# مجتمع الجامعة

# الجامعة 12

#ﺍﻟﺠﺎﻣﻌـــــــﻪ_12

ﻓﺠﺎﺀﻩ ﺟﺎﺀﺕ ﻳﺪ ﻣﻦ ﻭﺭﻱ ﺿﺮﺑﺘﻪ ﻋﻠﻲ ﻛﺘﻔﻪ

ﻛﺎﻥ ﺩﺍ ﻣﺤﻤﻮﺩ ﻭﻣﻌﺎﻫﻮ ﺻﺪﺍﻡ ﻭﻫﻴﺜﻢ

ﻣﺤﻤﻮﺩ : ﺷﻨﻮ ﻳﺎ ﺣﺒﻴﺒﻨﺎ ﻓﺎﺗﺢ ﻟﻴﻨﺎ ﻛﺪﺍ ، ﻭﻗﺒﻴﻞ ﻛﻨﺖ ﺗﻘﻮﻝ ﻟﻴﻨﺎ ﻋﻨﺪﻙ ﻣﺰﻩ ﻣﺎﺷﻲ ﺗﻘﺎﺑﻠﻬﺎ ﻣﺎ ﻛﺎﻥ ﺗﺴﻮﻗﻨﺎ ﺑﻲ ﺍﻟﺨﻼﺀ ﻛﺪﺍ ?

ﺻﺎﺑﺮ : ﻫﻬﻬﻬﻬﻬﻪ ﺩﻱ ﻣﺠﺮﺩ ﺻﺪﻳﻘﻪ ﻣﺎ ﺍﻛﺘﺮ ﺑﺲ ﻛﻨﺖ ﺩﺍﻳﺮ ﺍﺩﻳﻬﺎ ﺣﺎﺟﻪ ﻭﺻﺘﻨﻲ ﻋﻠﻴﻬﺎ

ﻫﻴﺜﻢ : ﺷﺒﺎﺏ ﺍﻟﻤﺤﺎﺿﺮﻩ ﺡ ﺗﺒﺪﺍ ﺍﻟﻔﻬﻢ ﺷﻨﻮ

ﺻﺎﺑﺮ : ﺷﺎﻳﻒ ﺍﻧﻮ ﺍﺧﻴﺮ ﻧﻤﺸﻲ ﻋﻠﻲ ﺍﻟﻘﺎﻋﻪ

ﻭﻛﻠﻬﻢ ﺍﺗﺠﻬﻮﺍ ﻋﻠﻲ ﺍﻟﻘﺎﻋﻪ ، ﻭﻣﻤﻦ ﺩﺧﻠﻮﺍ ﺍﻟﻘﺎﻋﻪ ﺻﺎﺑﺮ ﻛﺎﻥ ﺑﻔﺘﺶ ﻋﻠﻲ ﺭﻭﺍﻥ ﺑﻲ ﻋﻴﻨﻮ ﻟﻘﻬﺎ ﻗﺎﻋﺪﻩ ﻓﻲ ﺍﻟﺒﻴﻨﺸﺎﺕ ﺍﻻﻣﺎﻣﻴﻪ ﻭﻣﻤﺎ ﻋﻴﻨﻮ ﻭﻗﻌﺖ ﻋﻠﻲ ﻋﻴﻨﻬﺎ ﺭﻭﺍﻥ ﺳﺤﺒﺖ ﻋﻴﻨﻬﺎ ، ﺻﺎﺑﺮ ﻣﺎ ﻋﺎﺭﻑ ﺍﻟﺤﺼﻞ ﻣﻌﺎﻫﻮ ﻓﻲ ﺍﻟﻜﻔﺘﺮﻳﺎ ﺡ ﺍﻗﻴﻒ ﻟﻴﻪ ﻋﻘﺒﻪ ﻓﻲ ﻃﺮﻳﻖ ﺍﻟﻮﺻﻞ ﻟﻴﻬﺎ ﻭﻻ ?? ﺍﺧﺪ ﻟﻴﻪ ﻧﻔﺲ ﻃﻮﻳﻞ ﻣﺘﺒﻮﻉ ﺑﻲ ﺯﻓﻴﺮ، ﻭﻗﻌﺪ ﻫﻮ ﺍﻟﺸﺒﺎﺏ ﻓﻲ ﺍﻟﺒﻴﻨﺸﺎﺕ ﺍﻻﺧﻴﺮﻩ ﻛﺎﻟﻌﺎﺩﻩ ? ﺍﻟﻤﺤﺎﺿﺮﻩ ﺑﺪﺕ ﻭﺻﺎﺑﺮ ﻣﺎ ﺷﺎﻝ ﻋﻴﻨﻮ ﻣﻦ ﺭﻭﺍﻥ ﻭﻻ ﻟﺤﻈﻪ ﺑﺲ ﻛﺎﻥ ﺑﻔﻜﺮ ﻓﻲ ﻣﻮﻗﻒ ﺍﻟﻜﻔﺘﺮﻳﺎ ،ﻭﻣﺤﻤﻮﺩ ﻭﺻﺪﺍﻡ ﻛﺎﻟﻌﺎﺩﻩ ﻋﺰﻭ ﻧﻔﺴﻬﻢ ﺑﻲ ﺣﻴﻮﺑﻬﻢ ﻭﺍﺧﺪﻭﺍ ﻭﺿﻌﻴﻌﻪ ﺍﻟﺴﺒﺎﺕ ? ﻭﻫﻴﺜﻢ ﻛﺎﻥ ﻫﻮ ﺍﻟﻮﺣﻴﺪ ﺍﻟﻤﻨﺘﺒﻪ ﻣﻊ ﺍﻟﻤﺤﺎﺿﺮﻩ، ﺍﺛﻨﺎﺀ ﻣﺎ ﺍﻟﻤﺤﺎﺿﺮﻩ ﺷﻐﺎﻟﻪ ﺭﻭﺍﻥ ﺍﺗﻠﻔﺖ ﻭﺭﺍﻫﺎ ﻭﻋﻴﻨﻬﺎ ﻣﺎ ﻭﻗﻌﺖ ﺍﻻ ﻋﻠﻲ ﻋﻴﻦ ﺻﺎﺑﺮ ﺍﻟﻜﺎﻥ ﻟﺴﻪ ﻣﺘﻜﻲ ﻋﻠﻲ ﺍﻟﺒﻴﻨﺶ ﻭ ﺳﺮﺣﺎﻥ ﺑﻌﺎﻳﻦ ﻟﻴﻬﺎ ﻟﻤﻦ ﺭﻛﺰ ﻟﻘﻲ ﺭﻭﺍﻥ ﺑﺘﻌﺎﻳﻦ ﻟﻴﻪ ﺻﺎﺣﺒﻨﺎ ﻣﻦ ﺍﻟﻠﺒﺸﻪ ﻟﻤﻦ ﻧﻔﺾ ﺭﺣﻮ ﻭﻗﻌﺪ ﻋﺪﻳﻞ ? ﺭﻭﺍﻥ ﺑﻲ ﺳﺮﻋﻪ ﻗﺒﻠﺖ ﻗﺪﺍﻣﻬﺎ ، ﺷﻮﻳﻪ ﻛﺪﺍ ﻭﺍﻟﻤﺤﺎﺿﺮﻩ ﻛﺎﻧﺖ ﺍﻧﺘﻬﺖ ﺻﺎﺑﺮ ﻓﻜﺮ ﺍﻧﻮ ﺍﻳﻼﻗﻲ ﺭﻭﺍﻥ ﺑﺮﻩ ﺍﻟﺠﺎﻣﻌﻪ ﻓﻲ ﻣﻮﻗﻒ ﺍﻟﻤﻮﺍﺻﻼﺕ ﻭﺍﻋﺘﺰﺭ ﻟﻴﻬﺎ ﺑﺲ ﻫﻮ ﻭﻣﺎﺷﻲ ﻭﻗﻔﻮ ﺍﻟﺘﻠﻔﻮﻥ ﺍﻟﺠﺎﺀ ﻟﻲ ﺻﺪﺍﻡ

ﺻﺪﺍﻡ ‏( ﺑﺮﺩ ﻋﻠﻲ ﺍﻟﺘﻠﻔﻮﻥ ‏) : ﺍﻟﻠﻴﻠﻪ ﺍﻟﻔﺮﺧﻪ ﻣﺎ ﺟﺎﺀﺕ

ﻓﻲ ﺍﻟﻨﺎﺣﻴﻪ ﺍﻟﺘﺎﻧﻴﻪ .......:

ﺻﺪﺍﻡ : ﺍﻧﺖ ﻣﺶ ﺟﻬﺰﺕ ﻛﻞ ﺍﻟﺘﺮﺗﻴﺒﺎﺕ ، ﻣﺎ ﻣﺸﻜﻠﻪ ﻛﻠﻮ ﺑﻲ ﺣﻘﻮ ﻭﻣﺎ ﺗﺸﻴﻦ ﻫﻢ ﻟﻲ ﺍﻟﻘﺮﻭﺵ

ﻣﻦ ﺍﻟﻨﺎﺣﻴﻪ ﺍﻟﺘﺎﻧﻴﻪ .............:

ﺻﺪﺍﻡ : ﻳﺎ ﺣﺒﻴﻨﺎ ﻗﻠﺖ ﻟﻴﻚ ﻛﻞ ﺷﺊ ﺑﻲ ﺣﻘﻮ ﺍﻧﺖ ﻓﻲ ﺍﻱ ﺯﻣﻦ ﺧﻠﻴﻚ ﻣﺴﺘﻌﺪ ﻓﻲ ﺯﻣﻦ ﺍﺩﻕ ﻟﻴﻚ ﻓﻴﻪ ﺳﻼﻡ

ﺍﻧﺘﻬﺖ ﺍﻟﻤﻜﺎﻟﻤﻪ ﻋﻠﻲ ﻛﺪﺍ

ﻣﺤﻤﻮﺩ : ﺻﺪﺍﻡ ﺩﻳﻞ ﻧﺎﺳﻨﺎ

ﺻﺪﺍﻡ : ﺍﻱ ﻳﺎ ﻣﺤﻤﻮﺩ ﺩﻳﻞ ﺍﻟﻨﺎﺱ ﺍﻟﺢ ﺍﻇﺒﻄﻮﺍ ﻟﻴﻨﺎ ﻣﻮﺿﻮﻋﻨﺎ

ﻣﺤﻤﻮﺩ : ﺍﻧﺖ ﻭﺍﺛﻖ ﻣﻦ ﺍﻟﻨﺎﺱ ﺩﻳﻞ ﻭ ﻭﺭﻳﺘﻬﻢ ﺍﻟﻤﻮﺿﻮﻉ ﺑﺎﻟﻈﺒﻂ ﻫﻮ ﺷﻨﻮ

ﺻﺪﺍﻡ : ﻣﺎ ﺗﺨﺎﻑ ﻳﺎ ﻣﻌﻠﻢ ﻛﻞ ﺍﻟﺜﻘﻪ ﺩﻱ ﻣﺎ ﺍﻭﻝ ﻣﺮﻩ ﺍﺗﻌﺎﻣﻞ ﻣﻌﺎﻫﻢ ، ﺑﺲ ﻣﺸﻜﻠﺘﻬﻢ ﻣﺎ ﻋﻨﺪﻫﻢ ﺣﺎﺟﻪ ﺑﺎﻟﻤﺠﺎﻥ ﻭﺣﻖ ﻳﻮﻡ ﺍﻟﻠﻴﻠﻪ ﺍﻟﻀﺎﻉ ﺳﺎﻱ ﺑﺮﺿﻮ ﺡ ﺍﺩﻓﻊ

ﻣﺤﻤﻮﺩ : ﻳﺎ ﺯﻭﻝ ﻣﺎﺩﺍﻡ ﺍﻟﻨﺎﺱ ﺷﻐﻠﻬﺎ ﻧﻈﻴﻒ ﻭﺍﻧﺖ ﻭﺍﺛﻖ ﻣﻨﻬﻢ ﺍﻟﻘﺮﻭﺵ ﻣﻌﺎﻙ ﻣﺎ ﺑﺘﺸﻜﻞ ﻣﺸﻜﻠﻪ

ﺻﺪﺍﻡ : ﻳﺎ ﺯﻭﻟﻲ ﺍﻧﺎ ﺧﻼﺹ ﺧﺘﻴﺖ ﺍﻟﺰﻭﻝ ﺩﺍ ﻓﻲ ﺭﺍﺳﻲ ﻭﻟﻤﻦ ﺍﺧﺖ ﺯﻭﻝ ﻓﻲ ﺭﺍﺳﻲ ﻣﻌﻨﺎﻫﺎ ﺧﻼﺹ ﺍﻧﺘﻬﻲ

ﺻﺎﺑﺮ ﻗﺎﻋﺪ ﺍﺳﻤﻊ ﻓﻲ ﻛﻼﻣﻬﻢ ﻭ ﻣﻨﻄﻂ ﻋﻴﻮﻧﻪ ? ﻭﻣﺎ ﻓﺎﻫﻢ ﺷﺊ

ﻫﻴﺜﻢ : ﻳﺎ ﺍﺧﻮﺍﻧﺎ ﻡ ﺗﺨﻠﻮ ﺍﻟﻌﺒﻂ ﺍﻟﺪﺍﻳﺮﻳﻦ ﺗﺴﻮﺍ ﺩﺍ ، ﻳﺎﺧﻲ ﺍﻧﺘﻮﺍ ﻧﺎﺱ ﻛﺒﺎﺭ ﻣﻤﻜﻦ ﺗﺤﻠﻮ ﺧﻼﻓﺎﺗﻜﻢ ﺑﻲ ﻃﺮﻳﻘﻪ ﻭﺩﻳﻪ ﺑﺲ ﻣﺎ ﺑﺎﻟﻄﺮﻳﻘﻪ ﺩﻱ ?

ﺻﺎﺑﺮ : ﺷﺒﺎﺏ ﺩﻗﻴﻘﻪ ﺩﻗﻴﻘﻪ ﺍﻧﺎ ﻣﺎ ﻓﺎﻫﻢ ﺷﺊ ؟؟ﻓﻬﻤﻮﻧﻲ ﺍﻟﺤﺎﺻﻞ ﺷﻨﻮ

ﻣﺤﻤﻮﺩ : ﺑﺘﻔﻬﻢ ﻛﻞ ﺷﺊ ﻓﻲ ﻭﻗﺘﻮ

ﺻﺎﺑﺮ : ﻳﻌﻨﻲ ﻣﺎ ﺩﺍﻳﺮﻳﻦ ﺗﻮﺭﻭﻧﻲ

ﺻﺪﺍﻡ : ﻣﺎ ﻛﺪﺍ ﻳﺎ ﺧﻮﻩ ، ﺑﺲ ﺯﻱ ﻣﺎ ﻗﺎﻝ ﻟﻴﻚ ﻣﺤﻤﻮﺩ ﻛﻞ ﺷﺊ ﻓﻲ ﻭﻗﺘﻮ ﺣﻠﻮ

ﻭﺍﻟﺠﺎﻣﻌﻪ ﻛﻠﻬﻢ ﻃﻠﻌﻮﺍ ﻋﻠﻲ ﻛﺪﺍ ﺑﺲ ﺻﺎﺑﺮ ﻛﺎﻥ ﻣﺼﺮ ﺍﻓﻬﻢ ﺍﻟﺤﺎﺻﻞ ﺷﻨﻮ ، ﺷﺎﻝ ﺍﺭﻗﺎﻣﻬﻢ ﻛﻠﻬﻢ ﻭﺭﺟﻊ ﻋﻠﻲ ﺍﻟﺒﻴﺖ ﻛﺎﻟﻌﺎﺩﻩ ﺑﻲ ﻗﺼﻪ ﺟﺪﻳﺪﻩ ﻭﺍﺳﺌﻠﻪ ﺍﻛﺘﺮ ﻭﺍﺳﺘﻔﻬﺎﻣﺎﺕ ﺍﻛﺒﺮ ﺑﻌﺪ ﻣﺎ ﺳﻠﻢ ﻋﻠﻲ ﻛﻞ ﻧﺎﺱ ﺍﻟﺒﻴﺖ ﻭﺍﺭﺗﺎﺡ ﺷﻮﻳﻪ ، ﻗﺮﺭ ﺍﺿﺮﺏ ﻟﻲ ﻫﻴﺜﻢ ﻭﻗﺎﻝ ﻫﻮ ﺍﻟﻮﺣﻴﺪ ﺍﻟﻤﻤﻜﻦ ﺍﺣﻜﻲ ﻟﻲ

ﺻﺎﺑﺮ : ﺍﻟﻮ ﻫﻴﺜﻢ ﺍﺧﺒﺎﺭﻙ ﻭﺻﺤﺘﻚ

ﻫﻴﺜﻢ : ﺍﻟﺤﻤﺪﻟﻠﻪ ﻛﻠﻮ ﺗﻤﺎﻡ، ﻭﺍﻧﺖ ﻃﻤﻨﺎ ﻋﻠﻴﻚ ﻳﺎ ﻏﺎﻟﻲ

ﺻﺎﺑﺮ؛ ﻛﻠﻮ ﻓﻲ ﺍﻟﺴﻠﻴﻢ ، ﻫﻴﺜﻢ ﺩﺍﻳﺮ ﺍﺧﺶ ﻟﻴﻚ ﻓﻲ ﺍﻟﻤﻮﺿﻮﻉ ﻃﻮﺍﻟﻲ ﺍﻧﺎ ﺩﺍﻳﺮ ﺍﻓﻬﻢ ﻛﻼﻡ ﺻﺪﺍﻡ ﻭﻣﺤﻤﻮﺩ ﺍﻟﻘﺒﻴﻞ ﻭﺍﻧﺎ ﻋﺎﺭﻓﻬﻢ ﻫﻢ ﻣﺎ ﺩﺍﻳﺮﻳﻦ ﺍﺣﻜﻮ ﻟﻲ ﺑﺲ ﺍﻣﻠﻲ ﻓﻴﻚ ﻛﺒﻴﺮ ﺍﻧﻚ ﺗﺤﻜﻲ ﻟﻲ ﻭﺗﻔﻬﻤﻨﻲ ﻭﻋﺎﺭﻓﻚ ﺍﻧﺖ ﺯﻭﻝ ﻣﺎ ﺑﺘﺤﺐ ﺍﻟﻐﻠﻂ

ﻫﻴﺜﻢ؛ ﻭﺍﻟﻠﻪ ﻳﺎ ﺻﺎﺑﺮ ﺍﺧﻮﻱ ﻣﺎ ﻋﺎﺭﻑ ﺍﻗﻮﻝ ﻟﻴﻚ ﺷﻨﻮ

ﺻﺎﺑﺮ : ﺩﺍﻳﺮﻙ ﺑﺲ ﺗﻔﻬﻤﻨﻲ ﺍﻟﻜﻼﻡ ﺍﻟﻘﺒﻴﻞ ﻛﺎﻥ ﺑﺘﺜﻖ ﻓﻴﻨﻲ ﻭﻣﻌﺘﺒﺮﻧﻲ ﺍﺧﻮﻙ ﺯﻱ ﻣﺎ ﻗﻠﺖ

ﻫﻴﺜﻢ : ﺍﻧﺎ ﻣﺎ ﻋﺎﺭﻑ ﺍﺑﺪﺍ ﻟﻴﻚ ﻣﻦ ﻭﻳﻦ ﻭﻻ ﻭﻳﻦ

ﺻﺎﺑﺮ : ﺍﻟﻤﻬﻢ ﺍﻧﺖ ﺗﺒﺪﺍ

ﻫﻴﺜﻢ : ﺍﻟﻨﺎﺱ ﺩﻱ ﺍﻧﺎ ﺧﺎﻳﻒ ﻋﻠﻴﻬﻢ ﻭﺍﻟﻠﻪ ﻭﻟﻲ ﻫﺴﻲ ﺑﺤﺰﺭﻫﻢ ﻭﺧﺎﻳﻒ ﻋﻠﻴﻬﻢ ﻣﻦ ﺍﻧﻮ ﺍﻟﻘﺼﻪ ﺍﻟﻘﺪﻳﻤﻪ ﻭﺍﻧﻮ ﻧﻔﻘﺪ ﺷﺨﺺ ﺗﺎﻧﻲ ﺑﻲ ﺗﺼﺮﻓﺎﺗﻬﻢ ﺍﻟﻤﺎ ﻋﻘﻼﻧﻴﻪ ﺩﻱ

ﺻﺎﺑﺮ : ﻗﺼﻪ ﻗﺪﻳﻤﻪ؟؟ ! ﺗﻔﻘﺪﻭﺍ ﺯﻭﻝ ﺗﺎﻧﻲ؟؟؟

ﻫﻴﺜﻢ ﻧﺸﻔﺖ ﺭﻳﻘﻲ ﺍﺣﻜﻲ ﻟﻲ ﻳﺎ ﺍﺧﻮﻱ

ﻫﻴﺜﻢ : ﺍﻧﺖ ﺳﺎﻛﻦ ﻭﻳﻦ

ﺻﺎﺑﺮ : ﺳﺎﻛﻦ ﺍﻣﺮﻣﺎﻥ ﺍﻟﺜﻮﺭﻩ

ﻫﻴﺜﻢ : ﺍﻧﺎ ﺯﺍﺗﻲ ﺳﺎﻛﻦ ﺍﻣﺪﺭﻣﺎﻥ ﺍﻟﺪﻭﺣﻪ

ﻭﺻﻒ ﻟﻲ ﻣﻜﺎﻥ ﻣﻤﻜﻦ ﻧﺘﻼﻗﻲ ﻓﻴﻪ ﻭﺍﻧﺎ ﺍﺣﻜﻲ ﻟﻴﻚ ﻛﻞ ﺍﻟﺤﺎﺻﻞ ﻭﺍﻥ ﺷﺎﺀ ﺍﻟﻠﻪ ﻳﺎ ﺭﺏ ﺗﻘﺪﺭ ﺗﻘﻴﻒ ﻣﻌﺎﻱ ﻭﺗﻘﺪﺭ ﺗﻘﻨﻊ ﺍﻟﻨﺎﺱ ﺩﻳﻞ ﻣﻦ ﺍﻟﻨﺎﻭﻳﻦ ﻋﻠﻴﻪ

ﺻﺎﺑﺮ : ﺗﻤﺎﻡ ﺷﺪﻳﺪ، ﺧﻼﺹ ﻧﺘﻼﻗﻲ ﻓﻲ ﺍﻟﻤﻼﺯﻣﻴﻦ ‏( ﺣﺒﻴﺒﻲ ﻣﻔﻠﺲ (?

ﻫﻴﺜﻢ : ﺯﻳﺖ ﻳﺎ ﺻﺤﺒﻲ

ﺷﻮﻳﻪ ﻛﺪﺍ ﻭﺍﻟﺠﻤﺎﻋﻪ ﺍﺗﻼﻗﻮ ﻭﻫﻴﺜﻢ ﺑﻘﻲ ﺍﺣﻜﻲ ﻟﻲ ﺻﺎﺑﺮ

ﺍﻟﺠﻤﺎﻋﻪ ﺩﻳﻞ ﻳﺎ ﺻﺎﺑﺮ ﻗﺎﺻﺪ ﻣﺤﻤﻮﺩ ﻭﺻﺪﺍﻡ ﺍﺗﻔﻘﻮﺍ ﻣﻊ ﺷﻮﻳﻪ ﻣﻘﺎﻃﻴﻊ ﺍﻧﻬﻢ ﺍﺧﻄﻔﻮ ﺑﺎﺳﻞ ﻣﻦ ﺟﻤﺐ ﺍﻟﺠﺎﻣﻌﻪ ﻭﺍﺩﻫﻮ ﻋﻠﻘﻪ ﻧﻈﻴﻔﻪ ﺩﺍ ﺍﻧﺎ ﺑﺲ ﺍﻟﻌﺎﺭﻓﻮ ﻭﺍﻟﻮﺭﻭﻧﻲ ﻟﻴﻪ ، ﻟﻜﻦ ﺍﻧﺎ ﺣﺎﺳﻲ ﺍﻟﻤﻮﺿﻮﻉ ﺍﻛﺒﺮ ﻣﻦ ﻛﺪﺍ

ﺻﺎﺑﺮ : ﻛﻴﻒ ﺍﻛﺒﺮ ﻣﻦ ﻛﺪﺍ؟؟؟