PAGKATAPOS magtimpla ng kape ay dinala na ni Bettina ang mga ito sa opisina ng boss niya. Pagpasok niya ay naabutan niya ang kanyang boss at mga kasama nito na magkakaharap na nag-uusap sa bilog na mesa na nagsisilbing conference table ng boss niya kapag ayaw nitong pumunta sa conference room ng Antigua Towers.
Walang imik siyang lumapit sa mesa at isa-isang inilapag ang kape sa harapan ng mga naroon. Pinakahuli niyang naibigay ang kay Raiden.
“Excuse me, puwede bang humingi ng tubig?” halos pabulong na sabi ni Raiden.
Tumango na lang siya.
“Anong problema, Raiden? Ano na naman ang sinasabi mo kay Bettina?” seryosong tanong ni Railey.
“Humihingi lang ako ng tubig sa kanya,” tugon ni Raiden. “May problema ba doon?”
Binalingan ng boss niya si Bettina. “Ikuha mo na rin kami ng tubig
