HBS 16
Replacement
"Ano ba kasing sinisilip silip mo r'yan? Saka wala ka pa bang plano bumalik sa apartment mo? Isang araw ka na dito sa 'kin nakikitira ah,"
Sinara ko ang bintana saka hinarap si Marga. Abala ito sa paglinis ng kuko n'ya sa paa.
"Wala. Gusto ko lang pagmasdan iyong malaking puno sa labas," umupo ako sa sofa saka pinikit ang mga mata.
Wala pa akong maayos na tulog mula pa nung isang gabi. Iyak lang ako ng iyak sa mga sinabi ni Vad. Ibinuhos ko na lahat para naman sa susunod na magkakaharap kami, ay matapang na Barbara na naman ang makikita n'ya.
"Nga pala, kahapon nung pumasok ka sa trabaho, may sasakyan na nahinto d'yan sa tapat ng apartment mo. Kinatok ko 'yung bintana nung sasakyan kaso di naman ako pinagbuksan. Naku! Panget siguro nung n
