# الجامعة 10
688 Words
#ﺍﻟﺠﺎﻣﻌـــــــﻪ_10
ﺻﺒﺎﺡ ﺍﻟﻠﻪ ﺑﻲ ﺑﺮﻛﺎﺗﻮ ?
ﺻﺎﺣﺒﻨﺎ ﺻﺤﻲ ﻣﻦ ﺍﻟﻨﻮﻡ ﺑﻌﺪ ﻟﻴﻠﻪ ﻋﺼﻴﺒﻪ ﻋﻠﻴﻪ ﻛﻠﻬﺎ ﺗﻔﻜﻴﺮ ﻭﺣﺴﺮﻩ ?? ، ﻗﺎﻡ ﻣﻦ ﺳﺮﻳﺮﻭ ﻭﻗﺎﻝ ( ﺍﻟﺤﻤﺪﻟﻠﻪ ﺍﻟﺬﻱ ﺍﺣﻴﺎﻧﺎ ﺑﻌﺪ ﺍﺫ ﺍﻣﺎﺗﻨﺎ ﻭﺍﻟﻴﻪ ﺍﻟﻨﺸﻮﺭ ) ﺑﻌﺪ ﻣﺎ ﺻﻠﻲ ﻭﺷﺮﺏ ﺍﻟﺸﺎﻱ ﻣﻊ ﻧﺎﺱ ﺍﻟﺒﻴﺖ ﺟﻬﺰ ﻧﻔﺴﻮ ﻋﺸﺎﻥ ﻳﻮﻡ ﺟﺪﻳﺪ ﻣﻦ ﺍﻳﺎﻡ # ﺍﻟﺠﺎﻣﻌﻪ ﻭﻗﺼﺼﻬﺎ ،ﻃﻠﻊ ﻋﻠﻲ ﺍﻟﻤﻮﺍﺻﻼﺕ ﻭﺭﻛﺐ ﺍﻟﺤﺎﻓﻠﻪ ﻭﻛﺎﻟﻌﺎﺩﻩ ﻣﺮﻛﺐ ﺳﻤﺎﻋﺎﺗﻮ ﻭﻋﺎﻳﺶ ﻋﺎﻟﻤﻮ ﺍﻟﺨﺎﺹ، ﺑﺲ ﻟﺴﻪ ﺑﺮﺍﻣﺞ ﺍﻣﺒﺎﺭﺡ ﺷﺎﻏﻠﻪ ﺑﺎﻟﻮ ﻭﻓﻲ ﺭﺍﺳﻮ ﻣﻴﻪ ﺳﺆﺍﻝ ? ﺩﺍﻳﺮ ﻟﻴﻬﻢ ﺍﺟﺎﺑﻪ ، ﻭﺻﻞ ﺍﻟﺠﺎﻣﻌﻪ ﻭﻛﺎﻥ ﻣﺘﺸﻮﻕ ﺍﻧﻮ ﺍﻟﻘﻲ ( ﺑﺎﺳﻞ ﻭﻣﺤﻤﺪ ) ﻭﺑﺎﻟﺘﺎﻛﻴﺪ ﻣﺎ ﻧﺎﺳﻲ ﻧﺎﻋﺴﻪ ﺍﻻﺟﻔﺎﻥ ( ﺭﻭﺍﻥ (? ، ﻣﻦ ﻣﺎ ﻭﺻﻞ ﺍﺗﺠﻪ ﻋﻠﻲ ﺍﻟﻘﺎﻋﻪ ﻃﻮﺍﻟﻲ ﻋﺸﺎﻥ ﺯﻣﻦ ﺍﻟﻤﺤﺎﺿﺮﻩ ﺟﺎﺀ ﺩﺧﻞ ﺍﻟﻘﺎﻋﻪ ﻭﺑﻘﻲ ﺍﻓﺘﺶ ﻓﻲ ﺑﻲ ﻋﻴﻮﻧﻮ ?ﻋﻠﻲ ( ﺑﺎﺳﻞ ﻭﻣﺤﻤﺪ ) ﺑﺲ ﻣﺎ ﺷﺎﻓﻬﻢ ، ﻭﺍﺛﻨﺎﺀ ﻣﺎ ﺑﻌﺎﻳﻦ ﻋﻴﻨﻮ ﻭﻗﻌﺖ ﻋﻠﻲ ( ﺭﻭﺍﻥ ) ﻭﻫﻲ ﻛﻤﺎﻥ ﻛﺎﻧﺖ ﻣﺘﺎﺑﻌﻪ ﺻﺎﺣﺒﻨﺎ ، ﻭﻫﻨﺎ ﺑﺪﺍ ﺍﻟﻔﻠﻢ ﺍﻟﻬﻨﺪﻱ ??? ( ﺍﻟﺰﻣﻦ ﺍﺗﻮﻗﻒ ﻭﺍﻟﻨﺎﺱ ﺍﺧﺘﻔﺖ ﻭﺟﺎﺀﺕ ﻧﺴﻤﻪ ﻫﻮﺍﺀ ??ﺍﻟﻠﻪ ﺍﻋﻴﻨﻚ ﻳﺎ ﺻﺎﺑﺮ ) ﻭﺻﺎﺑﺮ ﻟﺴﻪ ﻣﻨﺪﻣﺞ ﻣﻊ ﺍﻟﻠﺤﻈﻪ ﺩﻱ ﻭﺍﺗﻤﻨﻲ ﺍﻧﻬﺎ ﻣﺎ ﺗﻨﺘﻬﻲ ﺧﺎﻟﺺ، ﻓﺠﺎﺀﻩ ﺟﺎﺀ ﺻﻮﺕ ﻣﻦ ﺍﺧﺮ ﺍﻟﻘﺎﻋﻪ ( ﻳﺎ ﺻﺎﺑﺮ ﻳﺎ ﺻﺎﺑﺮ )
ﻛﺎﻥ ﺩﺍ ( ﺻﺪﺍﻡ ) ﺑﻨﺪﻩ ﻋﻠﻴﻪ ، ﻭﺍﻟﻠﺤﻈﻪ ﺍﻟﺠﻤﻴﻠﻪ ﺍﻧﺘﻬﺖ ﻋﻠﻲ ﻛﺪﺍ ( ﺻﺎﺑﺮ ) ﻣﺸﻲ ﻋﻠﻲ ( ﺻﺪﺍﻡ ) ﺳﻠﻢ ﻋﻠﻴﻪ ﻫﻮ ﻭ ( ﻫﻴﺜﻢ ﻭ ﻣﺤﻤﻮﺩ ) ﻭﻗﻌﺪ ﺟﻤﺒﻬﻢ
ﺻﺎﺑﺮ : ﻛﻴﻒ ﺑﻘﻴﺖ ﻳﺎ ﺧﻮﻩ
ﺻﺪﺍﻡ : ﺑﺎﻟﻒ ﺧﻴﺮ ﻳﺎ ﺯﻭﻟﻲ
ﺻﺎﺑﺮ : ﺻﺤﺒﻚ ﻣﺎ ﺟﺎﺀ ﺍﻟﻠﻴﻠﻪ ( ﻗﺎﺻﺪ ﺑﺎﺳﻞ )
ﺻﺪﺍﻡ : ﺑﻲ ﺧﺴﻪ ? ﺍﺧﻴﺮ ﻟﻴﻪ ﻣﺎ ﺟﺎﺀ ﻣﺎ ﻋﺎﺭﻑ ﺍﻟﺮﺍﺟﻴﻪ
ﺻﺎﺑﺮ : ? ﻭﺍﻟﺮﺍﺟﻴﻪ ﺷﻨﻮ ﻳﺎ ﺧﻮﻩ
ﻣﺤﻤﻮﺩ : ﺍﻟﺮﺍﺟﻴﻪ ﻛﺘﻴﺮ ﺑﻌﺪﻳﻦ ﺑﺘﺸﻮﻑ
ﻫﻴﺜﻢ : ﻭﺍﻟﻠﻪ ﺍﻧﺘﻮﺍ ﺍﻻﺗﻨﻴﻦ ﺗﻘﻌﺪﻭﺍ ﺍﻟﺸﻴﻄﺎﻥ ﻓﻲ ﻋﻠﺒﻮ ﻭﺗﺪﺭﺳﻮ
ﻫﻨﺎ ﺻﺎﺣﺒﻨﺎ ﺍﺗﻮﺗﺮ ﺷﺪﻳﺪ ﻭﺳﺮﺡ ﺑﻌﻴﺪ ﻭﺑﻘﻲ ﺩﺍﻳﺮ ﺍﻋﺮﻑ ﺍﻟﻨﺎﺱ ﺩﻳﻞ ﻧﺎﻭﻳﻦ ﻋﻠﻲ ﺷﻨﻮ ؟؟
ﻭﻫﻨﺎ ﺍﻟﺪﻛﺘﻮﺭ ﺩﺧﻞ ﺍﻟﻘﺎﻋﻪ ﻭﺍﻟﻤﺤﺎﺿﺮﻩ ﺑﺪﺍﺕ ﻭ ﺻﺎﺣﺒﻨﺎ ﻟﺴﻪ ﺳﺎﺭﺡ ﻭﺑﻔﻜﺮ ﻳﺎ ﺭﺑﻲ ﺍﻟﻨﺎﺱ ﺩﻱ ﻧﺎﻭﻳﻪ ﻋﻠﻲ ﺷﻨﻮ ، ﻭﻗﻄﻊ ﺳﺮﺣﺎﻧﻮ ﺻﺪﺍﻡ ﻃﻠﻊ ﻣﻦ ﺟﻴﺒﻮ ﺣﺒﻮﺏ ﺣﻤﺮﺍﺀ ﻭﺍﺩﻱ ﻣﺤﻤﻮﺩ ﺣﺒﻪ ﻭﻣﺪﻱ ﻟﻲ ﺻﺎﺣﺒﻨﺎ ﺣﺒﻪ ﺑﺮﺿﻮ ﻭﻗﺎﻝ ﻟﻴﻪ ﺍﻟﻠﻴﻠﻪ ﺍﻟﻌﺰﻩ ﻋﻠﻴﻨﺎ ?ﺑﺲ ﻣﺎ ﺗﺘﻌﻮﺩ ﺻﺎﺑﺮ ﺷﺎﻝ ﺍﻟﺤﺒﻪ ﻭﻗﺎﻝ ﻟﻴﻪ ﺩﻱ ﺣﺒﻪ ﺷﻨﻮ ﻳﺎ ﺧﻮﻩ
ﺻﺪﺍﻡ : ﺩﻱ ﺗﻴﻤﻮ ( ﺗﺮﺍﻣﺪﻭﻝ (? ﻣﻌﻘﻮﻟﻪ ﻣﺎ ﺑﺘﻌﺮﻓﻬﺎ
ﺻﺎﺑﺮ : ﺧﺮﺷﻪ ﺻﺎﺡ
ﺻﺪﺍﻡ : ﻫﻬﻬﻬﻪ ﺍﻱ ﻳﺎﻫﺎ ﺯﺍﺗﻬﺎ ﺑﻠﺒﻊ ﻳﺎ ﺻﺤﺒﻲ ﻭﻋﻴﺶ ﺍﻟﺒﻬﺠﻪ
ﺻﺎﺑﺮ : ﺗﻤﺎﻡ ﻳﺎ ﺍﺧﻮﻱ ، ﻭﻋﻤﻞ ﻧﻔﺴﻮ ﺑﻠﻌﻬﺎ ﻭﺧﺘﻬﺎ ﻓﻲ ﺟﻴﺒﻮ ﺑﺮﺍﺣﻪ ﻛﺪﺍ
ﻭﻧﺎﺳﻨﺎ ﺩﺧﻠﻮ ﻓﻲ ﻋﺎﻟﻢ ﺗﺎﻧﻲ
ﻛﺴﺮﻩ
( ﺍﻟﺘﺮﺍﻣﺪﻭﻝ ﺩﺍ ﺍﺳﻤﻮ ﺍﻟﻌﻠﻤﻲ ، ﺍﻟﺸﺒﺎﺏ ﺑﺴﻤﻬﻮﺍ ﺗﻴﻤﻮ ﺍﻭ ﻓﺮﺍﻭﻟﻪ ﺍﻭ ﺗﺮﻣﺎ ﻫﻲ ﻋﺒﺎﺭﻩ ﻋﻦ ﺣﺒﻪ ﻟﺔﻧﻬﺎ ﺍﺣﻤﺮ ﻫﻲ ﻋﺒﺎﺭﻩ ﻋﻦ ﻣﺴﻜﻨﺎﺕ ﻗﻮﻳﻪ ﺑﺘﺮﺧﻲ ﻋﻀﻼﺕ ﺍﻟﻘﻠﺐ ﻭﺑﺘﺎﺛﺮ ﻓﻲ ﺍﻻﻋﺼﺎﺏ ﺍﻻﻃﺒﺎﺀ ﺑﺼﻔﻮﻫﺎ ﻟﻠﻤﺮﺿﻲ ﻓﻲ ﺣﺎﻟﻪ ﺍﻻﻟﻢ ﺍﻟﺸﺪﻳﺪ ﺑﻌﺪ ﺍﻟﻌﻤﻠﻴﻪ ﺍﻭ ﻟﻤﺮﻳﺾ ﺍﻟﺼﺮﻉ ﻋﻨﺪ ﻇﻬﻮﺭ ﺍﻟﺤﺎﻟﻪ ﻭﻫﻲ ﺧﻄﻴﺮﻩ ﺷﺪﻳﺪ ﺑﺎﻟﻨﺴﺒﻪ ﻟﻼﻧﺴﺎﻥ ﺍﻟﻄﺒﻴﻌﻲ ﻭﻋﻨﺪﻫﺎ ﺍﺛﺎﺭ ﺟﺎﻧﺒﻴﻪ ﻛﺘﻴﺮﻩ ﻣﻨﻬﺎ ﺍﻟﻔﺸﻞ ﺍﻟﻜﻠﻮﻱ ﻭﺍﻟﺴﻜﺘﻪ ﺍﻟﻘﻠﺒﻴﻪ ﻭﻣﺸﺎﻛﻞ ﻓﻲ ﺍﻟﻤﻌﺪﻩ )
( ﺻﺎﺑﺮ ) ﻣﺎ ﻣﺼﺪﻕ ﺍﻟﺒﻌﻤﻠﻮ ﻓﻴﻪ ﺍﻟﻨﺎﺱ ﺩﻳﻞ ﻭﻫﻨﺎ ﺍﻗﺘﻨﻊ ﺍﻧﻮ ﺍﻟﻨﺎﺱ ﺩﻳﻞ ﻧﻴﺘﻬﻢ ﻣﺎ ﺳﻠﻴﻤﻪ ﺍﺗﺠﺎﻩ ( ﺑﺎﺳﻞ ) ﻭﺑﻘﻲ ﺗﻔﻜﻴﺮﻭ ﻛﻠﻮ ﺍﻋﺮﻑ ﺍﻟﻨﺎﺱ ﺩﻱ ﻧﺎﻭﻳﻪ ﻋﻠﻲ ﺷﻨﻮ ، ﻭﺍﻧﺘﻬﺖ ﺍﻟﻤﺤﺎﺿﺮﻩ ( ﻫﻴﺜﻢ ) ﺷﺎﺏ ﺍﻫﺎ ﺍﻟﻔﻄﻮﺭ ﺷﻨﻮ ﺍﻟﻠﻴﻠﻪ ( ﻣﺤﻤﻮﺩ ﻭﺻﺪﺍﻡ ) ﺯﻱ ﺍﻟﻘﺎﻳﻤﻴﻦ ﻣﻦ ﺍﻟﻨﻮﻡ ﻳﺎﺩﻭﺏ ﻓﻄﻮﺭ ﺷﻨﻮ ﺍﺣﻨﺎ ﻣﺎ ﻣﺸﻴﻦ ﻣﻜﺎﻥ ﺧﻠﻴﻨﺎ ﻫﻨﺎ ﺷﻮﻳﻪ ، ﻫﻨﺎ ( ﺻﺎﺑﺮ ) ﺍﺳﺘﻘﻞ ﺍﻟﻮﺿﻊ ﻭﻗﺎﻝ ﻟﻴﻬﻢ ﺷﺒﺎﺏ ﺍﻧﺎ ﻣﻮﺍﻋﺪ ﻟﻲ ﺯﻭﻝ ﺩﺍﻳﺮ ﺍﻣﺸﻲ ﻋﻠﻴﻪ ﻭﺑﻌﺪﻳﻦ ﺑﻠﻘﺎﻛﻢ ( ﺩﺍﻳﺮ ﺍﺗﻬﺮﺏ ﻣﻨﻬﻢ )
ﻫﻴﺜﻢ : ﺩﺍ ﻛﻼﻡ ﺷﻨﻮ ﻳﺎ ﺣﺒﻮﺏ ﺍﻟﻠﻴﻠﻪ ﺍﻭﻝ ﻳﻮﻡ ﻟﻴﻚ ﻣﻌﺎﻧﺎ ﻣﺎ ﺻﺎﺡ ﻛﺪﺍ
ﺻﺎﺑﺮ : ﻭﺍﻟﻠﻪ ﻳﺎ ﺧﻮﻩ ﻛﺎﻥ ﻣﺎ ﺍﻟﻤﻮﺿﻮﻉ ﻣﺎ ﻣﻬﻢ ﻣﺎ ﻛﺎﻥ ﻣﺸﻴﺖ ﺑﺲ ﺍﻟﺠﺎﻳﺎﺕ ﺍﻛﺘﺮ ﻭﻫﻮ ﺩﺍ ﺗﺎﻧﻴﻪ ﻳﻮﻡ ﻓﻲ ﺍﻟﺠﺎﻣﻌﻪ ﻳﺎﺩﻭﺏ
ﻫﻴﺜﻢ : ﻣﺎ ﻣﺸﻜﻠﻪ ﺑﺲ ﻣﺎ ﺗﻜﺮﺭﻫﺎ
ﺻﺎﺑﺮ : ﺍﻥ ﺷﺎﺀ ﺍﻟﻠﻪ ،ﻳﻼ ﻳﺎ ﺷﺒﺎﺏ ﻟﻲ ﺑﻌﺪﻳﻦ
ﻭﻣﺸﻲ ﻣﻨﻬﻢ ﻭﺑﺘﻜﻠﻢ ﻣﻊ ﻧﻔﺴﻮ ( ﻳﺎ ﺭﺑﻲ ﺍﻧﺎ ﻓﻲ ﺣﻠﻢ ﻭﻻ ﻋﻠﻢ ) ﺩﻳﻞ ﺷﻨﻮ ﺍﻟﻨﺎﺱ ﺩﻳﻞ ﻻ ﻻ ﺍﻧﺎ ﻻﺯﻡ ﺍﺑﻌﺪ ﻣﻨﻬﻢ ﺑﺲ ﺍﺗﺰﻛﺮ ﻛﻼﻣﻬﻢ ﻭﻋﻦ ﺍﻟﺤﺎﺟﻪ ﺍﻟﺪﺍﻳﺮﻳﻦ ﺍﺳﻮﻫﺎ ﻟﻲ ( ﺑﺎﺳﻞ )
( ﻭﺩﺍ ﻛﺎﻥ ﻫﺪﻑ ﺻﺎﺑﺮ ﻣﻦ ﺍﻻﻭﻝ ﺍﻧﻮ ﺍﻋﺮﻑ ﺻﺪﺍﻡ ﻧﺎﻭﻱ ﺍﺳﻮﻱ ﺷﻨﻮ ﻟﻲ ﺑﺎﺳﻞ )
ﺻﺎﺑﺮ ﻳﺎ ﺻﺎﺑﺮ
ﻫﻨﺎ ﺻﺎﺑﺮ ﺍﻧﺘﺒﻪ ﻣﻊ ﺍﻟﺼﻮﺕ ﺍﻟﺒﻨﺪﻩ ﻋﻠﻴﻪ
- Writer
