Chapter 10
Kuyom ang mga kamao ni Dean, habang tinitingnan ang mga larawan na kuha ng isa niyang kaibigang photographer. Larawan ni Alfha at Diego kung saan masayang magkasama ang dalawa habang kumakain sa isang restaurant.
Nagkikita pala ang dalawa ng hindi niya nalalaman. Talagang sinusubukan siya ni Diego.
"Makikita mo ang hinahanap mo, Diego!" nagngingitngit ang kalooban niyang sambit habang pinupunit ang mga litratong hawak. kailangan niya na ring kumilos upang bumalik na si Alfha sa buhay niya. Hindi siya makakapayag na basta na lang itong magdesisyon. Kasal silang dalawa, kaya't bakit pa siya magdadalawang isip sa gagawin.
"Nadia! Ikaw na muna ang bahala rito sa shop, may gagawin lang ako," bilin niya sa manager ng kanyang Dean's outfit. Sigurado siya sa gagawin niya ay hindi
