Sinubukan ko pang tawagan si Dax pero naging cannot be reached na ang number nito. Natigilan tuloy ako sa paglalakad pagdating sa hallway. Ano kaya ang nangyari sa kanya?
Susubukan ko pa sana siyang tawagan nang mapatingin ako sa pinto ng kwarto ni Mrs. Savage. Parang may malakas kasing kalabog galing dito. May liwanag pang makikita sa siwang ng pinto. Kaya ibig sabihin ay gising pa ito. Imposible namang may pajama party siya at naghahampasan sila ng unan sa edad niya.
Dapat ay bibilisan ko na lang ang lakad para hindi kami magpangabot sa hallway nang marinig ko ang pagsigaw niya.
“Ano bang pinakain ng babaeng ‘yon sa ‘yo?!”
Nagulat ako dahil galit na galit ang boses nito. Hindi ko alam pero may masama akong kutob dito. Gusto kong tawagin si Bobbie para maging back up ko kaya lang ayo
