Chapter 14
Hindi namalayan ni alfha na nakarating na pala siya sa bahay nila. Kung hindi pa siya kinalabit ng driver ng taxing sinasakyan ay hindi pa siya magigising sa pagkakatulala.
"Salamat po manong," saad niya sa driver matapos makapag-bayad. Okupado ang isip niya kay Diego. Masyado siyang nag-aalala sa kalagayan nito ngayon. Masyado siyang nabigla sa kalagayan nito.
Sa likod ulit siya dumaan papasok. Dahan-dahan siyang pumasok sa pinto ng kusina at dahil alas-kwatro na ay hindi na siya natulog pa. Uminom na lang siya ng matapang na kape upang hindi makatulog. Nagsimula siyang magluto ng breakfast nila, dahil ilang minuto na lang ay Alas-singko na, lalabas na ang bukang liwayway at mamayang alas-otso ay kailangan niya pang pumasok sa shop. Dahil nakatanggap siya ng message galing k
