Halos mapatalon ako nang magising. Pagkabangon ay binukas-sara ko ang mga mata ko. Kinusot ko pa ito ng ilang beses bago tumingin sa apat na sulok ng kwarto kung nasaan ako.
Hindi ako pwedeng magkamali.
Sa study table pa lang at bookshelves na puno ng libro, idagdag pa ang family picture na nakasabit sa pader, alam ko nang kwarto ko ito!
“Happy Birthday to you...”
Napatakip ako ng bibig dahil sa narinig na boses mula sa labas ng pinto, lalo na nang bumukas ito at nakita ko si Kuya MJ. May hawak siyang strawberry cake kung saan may nakasinding kandila. Suot ang costume niyang pang-Mr. Bean na akala ko’y natapon na, nakangiti siya at masayang kumakanta. Kahit hindi pa kami nakakapagusap mula noong huling pagkikita namin, wala na akong pagtatampo pa sa kanya. Siguro hinihintay ko na lang
