HANDA na ang lahat ng kakailanganin ko sa paglalako. Nakaayos na ang mga bibingka sa loob ng basket.
Suot ang simpleng blusa, palda na mahaba at pares ng rubber shoes ay naghihintay ako kay Seniorito. May ka-usap ito sa cellphone.
"Just pick me around six in the evening, Kanor," turan ni seniorito sinulyapan ako saglit. "I have a very important meeting to attend," matabang niyang patuloy saka in-off ang cellphone pagkatapos.
"Sigurado kang sasama ka sa akin? Ang init sa labas, seniorito?"
"You asked me that almost a million times, stupid! Of course, hindi pa rin magbabago ang sagot ko. Sasama ako a hundred percent sure," sabi niya mabilisang umayos ng tayo na animo'y sasabak sa isang giyera.
"O sige basta usapan natin huwag kang magreklamo at tumahimik ka lang sa tabi ko, seniorito."
