SIMULA ng araw na iyon ay ingat na ingat si Bettina. Mahirap na baka mabisto siya ni Raiden. Hindi niya alam kung ano ang gagawin nito sa kanya kapag nagkataon. Wala naman siyang ginagawang masama rito. Lahat naman ng utos nito ay sinusunod niya.
Ang tanging kasalanan lang niya ay sunod-sunuran siya sa kanyang daddy. Lahat ng impormasyong hinihingi nito tungkol sa kompanya ay ibinibigay niya. Maliban doon ay wala na siyang ibang ginagawa. Alam niyang kasalanan iyon pero wala siyang kakayahan para suwayin ang kinalakhang ama. Buhay niya at buhay ng yaya niya ang nakataya kapag sumuway siya. Hindi mangingimi ang daddy niya na saktan sila ng yaya niya oras na suwayin niya ito.
Hindi naman niya puwedeng utusan ang yaya niya na umalis na ng bahay nila dahil lang wala na siya roon. Siguradon
