Malakas na tawa ang pumupuno sa buong observation hall, na halos daigin ang mahihinang tunog ng mga nag-bubuzz na monitors at paghinga ng mga tauhan sa loob ng facility. Sa malaking glass wall na naghihiwalay sa kanila at sa central chamber, nandoon pa rin ang puting kasuotang ginamit ni Keonna nakasabit, kumikislap sa kaputian sa ilalim ng malamlam na ilaw. Parang tropeyong nagpapakita ng tagumpay ng proyekto. At si Alejandro Vercetti… ay halatang di maitago ang labis na kagalakan.
Nakaupo ito sa swivel chair na gawa sa itim na leather, naka-unbutton ang coat, hawak ang isang basong may dark liquor. At sa bawat paghigop nito, mas lalo pang lumalalim ang ngisi sa labi nito. Isang ngising parang hayop na nakakita ng bagong laruan.
“Beautiful,” bulong nito habang pinapanood ang replay ng
