# الجامعة 11
788 Words
#ﺍﻟﺠﺎﻣﻌـــــــﻪ_11
ﺻﺎﺑﺮ ﻳﺎ ﺻﺎﺑﺮ
ﻭﻫﻨﺎ ﺻﺎﺑﺮ ﺍﻧﺘﺒﻪ ﻣﻊ ﺍﻟﺼﻮﺕ ﺍﻟﺒﻨﺪﻩ ﻋﻠﻴﻪ
ﻛﺎﻧﺖ ﺩﻱ ( ﻫﺎﺟﺮ ) ( ﺗﺘﺰﻛﺮﻭﻫﺎ ﺍﻭﻝ ﻭﺍﺣﺪﻩ ﺍﺗﻌﺮﻑ ﻋﻠﻴﻬﺎ ﺻﺎﺑﺮ ﻓﻲ ﺍﻟﺠﺎﻣﻌﻪ )
ﻫﺎﺟﺮ : ﺍﺷﻲ ﻋﻠﻲ ﺍﻟﺘﻘﻠﻪ ? ﺑﻨﺪﻩ ﻋﻠﻴﻚ ﻟﻲ ﺳﺎﻋﻪ ﻭﺳﺎﻛﺎﻙ ﻣﻦ ﺍﻟﻘﺎﻋﻪ ﻟﻲ ﻫﻨﺎ ، ﺍﻟﺘﻘﻮﻝ ﻣﺎ ﺑﺮﻟﻮﻡ ?
ﺻﺎﺑﺮ : ﻫﻬﻬﻬﻪ ﺍﻟﻌﻔﻮ ﻳﺎ ﻫﺎﺟﺮ ﻭﺍﻟﻠﻪ ﻣﺎ ﺳﻤﻌﺘﻚ
ﻫﺎﺟﺮ : ﻣﺎ ﻣﺸﻜﻠﻪ ﻳﺎ ﺑﺮﻟﻮﻡ ? ﺑﺲ ﻣﺎﻟﻮ ﻟﻮﻧﻚ ﻭ ﻭﺷﻚ ﻣﺨﻄﻮﻑ ﻛﺪﺍ ﻳﺎ ﻭﺩ ﻛﻤﺎ ﺗﺎﻧﻲ ﻳﻮﻡ ﻟﻴﻚ ﻓﻲ ﺍﻟﺠﺎﻣﻌﻪ ﺍﻫﺎ ﻧﻬﺎﻳﻪ ﺍﻟﺴﻤﺴﺘﺮ ﺡ ﺗﺴﻮﻱ ﺷﻨﻮ ??
ﺻﺎﺑﺮ : ﻫﻬﻬﻬﻪ ﺍﻟﻠﻪ ﺍﻋﻴﻨﻲ ﺳﺎﻱ ﻋﻠﻲ ﺟﺎﻣﻌﺘﻜﻢ ﺩﻱ ﻭﺍﻣﺮﻗﻨﺎ ﺑﺎﻟﺴﻼﻣﻪ ?
ﻫﺎﺟﺮ : ﻳﺎ ﻭﺩ ﻫﻴﻨﻪ ﺑﺲ ﺍﻧﺖ ﻣﺎ ﺗﻌﻠﺐ ﺩﺍﻳﺮﻩ ﻟﻴﻬﺎ ﺷﺪﻩ ﺣﻴﻞ ﺷﻮﻳﻪ ﻛﺪﺍ ،ﺍﻧﺎ ﺯﻣﺎﻥ ﻛﻨﺖ ﺑﻘﻮﻝ ﻛﻼﻣﻚ ﺩﺍ ﺑﺲ ﻣﺎ ﻣﻦ ﺗﺎﻧﻲ ﻳﻮﻡ ??
ﻭﻫﻨﺎ ﻫﻴﺜﻢ ﻭﻣﺤﻤﻮﺩ ﻭﺻﺪﺍﻡ ﺟﻮﺍ ﻣﺎﺷﻴﻦ ﺑﻲ ﺟﻤﺒﻪ ﻭﻟﻤﻦ ﺷﺎﻓﻬﻢ ﺻﺎﺑﺮ ﺣﺲ ﺍﻧﻮ ﺍﻟﺠﻤﺎﻋﻪ ﺩﻳﻞ ﻣﺘﺠﻬﻴﻦ ﻋﻠﻴﻪ ﻭ ﺍﺗﻮﺗﺮ ، ﻭﺣﺎﻭﻝ ﺍﺗﺼﺮﻑ ﺍﺑﺘﺴﻢ ﻭﻗﺎﻝ ﻟﻲ ﻫﺎﺟﺮ ﻋﺎﺭﻓﻪ ﺍﻟﻠﻴﻠﻪ ﺍﻧﺎ ﻋﺎﺯﻣﻚ ﻋﻠﻲ ﺍﻟﻔﻄﻮﺭ ﻋﺸﺎﻥ ﺣﻠﻴﺘﻲ ﻟﻲ ﻣﺸﻜﻠﻪ ﺍﻣﺒﺎﺭﺡ
ﻫﺎﺟﺮ : ﻳﺎﻭﺩ ﻓﻄﻮﺭ ﺷﻨﻮ ﻭﻣﺸﻜﻠﻪ ﺷﻨﻮ ﺍﻟﺤﻠﻴﺘﻬﺎ ﻟﻴﻚ ﺍﺑﺮﺩ ﻳﺎ ﻭﻟﺪﻱ ?
( ﺻﺎﺑﺮ ) ﺍﺗﺮﺳﻤﺖ ﻋﻠﻲ ﻭﺷﻮ ﻣﻼﻣﺢ ﺍﻟﺠﺪﻳﻪ ﻭﻗﺎﻝ ﻟﻲ ( ﻫﺎﺟﺮ ) ﺩﺍ ﺍﻭﻝ ﻃﻠﺐ ﺍﻃﻠﺒﻮ ﻣﻨﻚ ﻭﻣﻤﻜﻦ ﺗﻌﺘﺒﺮﻧﻲ ﺯﻱ ﺍﺧﻮﻙ ﺍﻟﺼﻐﻴﺮ ﻭﻣﺎ ﺗﺮﻓﻀﻲ ﻟﻲ ﻃﻠﺒﻲ ﺩﺍ
( ﻫﺎﺟﺮ ) ﻣﺎ ﻋﺎﺭﻓﺖ ﺗﻌﻤﻞ ﺷﻨﻮ ﺑﻌﺪ ﻣﺎ ﺷﺎﻓﺖ ﺻﺎﺣﺒﻨﺎ ﺟﺎﺩﻱ ﻭﻛﻤﻴﻪ ﺍﻟﺘﺮﺟﻲ ﺍﻻﺗﺮﺟﺎﻫﺎ ﻟﻴﻬﺎ ، ﻗﺎﻟﺖ ﻟﻴﻪ ﺧﻼﺹ ﻳﺎ ﺻﺎﺑﺮ ﺍﻧﺎ ﻗﺒﻠﺖ ﻋﺰﻭﻣﺘﻚ ، ﺻﺎﺑﺮ ﻗﺎﻝ ﻟﻴﻬﺎ ﻭﺍﻟﻠﻪ ﻓﺮﺣﺘﻨﻲ ? ﻳﻼ ﺍﺭﺡ ﺳﺮﻳﻊ ﺍﻧﺎ ﻋﺎﺭﻑ ﻛﻔﺘﺮﻳﺎ ﺣﻠﻮﻩ ( ﻫﻨﺎ ﻛﺎﻥ ﻫﻢ ﺻﺎﺑﺮ ﻛﻠﻮ ﺍﻧﻮ ﺍﺗﺨﺎﺭﺝ ﻣﻦ ﺟﻤﺎﻋﺘﻨﺎ ﺩﻳﻞ )
ﻫﺎﺟﺮ : ﺑﺘﻌﺮﻑ ﺷﻨﻮ ؟؟ ﻳﺎ ﻭﺩ ﺍﻧﺖ ﺍﻣﺒﺎﺭﺡ ﻗﺎﻋﺘﻚ ﻣﺎ ﻋﺎﺭﻓﻪ ?? ﺍﻟﻠﻴﻠﻪ ﻋﺮﻓﺖ ﺍﻟﻜﻔﺘﺮﻳﺎﺕ ﻭﺍﻟﻠﻪ ﻣﺨﻴﺮ ﺍﻟﻠﻪ ﻓﻲ ﺣﻜﻤﻮ ??
ﺻﺎﺑﺮ ﺍﺭﺡ ﻳﺎ ﻫﺎﺟﺮ ، ﻭﻗﺒﻞ ﺍﺻﺤﺎﺑﻨﺎ ﻣﺎ ﺍﺻﻠﻮﻫﻢ ( ﻫﺎﺟﺮ ﻭﺻﺎﺑﺮ ) ﺍﺗﺤﺮﻛﻮ
ﻫﺎﺟﺮ : ﻳﺎ ﻭﺩ ﻣﺎﻓﻲ ﻛﻔﺘﺮﻳﺎ ﺑﻲ ﺟﺎﻱ ?
ﺻﺎﺑﺮ : ﺍﺻﺒﺮﻱ ﺍﻧﺘﻲ، ﻫﺴﻲ ﺑﻨﺼﻠﻬﺎ
ﻭﻣﺸﻮﺍ ﻣﺴﺎﻓﻪ ﺑﻌﻴﺪﻩ ، ﻭﻟﻤﻦ ( ﺻﺎﺑﺮ ) ﺣﺲ ﺍﻧﻮ ﺑﻌﺪ ﺷﺪﻳﺪ ﻣﻦ ﺟﻤﺎﻋﺘﻨﺎ
ﺗﺼﺪﻗﻲ ﻳﺎ ( ﻫﺎﺟﺮ ) ﺷﻜﻠﻮ ﻛﻼﻣﻚ ﺻﺎﺡ ﻭﻣﺎﻓﻲ ﻛﻔﺘﺮﻳﺎ ﻫﻨﺎ ? ﺷﻜﻠﻲ ﻟﺨﺒﻄﺖ ﺍﻻﻣﺎﻛﻦ
ﻫﺎﺟﺮ : ﻭﻣﻦ ﻗﺒﻴﻞ ﺷﺎﺑﻜﻨﻲ ﻫﺴﻲ ﺑﻨﺼﻠﻬﺎ ﻭﺍﻧﺎ ﺑﻘﻮﻝ ﻟﻴﻚ ﻣﺎﻓﻲ ﻛﻔﺘﺮﻳﺎ ﻫﻨﺎ ﻭﻋﺎﻣﻞ ﻟﻲ ﻓﻴﻬﺎ ﻣﻘﻄﻊ ﺍﻟﺠﺎﻣﻌﻪ ﻛﻠﻬﺎ ﻳﺎ ﺑﺮﻟﻮﻡ
ﺻﺎﺑﺮ : ? ﻟﻜﻲ ﺍﻟﻌﺘﺒﻲ ﺣﺘﻲ ﺗﺮﺿﻲ
ﻫﺎﺟﺮ : ﺑﻌﺪ ﻣﺎ ﻣﺸﻮﺭﺗﻨﻲ ﺍﻟﻤﺴﺎﻓﻪ ﺩﻱ ﻛﻠﻬﺎ ? ﻻ ﻣﺎ ﺭﺿﻴﺎﻧﻪ
ﺻﺎﺑﺮ : ﺍﻟﻤﺮﻩ ﺩﻱ ﺳﺎﻣﺢ ﻳﺎ ﺳﻨﻴﺮﺗﻲ ﻭﺗﺎﻧﻲ ﻛﻼﻣﻚ ﻫﻮ ﺍﻟﺢ ﺍﺗﺴﻤﻊ ﺑﺲ ﺍﻟﻤﺮﻩ ﺩﻱ ﺳﺎﻣﺢ
ﻫﺎﺟﺮ : ﻗﻠﺖ ﻛﺪﺍ ، ﺧﻼﺹ ﺍﻟﻤﺮﻩ ﺩﻱ ﺳﻤﺎﺡ ﻭﺗﺎﻧﻲ ﻣﺎ ﺗﺘﻜﺮﺭ ﺳﺎﻣﻊ ﻳﺎ ﺑﺮﻟﻮﻡ
ﺻﺎﺑﺮ : ﺣﺎﺿﺮ ﻳﺎ ﺳﺘﻲ ?
ﻫﺎﺟﺮ : ﺧﻼﺹ ﺍﻧﺎ ﻭﻗﺖ ﻣﺤﺎﺿﺮﺗﻲ ﻗﺮﺏ ﻭﻣﺎ ﺡ ﺍﻗﺪﺭ ﺍﺗﺎﺧﺮ ﺍﻛﺘﺮ ﻣﻦ ﻛﺪﺍ ﻭﺍﻟﻤﺮﻩ ﺍﻟﺠﺎﻳﻪ ﺗﺘﻌﻮﺽ ﺍﻥ ﺷﺎﺀ ﺍﻟﻠﻪ ﻭﺡ ﺗﻜﻮﻥ ﻋﺰﻭﻣﺘﻴﻦ ﻋﺸﺎﻥ ﺍﻟﺘﻌﺒﻲ ﺩﺍ
ﺻﺎﺑﺮ : ﺣﺎﺿﺮ ﻳﺎ ﺳﺘﻬﻢ ﻭﺍﻋﻔﻲ ﻟﻲ ﻋﻠﻴﻚ ﺍﻟﻠﻪ
ﻫﺎﺟﺮ : ﻋﻠﻲ ﺷﻨﻮ ﻳﺎ ﺍﺧﻮﻱ ، ﻳﺎﺧﻲ ﺍﻟﻌﻔﻮ ﻭﺍﻟﻌﺎﻓﻴﻪ ﻟﻠﻪ ﻭﺭﺳﻮﻟﻪ ﻳﻼ ﺳﻼﻡ
ﺻﺎﺑﺮ : ﺳﻼﻡ ??
ﻫﻨﺎ ﺻﺎﺑﺮ ﺍﺭﺗﺎﺡ ﻣﺎ ﻋﺎﺭﻑ ﻫﻮ ﻛﺎﻥ ﻣﻘﻠﻖ ﻣﻦ ﺷﻨﻮ ، ﺍﻭ ﻋﻤﻞ ﻛﺪﺍ ﻟﻴﻪ ، ﺑﺲ ﻛﺎﻥ ﻓﻲ ﺩﺍﺧﻠﻮ ﺷﻌﻮﺭ ﺍﻧﻮ ﻧﺎﺱ ( ﺻﺪﺍﻡ ) ﻛﺎﻥ ﻗﺎﺑﻠﻮﻩ ﻣﻊ ﻫﺎﺟﺮ ﻣﺎ ﺡ ﺍﺣﺼﻞ ﺧﻴﺮ
ﺑﺲ ﻗﺎﻝ ﺍﻟﺤﻤﺪﻟﻠﻪ ﺍﻧﻮ ﺍﻟﻤﻮﺿﻮﻉ ﺍﻧﺘﻬﻲ ﻋﻠﻲ ﻛﺪﺍ ? ﻭﺍﺗﺠﻪ ﻋﻠﻲ ﺍﻟﻜﻔﺘﺮﻳﺎ ﻃﻠﺐ ﻓﻄﻮﺭﻭ ﻭﻗﻌﺪ ﻋﻠﻲ ﺑﻴﻨﺶ ﻭ ﺧﺘﺎ ﺷﻨﻄﺘﻮ ﺍﻟﺸﺎﻳﻠﻬﺎ ﻋﻠﻲ ﺟﻤﺐ ﺑﺲ ﻣﺎ ﻛﺎﻥ ﻋﺎﺭﻑ ﺍﻟﻘﺎﻋﺪ ﺟﻤﺒﻮ ﻣﻨﻮ ، ﺻﺎﺣﺒﻨﺎ ﺳﺎﺭﺡ ﻓﻲ ﺧﻴﺎﻟﻮ ﺑﻌﻴﺪ ( ﻓﻲ ﺍﻟﺤﺎﺻﻞ ﻣﻌﺎﻫﻮ (? ﻳﻌﺪ ﻣﺎ ﺧﻠﺺ ﺩﺍﻳﺮ ﺍﺷﻴﻞ ﺷﻨﻄﺘﻮ ﻭﻓﻲ ﺟﺎﻧﺐ ﺍﻟﺒﻴﻨﺶ ﺍﺗﻤﺪﺕ ﺑﺮﺿﻮ ﻳﺪ ﻓﻲ ﺍﻟﻠﺤﻈﻪ ﺩﻱ ﺍﺗﺸﺎﺑﻜﺖ ﺍﻻﻳﺎﺩﻱ ﻣﻦ ﺩﻭﻥ ﻗﺼﺪ
( ﺻﺎﺑﺮ ) ﺭﻓﻊ ﺭﺍﺳﻮ ﻭﻟﻘﻲ ﻧﻔﺴﻮ ﻣﺎﺳﻚ ﻳﺪ
ﻭﻫﻨﺎ ﻛﺎﻧﺖ ﻟﻌﺒﻪ ﺍﻟﻘﺪﺭ
ﻛﺎﻧﺖ ﺩﻱ ﻳﺪ ( ﺭﻭﺍﻥ ) ﻭﺑﻘﻲ ﺍﻋﺎﻳﻦ ﻟﻴﻬﺎ ﻓﻲ ﻋﻴﻮﻧﻬﺎ ﻭﺟﻮﺍﻩ ﺯﻱ ﻛﺎﻥ ﻓﻲ ﺑﺮﻛﺎﻥ ﺧﺎﻣﺪ ﻭﺍﻧﻔﺠﺮ
ﻭ ( ﺭﻭﺍﻥ ) ﻋﺎﻳﻨﺖ ﻓﻲ ﻋﻴﻮﻧﻮ ﻭﺷﻔﺎﺕ ﺷﺊ ﻏﺮﻳﺐ ﻣﺎ ﺷﺎﻓﺘﻮ ﻗﺒﻞ ﻛﺪﺍ ﻓﻲ ﻋﻴﻮﻥ ﺑﺸﺮ ﻛﺎﻧﺖ ﻋﻴﻮﻧﻮ ﺯﻱ ﺍﻟﺒﺘﻠﻤﻊ ﻭﻓﻴﻬﺎ ﻟﻬﻔﻪ ﻣﻤﺰﻭﺟﻪ ﺑﺎﺷﺘﻴﺎﻕ ، ﻫﻨﺎ ﺻﺎﺣﺒﻨﺎ ﻭﻋﻲ ﻋﻠﻲ ﻧﻔﺴﻮ ﻭﺍﻧﻮ ﻟﺴﻪ ﻣﺎﺳﻚ ﻳﺪ ( ﺭﻭﺍﻥ ) ﺳﺤﺐ ﻳﺪﻭ ﺑﻲ ﻫﺪﻭﺀ ﻣﻦ ﻳﺪﻫﺎ ﻭﻫﻢ ﻟﺴﻪ ﺑﻌﺎﻳﻨﻮ ﻟﻲ ﺑﻌﺾ ﻗﺎﻝ ﻟﻴﻬﺎ ﺍﻧﺎ ﺍﺳﻒ ﻭﻫﻲ ﻟﺴﻪ ﻣﺘﺤﻴﺮﻩ ﻓﻲ ﻋﻴﻮﻥ ( ﺻﺎﺑﺮ ) ﻭﺍﻟﺸﺊ ﺍﻟﻐﺮﻳﺐ ﺍﻟﺸﺎﻓﺘﻮ ﻓﻴﻬﺎ ﻭﺣﺎﻭﻟﺖ ﺗﻘﻴﻒ ﺷﻨﻄﺘﻬﺎ ﻭﻗﻌﺖ ﺣﺎﻭﻟﺖ ﺗﻨﺤﻨﻲ ﺗﺸﻴﻠﻬﺎ ﻭ ( ﺻﺎﺑﺮ ) ﺑﺮﺿﻮ ﺍﻧﺤﻨﺎ ﺍﺟﻴﺒﻬﺎ ﻟﻴﻬﺎ ﺭﺍﺳﻮ ﺍﺻﻄﺪﻡ ﺑﺮﺍﺳﻬﺎ، ( ﺭﻭﺍﻥ ) ﻣﺴﻜﺖ ﺭﺍﺳﻬﺎ ﻣﻦ ﺍﺛﺮ ﺍﻟﻀﺮﺑﻪ ﻭﺻﺎﺑﺮ ﻣﻦ ﻏﻴﺮ ﻣﺎ ﺍﺣﺲ ﻣﺴﻚ ﺭﺍﺳﻬﺎ ﻭ ( ﺭﻭﺍﻥ ) ﺑﺘﻌﺎﻳﻦ ﻟﺴﻪ ﻓﻲ ﻋﻴﻮﻧﻮ ﻭﺷﺎﻓﺖ ﺍﻟﻤﺮﻩ ﺩﻱ ﻧﻈﺮﻩ ﺧﻮﻑ ﻭﺣﻨﺎﻥ ﻭ ( ﺻﺎﺑﺮ ) ﺑﻘﻮﻝ ﻟﻴﻬﺎ ﺍﻧﺎ ﺍﺳﻒ ﺍﻧﺎ ﺍﺳﻒ ﻭﻫﻲ ﻣﺎ ﻗﺎﺩﺭﻩ ﺗﺘﻜﻠﻢ ﺷﺎﻟﺖ ﺷﻨﻄﺘﻬﺎ ﻭﻣﺸﺖ
( ﺻﺎﺑﺮ ) ﺑﻘﻲ ﻭﺍﻗﻒ ﻓﻲ ﻣﻜﺎﻧﻮ ﻭﺑﻌﺎﻳﻦ ﻟﻲ ﺭﻭﺍﻥ ﻟﻤﻦ ﻃﻠﻌﺖ ﻣﻦ ﺍﻟﻜﻔﺘﺮﻳﺎ ﻭﻗﻠﺒﻮ ﺷﻐﺎﻝ ( ﺷﺢ ﺷﺢ )
ﻓﺠﺎﺀﻩ ﺟﺎﺀﺕ ﻳﺪ ﻣﻦ ﻭﺭﻱ ﺿﺮﺑﺘﻪ ﻋﻠﻲ ﻛﺘﻔﻪ
- Writer
