# مجتمع الجامعة

# الجامعة 13

ηø√℮ł⚡️᎗̈ɹȊ᎗̤ɹȊgȷ:

#ﺍﻟﺠﺎﻣﻌـــــــﻪ_13

ﺻﺪﺍﻡ : ﻳﺎ ﺑﻴﺒﻮ ﻭﻳﻦ ﻟﻴﻚ ﺷﻬﺮ ﻣﺨﺘﻔﻲ ﺣﺘﻲ ﺍﻟﺘﻠﻔﻮﻥ ﻗﺎﻓﻠﻮ

ﺑﺎﺳﻞ : ﺗﻘﻮﻝ ﺷﻨﻮ ﻳﺎ ﺍﺧﻮﻱ ﺳﺎﻓﺮﺗﺎ ﺍﻟﺴﻌﻮﺩﻳﻪ ﻭﻛﻨﺖ ﻣﺸﻐﻮﻝ ﻣﻊ ﺍﺟﺮﺍﺀﺕ ﺍﻻﻗﺎﻣﻪ ﻭﺟﺮﺟﺮﺗﻬﺎ ? ﺭﺑﻨﺎ ﺍﻋﻴﻨﺎ ﺑﺲ

ﺻﺪﺍﻡ : ﻳﺎ ﺯﻭﻝ ﺣﻤﺪﻟﻠﻪ ﻋﻠﻲ ﺍﻟﺴﻼﻣﻪ ، ﺍﻫﺎ ﻭﺍﻟﺤﺎﺝ ﻭﺭﻳﺘﻮ ﺑﻲ ﺍﻟﻤﻮﺿﻮﻉ ﺍﻟﻨﻘﺶ ﻭﻻ

ﺑﺎﺳﻞ : ﻗﺼﺪﻙ ﻣﻮﺿﻮﻉ ﺭﻳﺒﻴﺖ ﺍﻟﺴﻨﻪ ﺍﻟﻔﺎﺗﺖ ، ﻭﺍﻟﻠﻪ ﻳﺎ ﺍﺧﻮﻱ ﺍﻟﻔﺖ ﻟﻴﻪ ﻗﺼﻪ ﻃﻮﻳﻠﻪ ﻋﺮﻳﻀﻪ ، ﺍﻭﻝ ﺯﻋﻞ ﻭﻛﺎﻥ ﺩﺍﻳﺮ ﺍﻋﻤﻞ ﻟﻲ ﻣﺸﻜﻠﻪ ﺍﻧﻮ ﺍﺟﻲ ﺍﻟﺠﺎﻣﻌﻪ ﻭﻛﺪﺍ، ﺑﺲ ﻓﻲ ﺍﻟﻨﻬﺎﻳﻪ ﺍﻗﻨﻌﺘﻮ ?

ﺻﺪﺍﻡ : ﻭﺭﻳﻨﻲ ﻛﺒﻴﺖ ﺍﻟﺤﻨﻚ ﻛﻴﻒ ﻳﺎ ﻣﻌﻠﻢ ?

ﺑﺎﺳﻞ : ﻫﻬﻬﻬﻬﻪ ﻗﻠﺖ ﻟﻴﻪ ﻓﻲ ﺩﻛﺘﻮﺭ ﻗﺼﺪﻧﻲ ﺑﻲ ﺳﺒﺐ ﺍﺳﺎﺀﻩ ﻓﻬﻢ ﻣﻨﻮ ﻭﺷﻴﻠﻨﻲ ﺍﻟﻤﺎﺩﻩ ﻭﻓﻲ ﺍﻟﻤﻠﺤﻖ ﻣﺎ ﻧﺠﺤﻨﻲ ، ﻭﻫﻨﺎ ﻛﺎﻥ ﺩﺍﻳﺮ ﺍﻋﻤﻞ ﻟﻲ ﻣﺸﻜﻠﻪ ﻗﺎﻝ ﻟﻲ ﺍﻧﺎ ﺡ ﺍﻧﺰﻝ ﺍﻟﺴﻮﺩﺍﻥ ﻭﺍﻣﺸﻲ ﺍﻟﺠﺎﻣﻌﻪ ﻭﺍﻋﻤﻞ ﻟﻴﻚ ﺍﻋﺎﺩﻩ ﺗﺼﺤﻴﺢ ﻭﻻﺯﻡ ﻧﺸﺘﻜﻴﻪ ﻭﺍﻥ ﺷﺎﺀ ﺍﻟﻠﻪ ﺍﻟﺸﻜﻮﻱ ﺩﻱ ﺗﺼﻞ ﺣﺘﻲ ﻭﺯﺍﺭﻩ ﺍﻟﺘﻌﻠﻴﻢ ﻭﺗﺼﻞ ﻟﻲ ﺍﻟﻮﺯﻳﺮ ﺯﺍﺗﻮ ﻣﺎ ﺍﻫﻤﻨﻲ ، ﺍﻟﻨﺎﺱ ﺩﻱ ﻣﺎ ﺑﺘﺨﺎﻑ ﺍﻟﻠﻪ ﻭﻻ ﻗﺎﻳﻠﻨﻨﺎ ﺍﺣﻨﺎ ﺍﻟﻘﺮﻭﺵ ﺍﻟﺒﻨﺪﻓﻌﻬﺎ ﺩﻱ ﺑﻨﻠﻘﻬﺎ ﻭﺍﻗﻌﻪ ﻓﻲ ﺍﻟﻮﺍﻃﻪ ??

ﻫﻨﺎ ﻗﻠﺖ ﻟﻴﻪ ﻳﺎ ﺍﺑﻮﻱ ﺍﻟﻤﺸﻜﻠﻪ ﻣﺎ ﻫﻨﺎ، ﺍﻧﺎ ﻛﻨﺖ ﺩﺍﻳﺮ ﺍﻋﻤﻞ ﻛﻼﻣﻚ ﺩﺍ ﺑﺲ ﺍﻟﺪﻛﺘﻮﺭ ﺟﺎﺀﻫﻮ ﻋﻘﺪ ﻭﺳﺎﻓﺮ ﺗﺼﺪﻕ ﻳﺎ ﺍﺑﻮﻱ ﺷﺎﻝ ﺍﻟﻮﺭﻕ ﻣﻌﺎﻩ ﻋﺸﺎﻥ ﺍﻧﺎ ﻟﻮ ﻓﻜﺮﺕ ﺍﻋﻤﻞ ﺍﻋﺎﺩﻩ ﺗﺼﺤﻴﺢ ﻣﺎ ﺍﻗﺪﺭ ﻭﺍﻟﺠﺎﻣﻌﻪ ﺑﻘﺖ ﻣﺎ ﺑﺘﻘﺪﺭ ﺗﻐﻴﺮ ﺍﻭ ﺗﻌﻤﻞ ﺷﺊ ﻭﻗﺎﻟﺖ ﻫﻲ ﻋﻨﺪﻫﺎ ﺷﺮﻑ ﺍﻟﺒﻮﺭﺕ ‏( ﺷﺮﻓﺖ ﺍﻟﺒﻮﺭﺕ : ﻣﻌﻨﺎﻩ

ﺍﻟﻨﺘﻴﺠﻪ ﺍﻻﺗﻌﻠﻘﺖ ﻓﻲ ﺍﻟﺒﻮﺭﺕ ﺗﺎﻧﻲ ﻣﺎ ﺑﺘﺘﻐﻴﺮ ﻭﺩﺍ ﺷﺮﻑ ﺍﻟﺒﻮﺭﺕ ‏)

ﻛﺴﺮﻩ

ﻛﺘﻴﺮ ﻣﻦ ﺍﻟﻄﻠﺒﻪ ﻓﻲ ﺍﻟﺠﺎﻣﻌﺎﺕ ﻭﺑﺎﻟﺬﺍﺕ ﻟﻤﻦ ﻓﻲ ﺍﻟﺠﺎﻣﻌﺎﺕ ﺍﻟﺨﺎﺻﻪ ﺍﻟﻮﺍﺣﺪ ﺑﻘﻮﻝ ﻧﻔﺲ ﻛﻼﻡ ﺑﺎﺳﻞ ﺍﻧﻮ ﻓﻲ ﺩﻛﺘﻮﺭ ﻗﺎﺻﺪﻩ ﻋﺸﺎﻥ ﻛﺪﺍ ﺷﻴﻠﻮ ﺍﻟﻤﺎﺩﻩ ﻋﺸﺎﻥ ﺍﺑﺮﺭ ﺗﻘﺼﻴﺮﻩ ﻭﺗﺴﻴﺒﻮ ﻓﻲ ﺍﻟﺪﺭﺍﺳﻪ ? ﻟﻲ ﻧﺎﺱ ﺍﻟﺒﻴﺖ ، ﻭﻓﻲ ﺍﻟﺠﻬﻪ ﺍﻟﺘﺎﻧﻴﻪ ﻓﻲ ﺑﻌﺾ ﺍﻟﺪﻛﺎﺗﺮﻩ ﺑﻌﻤﻠﻮﺍ ﻛﺪﺍ ﺑﺲ ﺑﻜﻮﻥ ﺍﻟﻄﺎﻟﺐ ﻋﻤﻞ ﺷﺊ ﻻ ﻳﻐﺘﻔﺮ ﻟﻴﻪ ‏)

ﻫﻨﺎ ﺍﺑﻮﻱ ﻗﺎﻝ ﻟﻲ ﺧﻼﺹ ﻭﻗﺖ ﻣﺎﻓﻲ ﻃﺮﻳﻘﻪ ﻣﻌﻨﺎﻫﺎ ﻣﺎ ﺗﻘﻌﺪ ﻓﻲ ﺍﻟﺠﺎﻣﻌﻪ ﺩﻱ ﻭﺷﻮﻑ ﻟﻴﻚ ﺟﺎﻣﻌﻪ ﺗﺎﻧﻴﻪ

ﻗﻠﺖ ﻟﻴﻪ ﻻ ﻳﺎ ﺍﺑﻮﻱ ? ﺍﻟﻬﻨﺪﺳﻪ ﺩﻱ ﻏﻴﺮ ﺟﺎﻣﻌﺘﻨﺎ ﺗﺎﻧﻲ ﻣﺎﻓﻲ ﻓﻲ ﺍﻟﺴﻮﺩﺍﻥ ﻋﻠﻲ ﺣﺪ ﻋﻠﻤﻲ ﻭﺍﻧﺎ ﺍﻟﻬﻨﺪﺳﻪ ﺩﻱ ﺭﻏﺒﺘﻲ ﻭﻣﺎﺩﺍﻡ ﺍﻟﺪﻛﺘﻮﺭ ﺳﺎﻓﺮ ﺧﻼﺹ ﺗﺎﻧﻲ ﻣﺎﻓﻲ ﻋﻮﺟﻪ ﻭﺍﻟﺴﻨﻪ ﺩﻱ ﺍﺣﺘﺴﺒﻬﺎ ﻋﻨﺪ ﺍﻟﻠﻪ ﻭﻛﻠﻮ ﻟﻲ ﺧﻴﺮ ﻳﺎ ﺍﺑﻮﻱ ﻣﺶ ﺑﻘﻮﻟﻮﺍ ‏( ﺍﻣﺮ ﺍﻟﻤﺆﻣﻦ ﻛﻠﻪ ﺧﻴﺮ ‏) ﻭﻫﻨﺎ ﺍﺑﻮﻱ ﺍﻗﺘﻨﻊ ?

ﺻﺪﺍﻡ : ﻳﺎﺧﻲ ﺍﻧﺖ ﻣﻌﻠﻢ ﻭﻣﻨﻚ ﻧﺘﻌﻠﻢ ﻳﺎﺧﻲ ﺍﻧﺖ ﺍﺑﻠﻴﺲ ﺗﻘﻌﺪﻭ ﻓﻲ ﻋﻠﺒﻮ ﻭﺗﺪﺭﺳﻮ ﺩﺭﺱ ﺩﺭﺱ ?

ﺑﺎﺳﻞ : ﺷﻔﺖ ﻛﻴﻒ ?

ﺻﺪﺍﻡ : ﺍﺻﻠﻲ ﻛﻴﻒ

ﺑﺎﺳﻞ : ﻭﺍﻧﺖ ﻋﻤﻠﺖ ﺷﻨﻮ؟؟؟

ﺻﺪﺍﻡ : ﻭﺍﻟﻠﻪ ﺍﻛﻠﺘﻬﺎ ﻟﺒﺎﺩﻱ ﻭﻋﻤﻠﺖ ﺭﺍﻳﺢ ﻭﻣﺎ ﻛﻠﻤﺖ ﺯﻭﻝ ﻣﻦ ﺍﻟﺒﻴﺖ، ﻭﻫﻮ ﻛﺎﻥ ﺍﺗﻌﺼﺮﺕ ﻟﻘﻴﺖ ﻗﺼﻪ ﺟﺎﻫﺰﻩ ?

ﻭﻫﻨﺎ ﺗﻠﻔﻮﻥ ﺑﺎﺳﻞ ﺩﻗﺎ

ﺑﺎﺳﻞ : ﺍﻟﻮ ﻭﻳﻨﻚ ﺍﻧﺖ ﻳﺎ ﺑﺮﻟﻮﻡ ﺍﻭﻋﻲ ﺗﻘﻮﻝ ﻟﻲ ﺿﻌﺘﺎ ?

ﺍﻟﺠﻬﻪ ﺍﻟﺘﺎﻧﻴﻪ .............:

ﺑﺎﺳﻞ : ﺧﻼﺹ ﺍﻧﺎ ﺟﻤﺐ ﺍﻟﺒﻮﺍﺑﻪ ﺍﻭﻝ ﻣﺎ ﺗﺠﻲ ﺧﺎﺷﻲ ﺣﺘﻠﻘﻲ ﻣﻤﺮ ﻋﻠﻲ ﻳﺪﻙ ﺍﻟﻴﻤﻴﻦ ﺍﻧﺎ ﻣﻨﺘﻈﺮﻙ ﻫﻨﺎﻙ ﻳﻼ ﺗﻌﺎﻝ ﺳﺮﻳﻊ ، ﻭﺍﻧﺘﻬﺖ ﺍﻟﻤﻜﺎﻟﻤﻪ ﻋﻠﻲ ﻛﺪﺍ

ﺑﺎﺳﻞ : ﺻﺪﺍﻡ ﺗﺼﺪﻕ ﺍﻧﻚ ﺑﺎﻳﺦ ﻭﻣﺎ ﻋﻨﺪﻙ ﺯﻭﻕ

ﺻﺪﺍﻡ : ﻛﻴﻒ ﻳﺎ ﺑﻴﺒﻮ ?

ﺑﺎﺳﻞ : ﺍﻧﺎ ﻭﺍﻗﻒ ﻣﻌﺎﻙ ﺳﺎﻋﻪ ﻭﻣﺎ ﻋﺮﻓﺘﻨﻲ ﻋﻠﻲ ﺣﺒﺎﻳﺒﻨﺎ ﺩﻳﻞ

ﺻﺪﺍﻡ : ﻭﺍﻟﻠﻪ ﻳﺎ ﺑﻴﺒﻮ ﺍﻧﺪﻣﺠﺖ ﻣﻌﺎﻙ ﻓﻲ ﻗﺼﻪ ﺍﻟﺤﺎﺝ ﻭﺍﻟﺤﺠﺎﺏ ﺍﻟﺤﺠﺒﺘﻮ ﺑﻴﻪ ﻭﻧﺴﻴﺖ ﺍﻋﺮﻓﻚ ، ﺩﺍ ﻣﺤﻤﻮﺩ ﻭﺩ ﺣﻠﺘﻲ ﻳﻌﻨﻲ ﺯﻭﻟﻲ ﻭﺳﻴﺪ ﺭﺻﺘﻲ ?✌ ﻭﺩﺍ ﻫﻴﺜﻢ ﺻﺎﺣﺐ ﻣﺤﻤﻮﺩ ﻛﺎﻥ ﺩﻓﻌﺘﻪ ﻓﻲ ﺍﻟﺜﺎﻧﻮﻱ ، ﻭﺍﻻ ﺍﺗﻨﻴﻦ ﻛﺮﺕ ﻛﺮﺗﻮﻧﻪ ‏( ﺑﺮﺍﻟﻤﻪ (??

ﺑﺎﺳﻞ : ﻭﺍﻧﺖ ﺑﺘﻔﺮﻕ ﻣﻨﻬﻢ ﺑﻲ ﺷﻨﻮ ? ﻛﻠﻨﺎ ﺑﻘﻴﻨﺎ ﻓﻲ ﺍﻟﻬﻮﺍﺀ ﺳﻮﺍ ﻳﺎ ﺍﺻﻠﻲ،ﻭ ﺍﺗﺸﺮﻓﺘﺎ ﺑﻴﻜﻢ ? ، ﺍﻧﺎ ﺑﺎﺳﻞ

ﺻﺪﺍﻡ : ﻭﺍﻟﻠﻪ ﻋﻠﻲ ﻗﻮﻟﻚ ﻛﻠﻨﺎ ﻓﻲ ﺍﻟﻬﻮﺍﺀ ﺳﻮﻱ ?

ﻣﺤﻤﻮﺩ ﻭﻫﻴﺜﻢ : ﺍﺗﺸﺮﻓﻨﺎ ﻳﺎ ﺑﺎﺳﻞ ?

ﺑﺎﺳﻞ : ﺍﻧﺎ ﺯﺍﺗﻲ ﻋﻨﺪﻱ ﻓﺮﺩﺗﻲ ﺟﺎﻱ ﻫﺴﻲ ، ﺍﻫﺎ ﺟﻴﺒﻨﺎ ﺳﻴﺮﻩ ﺍﻟﻘﻂ ﺟﺎﻧﺎ ﺍﻧﻂ ?? ، ﺍﻋﺮﻓﻜﻢ ﺑﻲ ﻣﺤﻤﺪ ﺑﺮﺿﻮ ﺳﺎﻛﻦ ﺟﻤﺐ ﺍﻟﺪﺍﺧﻠﻴﻪ ﻭﺯﻭﻟﻲ ﺷﺪﻳﺪ ﻭﺍﻟﻠﻪ ﻣﺎ ﻣﻘﺼﺮ ﻣﻌﺎﻱ ﻛﻠﻮ ﻛﻠﻮ ? ، ﻣﺤﻤﺪ ﺩﺍ ﻭﺩ ﺩﻓﻌﺘﻲ ﺍﻟﻘﺪﻳﻤﻪ ﺻﺪﺍﻡ ﻭﺩﻳﻞ ﻣﺤﻤﻮﺩ ﻭﻫﻴﺜﻢ ﻭﻛﻠﻨﺎ ﻛﺪﺍ ﺑﻘﻴﻨﺎ ﺩﻓﻌﻪ ﻭﺍﺣﺪﻩ ?

ﻣﺤﻤﺪ : ﺍﺗﺸﺮﻓﺘﺎ ﻳﺎ ﺷﺒﺎﺏ ﺑﻲ ﻣﻌﺮﻓﺘﻜﻢ ?

ﻛﻞ ﺍﻟﺸﺒﺎﺏ : ﻭﺍﺗﺸﺮﻓﻨﺎ ﺑﻴﻚ ﻳﺎ ﻣﺤﻤﺪ

ﺑﺎﺳﻞ : ﻳﺎ ﺻﺪﺍﻡ ﺯﻭﻟﻚ ﺟﺎﺀ ﻟﻲ ﺍﻟﺒﻠﺪ ﺩﻱ ﺍﻣﺒﺎﺭﺡ ﻭﺯﻫﺠﺎﻥ ﻭﻗﺮﻓﺎﻥ ?

ﻳﻌﻨﻲ ﻣﺎ ﻋﻨﺪﻭ ﺍﻱ ﻣﻔﺮﻓﺸﺎﺕ ﻓﻴﻌﻨﻲ ﺷﻨﻮ ﻳﺎ ﺻﺤﺒﻲ ﺍﻟﻠﻴﻠﻪ ﺍﻟﻌﺰﻩ ﻭﺍﻟﺒﺮﻧﺎﻣﺞ ﻋﻠﻴﻚ ?

ﺻﺪﺍﻡ : ﺑﺲ ﻛﺪﺍ ﻳﺎ ﺯﻭﻟﻲ ، ﻳﺎﺧﻲ ﺍﻧﺖ ﺗﺎﻣﺮ ﺍﻣﺮ ﻳﺎ ﺣﻮﺗﻪ ﻋﺰﻧﺎ ﻣﻦ ﺍﻟﻤﺠﻤﻮﻋﻪ ﺍﻟﺠﺪﻳﺪﻩ ?

ﻫﻨﺎ ﻣﺤﻤﻮﺩ ﻃﻠﻊ ﻣﻦ ﺟﻴﺒﻮ ﺷﺮﻳﻂ ﺑﺘﺎﻉ ﺣﺒﻮﺏ ? ﻭﺍﺩﻫﻮ ﻟﻲ ﺻﺪﺍﻡ ﻭﺻﺪﺍﻡ ﺍﺩﺍﻫﻮ ﻟﻲ ﺑﺎﺳﻞ ﻭﻗﺎﻝ ﻟﻴﻪ ﻭﺩﻱ ﺍﻋﺘﺒﺮﻫﺎ ﺣﻖ ﺍﻟﺘﺮﺣﻴﺐ ? ﻭﺷﺮﻓﺖ ﺍﻟﺒﻠﺪ ﻳﺎ ﻏﺎﻟﻲ

ﺑﺎﺳﻞ : ﻫﻬﻬﻬﻬﻬﻪ ﻳﺎﺧﻲ ﺍﻧﺖ ﺍﻟﺰﻳﺖ ﺑﺲ ﺩﺍ ﻣﺎ ﺣﻘﻲ ﺑﺮﺍﻱ ﻳﻼ ﺧﺶ ﺍﺩﻱ ﺻﺪﺍﻡ ﺣﺒﻪ ﻭﻣﺤﻤﻮﺩ ﺷﺎﻝ ﺣﺒﻪ ، ﻭﻫﻴﺜﻢ ﻭﻣﺤﻤﺪ ﺑﻘﻮ ﺑﻌﺎﻳﻨﻮ ﻟﻴﻬﻢ ﻭﻣﻨﻄﻄﻴﻦ ﻋﻴﻮﻧﻬﻢ ??

ﺑﺎﺳﻞ : ﻣﺤﻤﻮﺩ ﻳﺎ ﺯﻭﻝ ﺍﻧﺖ ﻣﻌﺎﻧﺎ ﻓﻲ ﺍﻟﻤﻮﺩ ﺩﺍ ?

ﺻﺪﺍﻡ : ﻣﺎ ﻗﻠﺖ ﻟﻴﻚ ﺯﻭﻟﻲ ﻭﺳﻴﺪ ﺭﺻﺘﻲ ?

ﻣﺤﻤﻮﺩ : ﻣﺎ ﺗﺨﺎﻑ ﻳﺎ ﺧﻮﻩ ﺯﻭﻟﻚ ﻗﺪﻳﻢ ﻭﻛﺪﺍ ?

ﺑﺎﺳﻞ : ﻳﺎ ﺯﻭﻝ ﺍﻟﺪﻧﻴﺎ ﺩﻱ ﺩﺍﻳﺮﻩ ﻛﺪﺍ ﺗﺪﻳﻬﺎ ﻃﻨﺎﺵ ﻋﺸﺎﻥ ﺗﻌﻴﺶ ﺍﻧﺘﻌﺎﺵ ?

ﻣﺤﻤﻮﺩ : ﻭﺩﺍ ﻗﺎﻧﻮﻧﺎ ﻳﺎ ﻓﺮﺩﻩ

ﻭﻛﻠﻬﻢ ﺍﺗﺤﺮﻛﻮﺍ ﻋﻠﻲ ﺟﻬﻪ ﺍﻟﻘﺎﻋﻪ ، ﻣﺤﻤﺪ ﻗﺎﻝ ﻟﻲ ﺑﺎﺳﻞ ﺍﻧﺖ ﻳﺎ ﺯﻭﻝ ﻣﺎ ﺑﻄﻠﺖ ﺍﻟﺤﺎﺟﺎﺕ ﺩﻱ ﻳﻌﻨﻲ ﺑﺘﻜﺬﺏ ﻋﻠﻲ ﻳﺎ ﺑﻴﺒﻮ ﻛﺎﻥ ‏( ﺑﺘﻜﻠﻢ ﻣﻌﺎﻩ ﺑﻲ ﺻﻮﺕ ﻭﺍﻃﻲ ﻋﺸﺎﻥ ﺍﻟﺒﺎﻗﻴﻦ ﻣﺎ ﺍﺳﻤﻌﻮ ‏) ﺑﺎﺳﻞ ﻗﺎﻝ ﻟﻴﻪ ﻭﺍﻟﻠﻪ ﻳﺎ ﺍﺑﻮ ﺣﻤﻴﺪ ﻣﺎ ﺑﻲ ﻳﺪﻱ ﻭﺍﻟﻠﻪ ﺣﺎﻭﻟﺖ ﺑﺲ ﻣﺎ ﻗﺪﺭﺗﺎ ﻭﺛﻢ ﺗﺎﻧﻲ ﺣﺎﺟﻪ ﺍﻧﺎ ﺑﻘﻴﺖ ﻣﺎ ﺑﺒﻠﻊ ﻛﺘﻴﺮ ﻭﻣﺎﺷﻲ ﺑﺎﻟﺘﺪﺭﻳﺞ ﺷﻮﻳﻪ ﺷﻮﻳﻪ ﻋﺸﺎﻥ ﺍﻗﺪﺭ ﺍﺧﻠﻴﻬﺎ

ﻣﺤﻤﺪ : ﻭﺍﻟﻠﻪ ﻳﺎﺭﻳﺖ ﻳﺎ ﺑﻴﺒﻮ ﺍﻛﻮﻥ ﻛﻼﻣﻚ ﺻﺎﺡ ﻭﻣﺎ ﺑﺘﻜﺬﺏ ﻋﻠﻲ ، ﻭﺍﻟﻠﻪ ﺍﻧﺎ ﺧﺎﻳﻒ ﻋﻠﻴﻚ ﻣﻨﻬﺎ ﻳﺎ ﺍﺧﻮﻱ

ﺑﺎﺳﻞ : ﻣﺎ ﺗﺨﺎﻑ ﻳﺎ ﺍﺧﻮﻱ ﻭﺍﻧﺎ ﻣﺎ ﺑﻜﺬﺏ ﻋﻠﻴﻚ ﻭﺍﻻﻳﺎﻡ ﺡ ﺗﻮﺭﻳﻚ ﺍﻥ ﺷﺎﺀ ﺍﻟﻠﻪ

ﻣﺤﻤﺪ : ﺍﻥ ﺷﺎﺀ ﺍﻟﻠﻪ ﻳﺎ ﺑﻴﺒﻮ

ﻫﻨﺎ ﺻﺪﺍﻡ ﺍﻧﺘﺒﻪ ﻋﻠﻴﻬﻢ ، ﺷﻨﻮ ﻳﺎ ﺟﻤﺎﻋﻪ ﺑﺮﺍﻛﻢ ﻛﺪﺍ ﻭﻧﺴﻮﻧﺎ ﻣﻌﺎﻛﻢ ﻭﻻ ﻳﺎ ﺑﻴﺒﻮ ﺍﻟﻘﻲ ﺍﺣﺒﺎﺑﻮ ﻧﺴﻲ ﺍﺻﺤﺎﺑﻮ ?

ﺑﺎﺳﻞ : ﺍﻓﻮ ﻳﺎ ﺍﺧﻮﻱ ﻛﻠﻜﻢ ﺍﺣﺒﺎﺑﻲ ﻭﺍﻟﻠﻪ ﺑﺲ ﺯﻭﻟﻲ ﺯﻱ ﻣﺎ ﻋﺎﺭﻑ ﺟﺪﻳﺪ ﻋﻨﺪﻭ ﻛﻢ ﺍﺳﺘﻔﺴﺎﺭ ﻛﺪﺍ ﺍﻓﺘﻴﺖ ﻟﻴﻪ ﻓﻴﻬﻢ ﺑﺎﻟﻮﺍﺿﺢ ﻛﺪﺍ ﺑﺴﺎﻝ ﻋﻦ ﺍﻟﺠﻜﺲ ﻳﺎ ﻣﺎﻥ ???

ﺻﺪﺍﻡ : ﻫﻬﻬﻬﻬﻪ ﻳﺎ ﺍﺑﻮ ﺣﻤﻴﺪ ﺍﺑﺮﺩ ﺷﻮﻳﻪ ﺑﻲ ﺷﻮﻳﺶ ﺑﻲ ﺷﻮﻳﺶ ﺑﺲ ﺍﺳﻤﻊ ﻧﺼﻴﺤﺘﻲ ﺩﻱ ﻭﺧﻠﻴﻚ ﺗﻘﻴﻞ ﺍﻭﻋﻲ ﺗﺒﻘﻲ ﺧﻔﻴﻒ ﻗﺪﺍﻡ ﺍﻟﺠﻜﺲ ﺩﻱ ﺍﻫﻢ ﻗﺎﻋﺪﻩ ﻳﺎ ﺻﺤﺒﻲ ?

ﻣﺤﻤﺪ : ﻫﻬﻬﻬﻬﻪ ﺣﺎﺿﺮ ﻳﺎ ﻗﺪﻳﻢ ﺡ ﺍﻣﺸﻲ ﺑﻲ ﻧﺼﻴﺤﺘﻚ ?

ﻫﻨﺎ ﻭﺻﻠﻮ ﺍﻟﻘﺎﻋﻪ ﻭﺩﺧﻠﻮﻫﺎ ﻭﺍﻟﻤﺤﺎﺿﺮﻩ ﺑﺪﺕ