# الجامعة 4
348 Words
#ﺍﻟﺠﺎﻣﻌـــــــﻪ_4
ﻓﺠﺎﺀﻩ ﺟﺎﻫﻮ ﺻﻮﺕ ﻣﻦ ﻭﺭﻱ
ﻳﺎ ﺍﺻﻠﻲ ﻳﺎ ﺍﺻﻠﻲ
ﺻﺎﺑﺮ ﺍﺗﻠﻔﺖ ﻟﻲ ﻭﺭﻱ ﻭﻟﻘﺎﻫﻮ ﺷﺎﺏ ﺷﻜﻠﻮ ﻏﺮﻳﺐ ﺷﻮﻳﻪ ? ( ﺷﻌﺮﻭ ﻛﺘﻴﺮ ﻭﻋﺎﻣﻠﻮ ﺑﻮﺏ ﻭﻋﻤﻞ ﺳﻜﺴﻮﻛﻪ ﻇﺮﻳﻔﻪ ﻛﺪﺍ ﻭﻟﻮﻧﻮ ﻗﻤﺤﻲ ﺑﺲ ﻛﺎﻥ ﻭﺟﻴﻪ ﻭﻧﺨﺮﺗﻮ ? ﻭﺍﻗﻔﻪ ﺳﻴﻒ ﺯﻱ ﻣﺎ ﺑﻘﻮﻟﻮﺍ (? ﺍﻟﻤﻬﻢ ﺻﺎﺣﺒﻨﺎ ﺑﻮﺏ ﺩﺍ ﻗﺎﻝ ﻟﻲ ﺻﺎﺑﺮ ﻳﺎ ﺍﺻﻠﻲ ( ﺑﺘﺴﻒ ) ?ﺻﺎﺑﺮ ﻟﺴﻪ ﻣﺘﻨﺸﻦ ﻣﻦ ﺍﻟﺸﻜﻞ ﺍﻟﺸﺎﻳﻔﻮ ﺩﺍ ?
ﺻﺎﺑﺮ : ﺷﻨﻮ ؟؟
ﺑﻮﺏ : ﺑﺘﺴﻒ ( ﺻﻌﻮﺩ ) ﺍﻋﻨﻲ ﻭﻻ ﻣﺎ ﺑﺘﻌﺮﻓﻮﺍ ﻛﻤﺎﻥ
ﻓﻲ ﺍﻟﻠﺤﻈﻪ ﺩﻱ ﺍﺩﺧﻞ ﺍﻟﻮﻟﺪ ﺍﻟﻘﺎﻋﺪ ﺟﻤﺐ ﺑﻮﺏ ﻭﺑﻘﻲ ﺍﺿﺤﻚ ﻭﻗﺎﻝ ﻟﻲ ﺑﻮﺏ ﻳﺎ ( ﺑﺎﺳﻞ ) ﺍﻧﺖ ﺷﻬﺎﺩﻩ ﻋﺮﺑﻴﻪ ﻭﺑﺘﻌﺮﻓﻮ ﻭﺩ ﺍﻟﺒﻠﺪ ﺩﻱ ﻣﺎ ﻋﺮﻓﻮ
ﻭﻫﻨﺎ ﺻﺎﺑﺮ ﻳﺎﺩﻭﺏ ﺭﻛﺰ ﻣﻌﺎﻫﻢ
ﺻﺎﺑﺮ : ﻻ ﻭﺍﻟﻠﻪ
ﺍﻟﻮﻟﺪ ﺍﻟﻘﺎﻋﺪ ﺟﻤﺐ ﺑﻮﺏ : ﻳﺎﺧﻲ ﻋﺎﻳﻦ ﻟﻴﻪ ﺷﻜﻠﻮ ﻇﺎﻫﺮ ﻭﺩ ﻧﺎﺱ ? ﻗﺎﻳﻞ ﺍﻟﻨﺎﺱ ﻛﻠﻬﺎ ﺯﻳﻚ ﻳﺎ ﺑﻴﺒﻮ <= ( ﺑﺎﺳﻞ ) ﻭﺍﺗﻠﻔﺖ ﻋﻠﻲ ﺻﺎﺑﺮ ﻭﻗﺎﻝ ﻟﻴﻪ ﻣﻌﻠﻴﺶ ﻳﺎ ﺣﺒﻮﺏ ﺩﺍ ﺍﺻﻼ ﻛﺪﺍ ﻟﻴﻪ 3 ﺳﻨﻴﻦ ﻓﻲ ﺍﻟﺤﺎﻟﻪ ﺩﻱ
ﺻﺎﺑﺮ : ﻣﺎﻓﻲ ﺷﺊ ﻋﺸﺎﻥ ﻣﻌﻠﻴﺶ ﺩﻱ ?
ﺍﻟﻮﻟﺪ ﺍﻟﺘﺎﻧﻲ : ﺗﺴﻠﻢ ﻳﺎ ﺣﺒﻮﺏ ? ﺍﻧﺎ ﺍﺳﻤﻲ ( ﻣﺤﻤﺪ ) ﻭﺩﺍ ( ﺑﺎﺳﻞ ) ( ﻣﺤﻤﺪ ﺷﺎﺏ ﺍﺳﻤﺮﺍﻧﻲ ﺣﺎﻟﻖ ﺯﻱ ﻛﺮﺳﺘﻴﺎﻧﻮ ? ﻭﺑﺮﺿﻮ ﻟﻴﻪ ﻓﻲ ﺍﻟﻮﺟﺎﻩ ﻭﺍﻟﻄﻮﻝ )
ﺻﺎﺑﺮ : ﻭﺍﻧﺎ ( ﺻﺎﺑﺮ )
ﻣﺤﻤﺪ : ﺍﺗﺸﺮﻓﻨﺎ ﻳﺎ ﺣﺒﻮﺏ ?
ﺑﺎﺳﻞ ﺑﻲ ﺍﺳﻴﺎﺀ ﻛﺪﺍ :? ﺍﺗﺸﺮﻓﻨﺎ ﻳﺎ ( ﺻﺎﺑﺮ ) ﺑﺲ ﻭﺍﻟﻠﻪ ﻳﺎ ﺧﻮﻩ ﺧﺮﻣﺎﻥ ﻭﺍﻟﺪﻛﺘﻮﺭ ﻳﺎﻫﻮ ﻛﻼﻣﻮ ﺑﺘﺎﻉ ﻛﻞ ﺳﻨﻪ ﺍﻟﻤﺎ ﻣﻔﻬﻮﻡ ﺩﺍ ﻳﺎﺧﻲ ﺩﺍ ﻣﻌﻄﻨﺎ ﻣﻌﻂ
ﺻﺎﺑﺮ : ﻛﻞ ﺳﻨﻪ ؟؟؟
ﻣﺤﻤﺪ : ﻫﻬﻬﻬﻬﻪ ﺍﻧﺎ ﻣﺎ ﻗﻠﺖ ﻟﻴﻚ ﻟﻴﻪ ﺗﻼﺗﻪ ﺳﻨﻪ ﻓﻲ ﺍﻟﺤﺎﻟﻪ ﺩﻱ
ﺻﺎﺑﺮ : ﻛﻴﻒ؟؟
ﻣﺤﻤﺪ : ﻣﺮﺑﺖ ﺳﻨﻪ ﻭﺳﻨﻪ ﺟﻤﺪﻫﺎ ﻭﺩﻱ ﺍﻟﺴﻨﻪ ﺍﻟﺘﺎﻟﺘﻪ
ﺑﺎﺳﻞ ﺑﺤﻤﺮ ﻟﻲ ﻣﺤﻤﺪ :? ﻇﺮﻭﻑ ﻳﺎ ﺍﺧﻮﻱ
ﻣﺤﻤﺪ : ﺯﻱ ﺍﻧﺎ ﻣﺎ ﺑﻌﺮﻓﻚ ﻭﺳﺎﻛﻨﻴﻦ ﻓﻲ ﺍﻟﺤﻠﻪ ﺳﻮﺍ
ﺻﺎﺑﺮ : ﻳﺎ ( ﻣﺤﻤﺪ ) ﺍﻟﻈﺮﻭﻑ ﻏﺪﺍﺭﻩ ﻭﻣﺎ ﻣﻌﺮﻭﻓﻪ ﻭﻳﺎ ( ﺑﺎﺳﻞ ) ﻛﻞ ﺗﺎﺧﻴﺮﻫﺎ ﻭﻟﻴﻬﺎ ﺧﻴﺮﻫﺎ
ﺑﺎﺳﻞ : ﻋﻠﻴﻚ ﺍﻟﻠﻪ ﻭﺭﻱ ﺍﻻﺭﻋﻦ ﺩﺍ ?
ﻭﻓﺠﺎﺀﻩ ﻋﻢ ﺍﻟﺼﻤﺖ ﻓﻲ ﻛﻞ ﺍﻟﻘﺎﻋﻪ ﻭﺍﺻﺤﺎﺑﻨﺎ ﻭﻧﺴﺘﻬﻢ ﺟﺎﺭﻩ ﻭﻣﺎ ﺟﻴﺒﻴﻦ ﺧﺒﺮ ??? ( ﻭﻳﺎ ﺣﻼﺕ ﺍﻟﻮﻧﺴﻪ ﻭﺍﻟﻤﺤﺎﺿﺮﻩ ﺷﻐﺎﻟﻪ (??
- Writer
