NAPAPITLAG kami kapwa ni Gaspar nang may biglang bumahing sa likuran ng mayayabong halaman.
Nahagip ng paningin ko ang gwapong amo ko. Mabilisan ko na kinubli ang hawak na supot ng bibingka sa likuran ko at ganoon din si Gaspar.
"Seniorito—" Halos magkasabay naming bulyaw ni Gaspar.
Umayos ng tayo ang amo ko na tumikhim. Pasimpleng naglakad siyang nakapamulsa patungo sa kinatatayuan namin ni Gaspar.
"Magandang umaga po, seniorito," bati ni Gaspar.
"What are you both doing here?" Nakataas ang baba na pinasadahan niya kami ng tingin ni Gaspar.
"Ah kasi, seniorito—" si Gaspar na kinalap pa ang sasabihin.
"May binigay lang ako kay Gaspar, seniorito." Ibig pumiyok ang boses ko sa kaba. Pinandilatan ko si Gaspar. Ayokong sabihin ni Gaspar sa amo namin ang patungkol sa bibingkang paninda k
