipinetensiya ito sa mahal na araw.
Masukal pala ang kalooban ng aking kabiyak. Bakit hindi siya sumulat ng kuwento o nobela tungkol doon? Winalis sana niya ang sukal ng loob ng satire o metaphor.
Ako na rin ang nagpaliwanag. Naghanapbuhay siya. Madaling sabihing magsulat ka sa tulad kong nakaukol lamang ang panahon sa pagsusulat. Oo nga’t kahit ako’y nagtatrabaho sa
bahay—nakasusulat pa rin ako pagkaraan. Pisikal ang trabaho sa bahay—kaya madali sa akin ang bumaling sa trabahong cerebral. Iba si Carlos. Pagod ang kaniyang isip sa pagtuturo. Pati
