# الجامعة 3
524 Words
#ﺍﻟﺠﺎﻣﻌـــــــﻪ_3
ﺻﺎﺣﺒﻨﺎ ﺩﺧﻞ ﺍﻟﺠﺎﻣﻌﻪ ﺑﻬﺪﻭﺀ
ﺑﺲ ﻭﺍﺟﻬﺘﻮ ﻣﺸﻜﻠﻪ ??
ﻛﻴﻒ ﺡ ﺍﻋﺮﻑ ﺍﻟﻘﺎﻋﻪ ﺍﻟﺢ ﺍﺩﺭﺱ ﻓﻴﻬﺎ ?? ( ﻣﺸﻜﻠﻪ ﻛﻞ ﺑﺮﻭﻟﻢ (?
ﻭﺑﻘﻲ ﺧﺎﻳﻒ ﻣﻦ ﺍﻟﺴﺆﺍﻝ ﻋﻦ ﺍﻟﻘﺎﻋﻪ ﻋﺸﺎﻥ ( ﺍﻟﺒﺮﻟﻤﻪ ) ﻫﻬﻬﻬﻬﻬﻪ
ﻣﺸﻲ ﻋﻠﻲ ﺟﻨﺐ ﻭﺑﻘﻲ ﺑﻮﺍﻗﻒ ﻭﺍﻋﺎﻳﻦ ﻟﻲ ﺍﻟﺠﺎﻱ ﻭﺍﻟﻤﺎﺷﻲ ﻭﺍﻋﺎﻳﻦ ? ﻟﺴﺎﻋﺘﻮ ﺧﺎﻳﻒ ﺍﻭﻝ ﻣﺤﺎﺿﺮﻩ ﺗﻔﻮﺗﻮ ، ﻓﻲ ﺍﻟﻨﻬﺎﻳﻪ ﺍﺗﻮﻛﻞ ﻋﻠﻲ ﺍﻟﻠﻪ ﻭﻗﺎﻝ ﺍﺳﺎﻝ ﻟﻘﻲ ﺷﻠﻪ ﺷﺒﺎﺏ
ﺻﺎﺑﺮ : ﺳﻠﻢ ﻋﻠﻴﻜﻢ ﺷﺒﺎﺏ
ﺍﻟﺸﺒﺎﺏ : ﻭﻋﻠﻴﻜﻢ ﺍﻟﺴﻼﻡ
ﺻﺎﺑﺮ : ﺑﺴﺎﻝ ﻣﻦ ﻗﺎﻋﻪ (***)
ﻓﻲ ﻟﺤﻈﻪ ﺩﻱ ﻭﺍﺣﺪ ﻣﻦ ﺍﻟﺸﺒﺎﺏ ﻏﻤﺰ ? ﻟﻲ ﺍﺻﺤﺎﺑﻮ ﻭﻛﻠﻬﻢ ﻓﻬﻤﻮ
ﻭﺍﺣﺪ ﻣﻦ ﺍﻟﺸﺒﺎﺏ : ﺍﻱ ﺑﻌﺮﻓﻬﺎ ﺷﻔﺖ ﺍﻟﻤﻤﺮ ﺩﺍ ﺍﻣﺸﻲ ﻓﻴﻪ ﻃﻮﺍﻟﻲ ﺍﻭﻝ ﻗﺎﻋﻪ ﻭﺗﺎﻧﻴﻪ ﺑﺮﺿﻮ ﺧﻠﻴﻬﺎ ﺍﺧﺪ ﺷﻤﺎﻟﻚ ﻭﺡ ﺗﻠﻘﻲ ﻣﺮﺭ ﺗﺎﻧﻲ ﺍﻣﺸﻲ ﺑﻴﻪ ﺡ ﺗﻠﻘﺎﻫﺎ ﻓﺎﺗﺤﻪ ﺷﻤﺎﻝ ﺟﻐﺮﺍﻓﻲ
ﺻﺎﺑﺮ : ﺗﺴﻠﻤﻮﺍ ﺷﺒﺎﺏ
ﺍﻟﺸﺒﺎﺏ : ﻛﻠﻬﻢ ﻣﺒﺘﺴﻤﻴﻦ ? ﻭﻣﺎ ﻗﺎﺩﺭﻳﻦ ﺍﺿﺤﻜﻮﺍ ﺍﻟﻌﻔﻮ ﻳﺎ ﺣﺒﻴﺐ
ﻭﻣﺸﻲ ﻣﻨﻬﻢ
ﺍﻟﺸﺒﺎﺏ ﻓﻲ ﺍﻟﻠﺤﻈﻪ ﺩﻱ ﺍﻧﻔﻘﻌﻮﺍ ﻣﻦ ﺍﻟﻀﺤﻚ ﻗﺎﻟﻮﺍ ﺍﻟﻠﻴﻠﻪ ﻳﺎ ﺩﺧﻞ ﺍﺳﺘﺮﺍﺣﻪ ﺍﻟﺒﻨﺎﺕ ? ﻳﺎ ﻃﺸﻲ ﻭﺩﺧﻞ ﺍﻟﻼﺑﺎﺕ
ﺻﺎﺣﺒﻨﺎ ﻛﺎﻥ ﺷﺎﻛﻲ ﻓﻲ ﺍﻟﻮﺻﻒ ﺑﺲ ﻣﺎ ﻋﻨﺪﻭ ﺣﻞ ﻏﻴﺮ ﺍﻣﺸﻲ ﻭﺍﺛﻨﺎﺀ ﻣﺎ ﻫﻮ ﻣﺎﺷﻲ ﻋﻠﻲ ﺍﻟﻮﺻﻒ ﻭﻟﺴﻪ ﺻﻮﺭﻩ ﺍﻟﺒﺖ ﺍﻟﺸﺎﻓﻬﺎ ﻓﻲ ﺍﻟﻤﻮﻗﻒ ? ﻣﺎ ﺩﺍﻳﺮﻩ ﺗﻔﺎﺭﻗﻮ ﻓﺠﺎﺀﻩ ﺧﺒﻂ ﻓﻲ ﺑﺖ ?
ﻭﺍﻟﺒﺖ ﺍﺗﻠﻔﺖ ﻋﻠﻴﻪ ﻭﻫﻲ ﺑﺘﻜﻮﺭﻙ ﺍﻧﺖ ﻣﺎ ﺷﺎﻳﻒ ﻗﺪﺍﻣﻚ ﻭﻻ ﺩﻱ ﺍﻋﻤﻲ ﻓﺠﺎﺀﻩ ﺳﻜﺘﺖ ? ﻟﻘﻴﺖ ﻭﺍﺣﺪ ﻗﺼﻴﺮ ? ﻭﻣﺪﻧﻘﺮ ﺭﺍﺳﻮ ﻋﻠﻲ ﺍﻻﺭﺽ ? ﻭﺷﻐﺎﻝ ﻣﻌﻠﻴﺲ ﺍﻧﺎ ﺍﺳﻒ ( ﻃﺒﻌﺎ ﺻﺎﺣﺒﻨﺎ ﻣﻊ ﻋﻨﺪﻭ ﻋﻼﻗﻪ ﻣﻊ ﺍﻟﺠﻨﺲ ﺍﻟﻠﻄﻴﻒ ﻟﻲ ﺩﺭﺟﻪ ﺍﻟﺨﻮﻑ ﻣﻨﻬﻢ ﻣﻊ ﺍﻧﻮ ﻭﻟﺪ ﺑﻴﻦ ﺑﺘﻴﻦ ) ﺍﻟﺒﺖ ﺣﺴﺖ ﺍﻟﻮﻟﺪ ﺧﻼﺹ ﺩﺍﻳﺮ ﺍﺑﻜﻲ ? ﻃﻮﺍﻟﻲ ﻏﻴﺮﺕ ﻧﺒﺮﺗﻬﺎ ﻭﻗﺎﻟﺖ ﻟﻴﻪ ﻣﺎﻓﻲ ﻣﺸﻜﻠﻪ ﻋﺎﺩﻱ ، ﺑﺲ ﺍﻧﺖ ﻣﺎﻟﻚ ﻣﺎﺷﻲ ﻭﻳﺎﻟﻚ ﻓﻲ ﻣﻜﺎﻥ ﺗﺎﻧﻲ ﻫﻨﺎ ﺻﺎﺣﺒﻨﺎ ﻳﺎﺩﻭﺏ ﺭﺟﻊ ﻟﻲ ﻭﺍﻗﻌﻨﺎ ﻗﺎﻝ ﻟﻴﻬﺎ ﺍﻧﺎ ﺟﺪﻳﺪ ﺳﻨﻪ ﺍﻭﻟﻲ
ﺍﻟﺒﺖ : ﻟﻴﻪ ﻳﻌﻨﻲ ﺑﺮﻟﻮﻡ ﻫﻬﻬﻬﻬﻬﻬﻬﻪ
ﻋﺎﻳﻦ ﻟﻴﻬﺎ ﻭﻗﺎﻝ : ﻓﻲ ﻧﻔﺴﻮ ( ﺩﺍ ﺍﻟﻜﺎﻥ ﻧﺎﻗﺼﻨﻲ ) ﻭﺍﺑﺘﺴﻢ ﺍﺑﺘﺴﺎﻣﻪ ﻣﺰﻳﻔﻪ ?
ﺣﺴﺖ ﺑﻴﻪ ﺍﻧﻮ ﺍﺿﺎﻳﻖ ﻗﺎﻟﺖ ﻟﻴﻪ ﻫﺴﻲ ﻣﺎﺷﻲ ﻭﻳﻦ
ﺻﺎﺑﺮ : ﻗﺎﻋﻪ (***)
ﺍﻟﺒﺖ : ﻟﻴﻪ ﻭﺍﻟﺠﺎﺑﻚ ﻫﻨﺎ ﺷﻨﻮ
ﺻﺎﺑﺮ : ﺳﺎﻟﺖ ﺷﺒﺎﺏ ﻭﺻﻔﻮﺍ ﺍﻟﻤﻜﺎﻥ ﺩﺍ
ﺍﻟﺒﺖ : ﻫﻬﻬﻬﻬﻬﻬﻬﻬﻪ ﺩﻳﻞ ﺩﺍﻳﺮﻳﻦ ﺍﺑﺮﻟﻤﻮﻙ
ﺻﺎﺑﺮ ?: ﺑﻜﻠﻢ ﻧﻔﺴﻮ ( ﻛﻨﺖ ﺣﺎﺳﻲ ﺑﺲ ﻛﺪﺍ )
ﺍﻟﺒﺖ : ﻫﻬﻬﻬﻬﻪ ﺍﺭﺡ ﺍﻧﺎ ﻣﺎﺷﻪ ﺍﻟﻜﻔﺘﺮﻳﺎ ﺟﻤﺐ ﺍﻟﻘﺎﻋﻪ ﺩﻱ
ﺻﺎﺑﺮ : ﺗﻤﺎﻡ
ﻭﻫﻢ ﻣﺎﺷﻴﻦ ﻭﻃﻮﻝ ﻣﺎ ﻫﻢ ﻣﺎﺷﻴﻦ ﺻﺎﺑﺮ ﻣﺎ ﻗﺎﺩﺭ ﺍﻋﻴﻦ ﻟﻲ ﺍﻟﺒﺖ ﻭﺍﻟﺒﺖ ﺗﺸﻴﻞ ﻭﺗﻌﺎﻳﻦ ﻟﻴﻪ ﻭﺗﻀﺤﻚ
ﺍﻟﺒﺖ : ﻳﺎ ﻭﺩ ﻣﺎ ﺗﺨﻠﻴﻚ ﻣﺴﻜﻴﻦ ﻛﺪﺍ
ﺍﻧﺎ ﺍﺳﻤﻲ ( ﻫﺎﺟﺮ ) ﺑﻘﺮﺍ ﻫﻨﺪﺳﻪ ﻃﺒﻴﻪ ﺳﻨﻪ ﺭﺍﺑﻌﻪ ﻭﺍﻧﺖ
ﺻﺎﺑﺮ : ﺍﺗﺸﺮﻓﻨﺎ ﻭﺍﻧﺎ ﺍﺳﻤﻲ ( ﺻﺎﺑﺮ ) ﻭﻋﻠﻲ ﻗﻮﻟﻴﻚ ﺑﺮﻟﻮﻡ ﻫﻨﺪﺳﻪ ﻃﻴﺮﺍﻥ
ﻫﺎﺟﺮ : ﺍﺗﺸﺮﻓﻨﺎ ﻳﺎ ﻭﺟﻴﻪ
ﺻﺎﺑﺮ ﻣﻦ ﺍﻟﺨﺠﻠﻪ ﻭﺷﻮ ﺑﻘﻲ ﺍﺣﻤﺮ ( ﻳﺎ ﻭﺟﻴﻪ ﺩﻱ ﺷﺘﺖ ﺑﺎﻛﺎﺗﻮ (??
ﻫﺎﺟﺮ : ﻫﻬﻬﻬﻬﻬﻬﻪ ﺧﻼﺹ ﻳﺎ ﺻﺎﺑﺮ
ﻳﻼ ﺩﻱ ﺍﻟﻘﺎﻋﻪ ﺍﻻﻧﺖ ﺩﺍﻳﺮﻩ ﻳﻼ ﺑﺎﻱ ﻭﺍﻥ ﺷﺎﺀ ﺍﻟﻠﻪ ﻧﺘﻼﻗﻲ ﺗﺎﻧﻲ
ﺻﺎﺑﺮ : ﺍﻥ ﺷﺎﺀ ﺍﻟﻠﻪ ﻳﺎ ﻩ ﻩ ﻫﺎﺟﺮ
ﻫﺎﺟﺮ : ﻳﺎ ﻭﺩ ﻗﻠﻨﺎ ﺷﻨﻮ ﺧﻠﻲ ﺍﻟﻤﺴﻜﻨﻪ ﺩﻱ
ﺻﺎﺑﺮ ?: ﺗﻤﺎﻡ
ﻭﺩﺧﻞ ﺍﻟﻘﺎﻋﻪ ﻟﻘﻲ ﺍﻟﻘﺎﻋﻪ ﻣﻠﻴﺎﻧﻪ ﻭﺍﻟﻤﺤﺎﺿﺮﻩ ﺑﺪﺍﺕ ﺍﺳﺘﺎﺀﺫﻥ ﻭﺩﺧﻞ ﻣﻦ ﺷﺪﻩ ﺍﻟﺘﻮﺗﺮ ﻣﺎ ﻋﺮﻑ ﺍﻗﻌﺪ ﻭﻳﻦ ﺑﺲ ﺍﻭﻝ ﺑﻴﻨﺶ ﻟﻘﺎﻫﻮ ﻓﺎﺿﻲ ﻗﻌﺪ ﻓﻴﻪ ، ﻛﺎﻥ ﺑﻴﻨﺶ ﻓﻲ ﺍﺧﺮ ﺍﻟﻘﺎﻋﻪ
ﻭﺑﻘﻲ ﺍﻋﻴﻦ ? ﺑﻲ ﺟﺎﻱ ﻭﺟﺎﻱ ﻭﻣﺮﻩ ﺍﻧﺘﺒﻪ ﻣﻊ ﺍﻟﺪﻛﺘﻮﺭ ﻭﻣﺮﺍﺕ ﺍﺳﺮﺡ ( ﻟﺴﻪ ﻋﻘﻠﻮ ﻣﻊ ﺍﻟﺒﺖ ﺍﻟﺸﺎﻓﻬﺎ ﻓﻲ ﺍﻟﻤﻮﻗﻒ )
ﻓﺠﺎﺀﻩ ﺟﺎﻫﻮ ﺻﻮﺕ ﻣﻦ ﻭﺭﻱ
ﻳﺎ ﺍﺻﻠﻲ ﻳﺎ ﺍﺻﻠﻲ
- Writer
