# الجامعة 9
868 Words
#ﺍﻟﺠﺎﻣﻌـــــــﻪ_9
ﻭﻟﺴﻪ ﻫﻮ ﺑﻘﺮﺏ
ﻟﻤﻦ ﻭﺻﻞ ﻟﻴﻬﺎ ،ﺑﺲ ﺻﺎﺣﺒﻨﺎ ﺍﻟﺘﻘﻮﻝ ﺻﺒﺖ ﻓﻴﻪ ﻣﻄﺮﻩ ?? ﺍﺗﺠﻤﺪ ﻣﻜﺎﻧﻮ ﻭﻣﺎ ﻗﺪﺭ ﺍﺗﺤﺮﻙ ﻭﻻ ﺍﺗﻜﻠﻢ ، ﺑﺲ ﻏﻤﺾ ﻋﻴﻨﻮ ﻭﺑﻘﻮﻝ ﻟﻲ ﻧﻔﺴﻮ ( ﻳﺎ ﻭﺩ ﺍﺭﺟﻞ ?ﻭﺍﺗﻜﻠﻢ ﻗﻮﻝ ﺍﻱ ﺷﺊ (? ﺻﺎﺣﺒﻨﺎ ﺑﺲ ﺑﻘﻲ ﺷﻐﺎﻝ ﻛﺪﺍ ﻣﻊ ﻧﻔﺴﻮ ، ﻭﺻﺎﺣﺒﺘﻨﺎ ﻣﺎ ﺷﻐﺎﻟﻪ ﺑﻴﻪ ﺍﻟﺸﻐﻠﻪ ﻭﻻ ﺷﺎﻳﻔﻬﻮ ﻣﺮﻛﺒﻪ ﺳﻤﻌﺎﺗﻬﺎ ﻭﻣﺮﻛﺰﻩ ﻣﻊ ﺍﻟﻤﻮﺍﺻﻼﺕ ﺍﻟﺠﺎﻳﻪ ﻭﺍﻟﻤﺎﺷﻪ ( ﻋﻠﻴﻚ ﺍﻟﻠﻪ ﻳﺎ ﺭﻭﺍﻥ ﺑﺲ ﺍﺗﻠﻔﺘﻲ ﻳﻤﻴﻨﻚ ﻭﺷﻮﻓﻲ ﺍﻟﺤﺎﻟﻪ ﺍﻟﺠﺒﺘﻴﻬﺎ ﻟﻲ ﺍﻟﻮﻟﺪ (?? ، ﻭﺑﻲ ﻫﻨﺎﻙ ﺻﺎﺣﺒﻨﺎ ﺍﻟﻔﻴﻪ ﻛﻤﻞ ( ﺣﺘﻲ ﺑﻘﻲ ﺟﺴﻤﻮ ﻛﻠﻮ ﻋﺮﻕ ? ﻳﺎ ﻭﻟﺪ ﺍﻭﻋﻲ ﺗﻘﻊ ﻟﻴﻨﺎ )
ﺧﻼﺹ ﺻﺎﺣﺒﻨﺎ ﺍﺗﻮﻛﻞ ﻭﻗﺎﻝ ﺍﻟﺒﺤﺼﻞ ﺍﺣﺼﻞ ﻭﺩﺍﻳﺮ ﺍﺗﻜﻠﻢ ﻣﻌﺎﻫﺎ ﻏﻤﺾ ﻋﻴﻮﻧﻮ ﺗﺎﻧﻲ ﻭﻗﺮﺏ ﻣﻨﻬﺎ ﺷﺪﻳﺪ ﻭﺩﺍﻳﺮ ﺍﺑﺪﺍ ﺍﻟﻜﻼﻡ ، ﻓﻲ ﺍﻟﻠﺤﻈﻪ ﺩﻱ ﺟﺎﺀﺕ ﺍﻟﺤﺎﻓﻠﻪ ﻭﺍﻟﻨﺎﺱ ﻛﻠﻬﺎ ﺟﺮﺕ ﻋﻠﻴﻬﺎ ﻭﺻﺎﺣﺒﺘﻨﺎ ﻭﻻ ﻗﺼﺮﺕ ﺍﻭﻝ ﻭﺍﺣﺪﻩ ﺭﻛﺒﺖ ?? ﺻﺎﺣﺒﻨﺎ ﻓﺘﺢ ﻋﻴﻮﻧﻮ ﻟﻘﻲ ﻗﺪﺍﻣﻮ ﺍﻟﻜﻤﺴﺎﺭﻱ ﺑﻘﻮﻝ ﻟﻴﻪ ﻳﺎ ﺣﺒﻴﺒﻨﺎ ﺍﻟﺤﺎﻓﻠﻪ ﺍﺗﻤﻠﺖ ?????
( ﺑﺲ ﻭﺭﻭﻧﻲ ﺍﺣﺴﺎﺱ ﺻﺎﺣﺒﻨﺎ ﻓﻲ ﺍﻟﻠﺤﻈﻪ ﺩﻱ ﻛﺎﻥ ﺷﻨﻮ؟؟ )
ﻳﺎﺧﻲ ﺻﺎﺑﺮ ﺩﺍ ﻗﺮﺏ ﺍﻗﻊ ﻋﻠﻲ ﺣﻴﻠﻮ ( ﺑﻌﺪ ﻣﺎ ﺍﺗﺠﺮﺍﺀ ﻭﺧﻼﺹ ﺍﺗﻮﻛﻞ ﻛﺎﻧﺖ ﻟﺨﻈﻪ ﺑﺎﻟﻨﺴﺒﻪ ﻟﻴﻪ ﺯﻱ ﺍﻟﺤﻴﺎﻩ ﻭﺍﻟﻤﻮﺕ (? ﺍﻟﻤﻬﻢ ﺻﺎﺣﺒﻨﺎ ﻭﻋﻲ ﻟﻲ ﻧﻔﺴﻮ ﻭﺧﻨﻘﺘﻮ ﺍﻟﻌﺒﺮﻩ ﻻ ﻳﻌﻠﻢ ﺑﻬﺎ ﺍﻻ ﺍﻟﻠﻪ ? ﻭﺷﺎﻝ ﻧﻔﺴﻮ ﺑﻲ ﺍﻟﺠﻼﻟﻪ ﻭﺭﻛﺐ ﺣﺎﻓﻠﻪ ﺗﺎﻧﻴﻪ ﻭﻫﻮ ﺭﺍﺟﻊ ﻋﻠﻲ ﺍﻟﺒﻴﺖ ﺑﻔﻜﺮ ﻓﻲ ﺟﺒﻨﻮ ﻭﺧﻮﻓﻮ ﺍﻟﺨﻠﻮ ﻣﺎ ﻗﺪﺭ ﺍﻋﻤﻞ ﺣﺎﺟﻪ ﻭﺗﺎﻧﻲ ﺍﺗﺰﻛﺮ ( ﺑﺎﺳﻞ ) ﻭﻣﺎﻟﻜﺪﺍ
ﺗﻬﺪﻳﺪﺍﺕ ( ﺻﺪﺍﻡ ) ﻭﺧﻼﺹ ﺍﻟﺘﻔﻜﻴﺮ ﻭﺍﻟﺤﺴﺮﻩ ﺍﻟﻌﻠﻴﻪ ﺗﻨﺸﻨﻮ ﺑﻴﻪ ﺷﺪﻳﺪ ﻟﻤﻦ ﺭﺍﺳﻮ ﺑﻘﻲ ﺍﻭﺟﻌﻮ ? ﺻﺎﺣﺒﻨﺎ ﻭﺻﻞ ﺍﻟﺒﻴﺖ ﺑﻲ ﺣﺎﻟﻪ ﻻ ﻳﺮﺳﻲ ﻋﻠﻴﻬﺎ ، ﺩﺧﻞ ﺍﻟﺒﻴﺖ ﺑﻲ ﻫﺪﻭﺀ ﻭﺩﺧﻞ ﻋﻠﻲ ﻏﺮﻓﺘﻮ ﻭﺩﺍﻳﺮ ﺍﻏﻴﺮ ﻣﻼﺑﺴﻮ ﺟﺎﺀﺕ ﻋﻠﻴﻪ ﺍﻣﻪ ﺧﺎﻟﻪ ( ﺳﻌﺎﺩ ) ﺗﺘﻄﻤﻦ ﻋﻠﻴﻪ ﻭﺗﺴﺎﻟﻮ ﻣﻦ ﺍﻭﻝ ﻳﻮﻡ ﻟﻴﻪ ﻓﻲ ﺍﻟﺠﺎﻣﻌﻪ ، ﺑﺲ ﻟﻤﻦ ﺩﺧﻠﺖ ﻋﻠﻴﻪ ﻭﺷﺎﻓﺖ ﺍﻟﺤﺎﻟﻪ ﺍﻟﻌﻠﻴﻪ ? ﺧﺘﺖ ﻳﺪﻳﻨﻬﺎ ﻋﻠﻲ ﺭﺍﺳﻬﺎ ﻭﺑﻘﺖ ﺗﻜﻮﺭﻙ ﻳﺎ ﻭﻟﺪﻱ ﺍﻧﺖ ﻛﻮﻳﺲ ﺣﺎﺳﻲ ﺑﻲ ﺷﻨﻮ ﺍﻟﻤﻼﺭﻳﺎ ﺟﺎﺀﺗﻚ ﺗﺎﻧﻲ ﻭﺟﺮﺕ ﺧﺘﺖ ﻳﺪﻫﺎ ﻋﻠﻲ ﺭﺍﺳﻮ ﺗﺸﻮﻑ ﺣﺮﺍﺭﺗﻮ ( ﺣﻨﺎﻥ ﺍﻻﻡ ? ﺭﺑﻨﺎ ﺍﺣﻔﻆ ﺟﻤﻴﻊ ﺍﻣﻬﺎﺗﻨﺎ ﻭﺍﺩﻳﻬﻢ ﻃﻮﻝ ﺍﻟﻌﻤﺮ ﻭﻳﺮﺣﻢ ﻭﻏﻔﺮ ﻟﻤﻦ ﻓﺎﺭﻗﻮﻧﺎ ﺗﺤﺖ ﺍﻟﺜﺮﻱ ) ﻫﻨﺎ ( ﺻﺎﺑﺮ ) ﻭﻋﻲ ﻋﻠﻲ ﺣﺎﻟﺘﻮ ﺷﻮﻳﻪ ﻭﺣﺲ ﺑﻲ ﻗﻠﻖ ﻭﺗﻮﺗﺮ ﺍﻣﻮ ، ﻭﻋﺸﺎﻥ ﻣﺎ ﺍﻗﻠﻘﻬﺎ ﻋﻠﻴﻪ ﻃﻮﺍﻟﻲ ﻏﻴﺮ ﻣﻼﺣﻮ ﻭ ﺍﺩﻫﺎ ﺍﺑﺘﺴﺎﻣﻪ ﻛﺒﻴﺮﻩ ﻭﻗﺎﻝ ﻟﻴﻬﺎ ﻳﺎ ﺍﻣﻲ ﻣﻼﺭﻳﺎ ﺷﻨﻮ ﺩﺍ ﺑﺲ ﺷﻮﻳﻪ ﺗﻌﺐ ﺑﺲ ﺍﺭﺗﺎﺡ ﺷﻮﻳﻪ ﻭﺑﺘﻠﻘﻴﻨﻲ ﺟﻤﺒﻚ ﺯﻱ ﺍﻟﺤﺼﺎﻥ
ﺍﻟﺨﺎﻟﻪ ﺳﻌﺎﺩ : ﺩﺍ ﻣﺎ ﺣﺎﻟﻪ ﺯﻭﻝ ﺗﻌﺒﺎﻥ ﺩﻱ ﺣﺎﻟﻪ ﺯﻭﻝ ﻋﻴﺎﻥ
ﺻﺎﺑﺮ : ﻳﺎ ﺍﻣﻲ ﻋﻴﺎﺀ ﺷﻨﻮ ﻭﻻ ﺍﻧﺘﻲ ﺩﺍﻳﺮﻩ ﺗﻌﻴﻨﻲ ﺑﺎﻟﻐﺴﺐ ﺩﺍ ﺷﻮﻳﻪ ﺗﻌﺐ ﻋﺸﺎﻥ ﺍﻧﺎ ﻟﺴﻪ ﻣﺎ ﺍﺗﻌﻮﺩﺕ ﻋﻠﻲ ﻣﺸﻮﺍﺭ ﺍﻟﺠﺎﻣﻌﻪ ﺩﺍ ﺑﺲ ﺩﺍ ﻛﻞ ﺍﻟﻤﻮﺿﻮﻉ
ﺍﻟﺨﺎﻟﻪ ﺳﻌﺎﺩ : ﻋﻠﻴﻚ ﺍﻟﻠﻪ ﻣﺎ ﺗﻜﺬﺏ ﻋﻠﻲ ﻭﻗﻮﻝ ﻟﻲ ﻓﻴﻚ ﺷﻨﻮ
ﺻﺎﺑﺮ : ﺣﺐ ﺍﻟﻄﻒ ﺍﻟﺠﻮ ﺷﻮﻳﻪ ﻭﺑﺪﺍ ﺍﻏﻨﻲ ﻟﻴﻪ ( ﺍﻗﻮﻝ ﻟﻴﻚ ﻭﻻ ﺍﺧﻠﻲ ﺻﻤﺖ ﺍﻟﺸﻮﻕ ﺍﺯﻳﺪ ﺍﻟﺒﻲ ﻋﻠﻲ ﺍﻟﺒﻴﻚ )
ﺍﻟﺨﺎﻟﻪ ﺳﻌﺎﺩ : ﻛﺪﺍ ﻳﺎ ( ﺻﺎﺑﺮ ) ﺗﻤﺎﻡ ﺷﺪﻳﺪ ﻣﺪﺍﻡ ﺍﻧﺖ ﻣﺎ ﺩﺍﻳﺮ ﺗﻘﻮﻝ ﺍﺧﻠﻴﻚ ﺗﺮﺗﺎﺡ
ﻫﻨﺎ ﺟﺎﺀﺕ ( ﻭﺭﺩ ﻭ ﺭﻏﺪ ) ﻣﻊ ﺻﻮﺕ ﺍﻣﻬﻢ ﺍﻟﻜﺎﻥ ﻋﺎﻟﻲ
ﺍﻟﺨﺎﻟﻪ ﺳﻌﺎﺩ : ﻳﺎ ﻭﺭﺩ ﺳﻮﻱ ﻟﻲ ﺍﺧﻮﻙ ﺍﻟﻐﺪﺍﺀ ﺧﻠﻲ ﺍﺗﻐﺪﺍﺀ ﻣﻊ ﺍﺑﻮﻫﻮ ﻫﺴﻲ ﺑﺠﻲ ﻭﺍﻧﺘﻲ ﻳﺎ ﺷﻘﺎﻱ ﻗﺎﺻﺪﻩ ( ﺭﻏﺪ ) ?? ﺍﻧﺠﺮﻱ ﻗﺪﺍﻣﻲ ? ﻋﻠﻲ ﺍﻟﻘﺮﺍﻳﻪ ﺍﻟﺴﻨﻪ ﺩﻱ ﺍﻧﺖ ﻣﻤﺘﺤﻨﻪ ﺍﻟﺸﻬﺎﺩﻩ ﻳﻌﻨﻲ ﻣﺎﻓﻲ ﻟﻌﺐ ﺗﺎﻧﻲ
ﺻﺎﺑﺮ : ﺗﺴﻠﻤﻲ ﻳﺎ ﺍﻣﻲ ? ﺑﺲ ﺍﻧﺎ ﺍﻛﻠﺖ ﻗﺒﻞ ﻣﺎ ﺍﺟﻲ
ﻭﺭﺩ : ﺗﺴﻠﻤﻲ ﻳﺎ ﺍﻣﻲ ? ﻭﺍﻧﺎ ﺍﻟﻜﺘﺖ ﺡ ﺍﺳﻮﻱ ﺍﻟﻐﺪﺍﺀ
ﺻﺎﺑﺮ : ﺍﻱ ﺗﺴﻠﻢ ﻟﻲ ﺳﺖ ﺍﻟﻜﻞ ? ﻭﺭﺑﻨﺎ ﺍﺣﻔﻈﻬﺎ ﻟﻲ ﺍﻧﺖ ﻣﺎﻟﻚ ?
ﻭﺭﺩ : ﻛﻮﻳﺲ ﻳﺎ ﻣﻌﻔﻦ ? ﻧﺸﻮﻑ ﺗﺎﻧﻲ ﺍﻟﺒﺨﺪﻣﻚ ﻣﻨﻮ ( ﺩﺍﺋﻤﺎ ﺣﻖ ﺍﻻﺧﻮﺍﺕ ﻣﻬﻀﻮﻡ ﻣﻊ ﺍﻧﻮ ﻣﺎ ﻣﻘﺼﺮﻳﻦ ﻣﻌﺎﻧﺎ ﺭﺑﻨﺎ ﺍﺣﻔﻈﻬﻢ ﻟﻴﻨﺎ (?
ﺻﺎﺑﺮ : ﺑﺘﺨﺪﻣﻨﻲ ﺍﻣﻲ ? ﻣﺶ ﻛﺪﺍ ﻳﺎ ﺳﺖ ﺍﻟﻜﻞ
ﺍﻟﺨﺎﻟﻪ ﺳﻌﺎﺩ : ﺍﻧﺘﻮﺍ ﻛﺒﺮﺗﻮ ﺑﻌﺪ ﺩﺍ ﺍﻱ ﺯﻭﻝ ﺑﻌﺪ ﺩﺍ ﺍﺧﺪﻡ ﻧﻔﺴﻮ ﺑﺮﺍﻫﻮ ﺍﻧﺎ ﺧﻠﻮﻧﻲ ﺍﺧﺪﻡ ﺭﺍﺟﻠﻲ ﻭﺍﺧﺮ ﻋﻨﻘﻮﺩﻱ ﺍﻟﻔﺼﻌﻮﻧﻪ ﺩﻱ ?
ﺻﺎﺑﺮ : ﻟﻴﻪ ﻳﺎ ﺳﺖ ﺍﻟﻜﻞ ﻛﺪﺍ ?
ﻭﺭﺩ : ???? ﻭﺑﻘﺖ ﺗﻐﻨﻲ ( ﻭﻧﺰﻟﺖ ﻣﻨﻲ ﺩﻣﻌﻪ ﻭﺍﻻﻣﻪ ﻣﺠﺘﻤﻌﻪ ﻭﺍﻟﻴﻮﻡ ﺑﺲ ﻣﺎ ﻛﺎﻥ ﺟﻤﻌﻪ (?
ﺻﺎﺑﺮ : ﻛﺪﺍ ﻳﺎ ﻳﺎ ﺣﻠﻮﻳﻦ ﻫﻮﻭﻧﺎ ﻋﺸﺎﻥ ﻧﺮﺗﺎﺡ ﻭﻣﺸﻜﻮﺭﻳﻦ ﻋﻠﻲ ﺍﻟﺘﺮﺣﻴﺐ ﺍﻟﺤﺎﺭ ﺩﺍ
ﻭﺭﺩ : ﻳﻌﻨﻲ ﺑﺘﻄﺮﺩﻧﺎ ?
ﺻﺎﺑﺮ : ﻳﺎﺧﻲ ﺍﻧﺘﻲ ﺑﺘﺠﻴﺒﻲ ﺍﻟﺬﻛﺎﺀ ﺩﺍ ﻣﻦ ﻭﻳﻦ ??
ﻭﺭﺩ : ﺷﻔﺖ ﻭﻟﺪﻙ ﺍﻟﺒﺘﻘﻮﻟﻲ ﻋﻠﻴﻪ ﺍﺣﺴﻦ ﺯﻭﻝ ﺍﻫﻮ ﺑﻄﺮﺩ ﻓﻴﻚ
ﺍﻟﺨﺎﻟﻪ ﺳﻌﺎﺩ : ﺍﻱ ﺑﻌﺪ ﺩﺍ ﺍﻃﻠﻌﻮﺍ ﺧﻠﻮﻩ ﺍﺭﺗﺤﺎﺡ
ﻭﺭﺩ : ﻛﺪﺍ ﻳﺎ ﺳﺖ ﺍﻟﻜﻞ ﻭﺍﻟﻠﻪ ﺍﻟﺘﻘﻮﻝ ﺍﻧﺎ ﻣﺎ ﺑﺘﻜﻢ ﻭﺟﺎﻳﺒﻨﻲ ﻣﻦ ﺍﻟﻤﻴﺘﻢ
ﺻﺎﺑﺮ : ﺷﻔﺖ ﺍﻧﺎ ﺑﻘﻮﻝ ﻋﻠﻴﻚ ﺫﻛﻴﻪ ﻟﻴﻪ ???
ﻣﺶ ﻋﺎﺭﻓﻪ ﻗﺼﺘﻚ ﻟﻤﻦ ﺍﺑﻮﻱ ﻟﻘﺎﻙ ﺟﻤﺐ ﺍﻟﺠﺎﻣﻊ ﻭﺍﻣﻲ ﻋﻄﻔﺖ ﻋﻠﻴﻚ ﻭﻗﺎﻟﺖ ﺗﺮﺑﻴﻚ ﻣﻌﺎﻧﺎ ??? ﻭﻻ ﺍﻋﻴﺪﻫﺎ ﻟﻴﻚ
ﺭﻏﺪ : ﻳﻌﻨﻲ ﻳﺎ ﻣﺎﻣﺎ ( ﻭﺭﺩ ) ﻣﺎ ﺍﺧﺘﻨﺎ ?
ﺻﺎﺑﺮ : ﺍﻱ ﻳﺎ ﺭﻏﻮﺩ
ﻭﺭﺩ : ﺍﻱ ﻓﻲ ﻋﻴﻨﻚ ? ﻭﺍﻧﺘﻲ ﺍﻧﻘﻠﻌﻲ ﻋﻠﻲ ﻗﺮﺍﻳﺘﻚ ﻭﻳﺎ ﻣﺎﻣﺎ ﺍﺭﺡ ﻗﺒﻞ ﻣﺎ ﺍﺭﺗﻜﺐ ﻓﻲ ﻭﻟﺪﻙ ﺟﺮﻳﻤﻪ
ﻭﻛﻠﻬﻢ ﻃﻠﻌﻮﺍ ، ﻫﻨﺎ ﺻﺎﺣﺒﻨﺎ ﺩﺧﻞ ﺍﺩﻫﺎ ﺩﺵ ﻭﻏﻴﺮ ﻣﻼﺑﺴﻮ ﻭﺣﺎﺝ ( ﻋﺒﺪﺍﻟﻠﻪ ) ﻛﺎﻥ ﻭﺻﻞ ﺍﻟﺒﻴﺖ ، ( ﺻﺎﺑﺮ ) ﺳﻠﻢ ﻋﻠﻲ ﺍﺑﻮﻩ ﻭﻗﻌﺪ ﻣﻌﺎﻫﻮ ﺷﻮﻳﻪ ، ﻭﻣﺸﻲ ﻋﻠﻲ ﻏﺮﻓﺘﻮ ﻭﺭﻗﺪ ﻋﻠﻲ ﺳﺮﻳﺮﻭ ﻭﺑﻘﻲ ﺍﺳﺘﺮﺟﻊ ﻛﻞ ﺍﻟﺤﺼﻞ ﻣﻌﺎﻫﻮ ﻭﺗﻘﻠﺐ ﻣﻦ ﺟﻬﻪ ﺍﻟﻲ ﺟﻬﻪ ﻭﻣﺎ ﻗﺎﺩﺭ ﺍﻧﻮﻡ ( ﺑﺎﺳﻞ ) ( ﺻﺪﺍﻡ ) ﻭﺗﺠﻲ ﻓﺠﺎﺀﻩ ( ﺭﻭﺍﻥ (? ﻓﻲ ﺑﺎﻟﻮ ﻭﺍﺗﺤﺴﺮ ﻣﺮﻩ ﺗﺎﻧﻴﻪ ﻟﻘﺎﻳﺖ ﻣﺎ ﻧﺎﻡ ( ﺭﺑﻨﺎ ﺍﻋﻴﻨﻚ ﻳﺎ ﺍﺧﻮﻱ ﺻﺎﺑﺮ )
ﻧﺸﻮﻑ ﻓﻲ ﺍﻟﺤﻠﻘﺎﺕ ﺍﻟﺠﺎﻳﻪ ﺍﻟﺢ ﺍﺣﺼﻞ ﺷﻨﻮ؟؟
ﻗﺼﻪ ﺑﺎﺳﻞ ﻭﺻﺪﺍﻡ
ﺍﻋﺠﺎﺏ ﺻﺎﺑﺮ ﺍﻟﺸﺪﻳﺪ ﺑﻲ ﺭﻭﺍﻥ
ﻭﺍﺣﺪﺍﺙ ﻛﺘﻴﺮﻩ ﻭﺗﻄﻮﺭﺍﺕ ﺍﻛﺒﺮ
- Writer
