Sa nanginginig na kamay ay pinulot ni Jasmin ang telepono sa sahig. Mabuti nalang ay hindi iyon nabasag.
Jusko! Hindi siya pwedeng magkamali. Kilalang-kilala niya ang matinis na boses na iyon. Nilapag niya ang phone dahil nawala din naman ang tawag. Napahawak siya noo dahil parang mababaliw na siya. Tila lahat ng katanungan niya kanina lang ay bigla nalang nabigyan ng kasagutan. Kaya pala kahit saan siya magpunta ay sinusundan siya ni Miguel!
May alam ito! May alam ito tungkol sa mga anak niya at wala din itong balak na sabihin sa kanya. Anong plano ng lalaki?
Kukunin ba nito sa kanya ang mga anak niya? Kaya ba hindi siya nito halos hiwalayan ng tingin ay dahil inaalam din nito ang kilos niya? Gusto niyang maglupasay ng iyak. Hindi nito pwedeng ilayo sa kanya ang mga bata dahil siya
