يوم الفرح

20

لينا وهي منزله راسها : اذا تبيني ارجع لراكان رجعت يبه .. اذا كنت حمل وهم عليكم .. بعدين يبه ما تحملت اشوفك معدود من تعداد المجرمين ومرمي بالسجن 5 سنين وانا ساكته وبيدي الحل .. ودي ارد لو جميل من جمايلك علي ! انا اسـفه يبه اذا كان قراري زعـلك ...

ابو لينا : ماله داعي الأسف يالينا .. كلها خمس سنين واطلع ودعوة المظلوم مستجابه وينتهي الموضوع وتفكين عمرك من راكان واشكاله ..

ام لينا بعصبيه : بــس ياخالد البنت ضحة بكل شيء لاجل عيونك وانت تذب بوجهها هالكلام اسمح لي اقولك انك قليل خاتمه يا خالد ... ولازم تروح لمه وتخليه يطلقها الطلقه الثالثه ونفتك منــه ومن مشاكله اللي تبط الكبد وتعور الراس .. ( ولفت على لينا بحنان .. يلا يمه روحي ارتاحي بغرفتك وانا بلحقك بصحن الشوربه ..

لينا بتعب وضيق : ما أشتهي يمه .. ارجوك لا تغصبيني .. وقامت متجهه للدرج تجر اذيال خيبتها ..

فتحت غرفتها وسكرت الباب فصخت عباتها ورمتها على السرير وجلست على سرير سحر وتحسست بطنها ونزلت دموعها على ولدها اللي يبي ينرحم من ابوي .. ظربت بطنها بقسوه وكره للي ببنطها وفكرت انها تنزله وترتاح منه لاكن تأنيب الضمير وتغلغل الايمان بداخلها منعها من فعل الحرام وقررت انها تخبي الموضوع عن الكل ليــن يحلها الف حلال . . . تمددت على سرير سحر وحطت راسها وغـفت عينها بتعب

لاكن فزها صوت جوالها اللي يـــرن .. مدت يدها للكمادينو واخذت جوالها اللي اهدته لمى للينا عقب ما ت**ر بين يدين راكان العنيفه ..

شافت الشاشه .. لمـــى ..

استغربت وكرهت انها ترد لاكنها تذكرت وقفات لمى معاها وردت بصوت مبحوح ..

لينا بتعب : اهلـين لمى ..

لمى بفرح : هـــلا والله لينو .. من تغلى تخلى ..

لينا : ههههه انا تغليـت حرامـ عليك ..

لمى : هممـ اجل وش تفسرين اتصالاتي من الصبـح ؟!

لينا : والله كنت بالمستشـ ... ااا كنت بعيده عن الجوال ..

لمى : ايـــش ؟!

لينا : بعيده عن جوالي .. المهم كيفك وش اخبارك ؟

لمى : اااه يا لينا وش اقولك بس .. من جد فقدتك بالبيت ..

لينا بألمـ : من كثر المده اللي جلست فيها عندكم كلها شهرين بالكثير ثلاث شهور ..

لمى : ولو ان شاء الله يومين اهم شيء اني تعودت على وجودك بالبيت ..

لينا بألم : قسمه ونصيب ..

لمى تحاول تلطف الجو : اقووول لينو ..

لينا : هلا حبيبتي ..؟

لمى : عندكم شيء اليوم ؟!

لينا : لا ياقلبي ولا ششيء .......!

لمى : حلو .. لانـي بنور بيتكم اليوم ..

لينا تفاجئت : هاه !

لمى : ههههههههههههههههههههههههههههههههههههه منور بأصحابه وقسمن ..

لينا استوعبت : هههههههه عبالي .. المهم يا قلبي حياك الله البيت بيتك ..

لمى : تسلمين يا قلبي .. اوكي ع المغرب وانا عندكم ..

لينا : بأنتظارك غناتي ..

لمى : مع السلامه ..

لينا : فمان الله ..

سكرت لينا من لمى واستغربت جيتها المفاجئه وفكرت انها تكون لها يد بسالفة المطعم واستوعبت انها ممكن تكون ذيك البنت اللي سمت نفسها بـ رغد ..!

بعدت أي فكره من راسها خبيثه واستسلمت لنومة مريحه بعد جهد جهيد وتعـب فظيع ..

في بيت ابو حنين ....

نزلت حنين لابسه بنطلون سكيني رمادي وبلوزه أبيض طويله عليها رسم عشوائي اسود مع شوزها الرياضي الاسود ونازله بيدها عبايتها وتنقز درجتين درجتين بمرح ..

شافتها ام حنين وقالت : هههههههههه اعقلي يا حنين اعقلي .. ابو طبيع ما يجوز عن طبعه

حنين : ههههههههههههه حكم الأوي ..

شافت ابوها جالس بالصاله ويبتسم لها : على وين يا بنت ابوك ..

حنين ماده البوز : على بيت عمتي ..

ابو حنين : ما شاء الله ومن بيود*ك ان شاء الله ..

حنين وهي تميل براسها : أنــت ..

ابو حنين وهو يضحك : ايه تولمـي ..

حنين بضحكه : لييييييييييييييش ؟؟!

ضحكو عليها ابوها وامها وهم يدعون بقلوبهم ربهم ما يحرمهم منها ..

في بيت ابو لينا ....

بعد ما مالت براسها يمين ويسار وسلمت على ملائكتها رفعت ايدينها ترجـي رحمة ربها عليها ..

لينا بدموع : يا عزيز يا جبار برحمتك اللتي وسعت الارض وما فيها ارحمني يا جبار الطف بحالي يا عزيز يا حكيم بحكمتك اهدني وبصبرك اعطني وبحلك الصواب اهملني اللهم اني لا أسألك رد القظاء ولاكنني أسألك اللطف فيه .. رحمتك يا ارحمـ الراحمين .. آللــهمـ آآآآمــيــن !!

مسحت يدها على وجهها بذل لرب البشر وشالت سجادتها وراحت متجهه لدولاب وطلعت لها جلابيه مخصره على جسمها وخفيفه جدا تريح وتريح .. راحت لجهة تسريحتها وسبق ذكرها ومشطت شعرها ورفعته بشباصه بعشوائيه مع خصل تسلست على وجهها اللي بانت عليه اثار تعب الحمل والوحام ..

اتجهت لباب غرفتها وفتحته وطلعت تخبر امها بخبر وصول لمـى اخت رفيق دربها المجهول ..

لا تهمّك . .

عيني لو يوم : إغرقت

لأني كلّي - قبل لا أعرفك . . . . ( غريق ) !

كان فيني " روح " كااان وفارقت

الحزن مثل : الحَطَب . . . وآنا الحريق !

كل ما شفت السما فيني إبرقت

تمطر عيوني . . . . و إحساسي رقيق !

إنت وإلا الناس عندي ما إفرقت

وقت أحزاني . . . محد غيري [ يضيق ] !

كانت الفرحه { هنا } وين إزرقت ؟

في طريق أمشي وهي تمشي بـ طريق !

الطعون ضيوف ويوم إنْهَا إطرقت

باب قلبي أفتحه . . . . و ألقى صديق !!

الصداقه شمس ولكن ما إشرقت !

كل ما أبني " رفيق " . . أهدم : رفيق !

ناس ماتسوى على أكتافي رقت . .

وإنت غااالي . . مرقبك : قمة طويق !

إيد غيرك ياما من فرحي إسرقت . . . .

وإنت عااادي . . شف لإيدك وش يليق !!

منت آخر شخص . . وراااسك : ما إفرقت !

ومنت أول . . من جرحني , لا تضيق !

في مكان بعيد كل البعد عن مناطق راوايتنا ..

في اليابان - طوكيو - ..

الزمن / 8 ص ..

قامت ميهاف نشيطه باحلى ليلة قظتها مع فارس احلامها اللي تتمناه من سنين راكان .. تفاجئت يوم لاقته جنبها وانبسطت وظنت انه ما راح شغله عشانها .. قربت منها وتحسست وجه بأناملها وهي تهمس : حبيبي .. حبيبي .. يله قومـ مو رايح لشغلك ..

راكان مسك يدها وقربها من فمه وباسها وهمس بألم : لينا ... لينا ... لا تتركيني !

انصعقت منه ما توقعت كلمتة لدرجة فكرت انها تحلم او تهلوس او شيء من هذا القبيل ..

هزته من كتفه بعصبيه : يوم انك ميت عليها ليه تركتها واعطيتها ظهرك وتزوجتني ..

فز راكان وجلس يناظرها وبعدين استوعب انه كان يحلم وهذي ميهاف

قال بنرفزه : وش تقولـين انتي ؟

ميهاف بزعـل : ولا شيء ... قوم لشغلك !

راكان وهو يفرك عيونه : يوووووه ... اليوم اجازه .. جهزي لي الفطور ..

ميهاف : ماني مجهزه ولا شيء ..

راكان بنظره : غصب عليك بتجهزين ..

ميهاف ناظرت فيه بحقد وسحبت روبها وطلعت براء تجهز له الفطور ..

قام هو تحمم وصلى الفجر ولحقها للمطبخ !

وعزي لنفســن على درب الهوى هامت

ازعــاج وافكــار واحــلامن تراودهــا

والناس لو تعرف الموضوع مالامت

صورتك حتى بحلو النوم اشاهدهـا

في بيت ابو لينا . . .

نزلت لينا وقالت لامها تجهز الشاي والقهوه والمعجنات الخفيفه ..

سألتها امها بأستغراب : ليه ؟ من جاي ؟!

لينا : اخت راكان .. لمى ..

ام لينا بعصبيه : وشلون تخلينها تجي بيتي ..

لينا تهدي امها : اهدي اهدي يمه البنت هذي واقفه معاي بالحوه والمر ووقفت بوجه امها واختها واخوها تدافع عني ولمن اكون مظلومه تجي تواسيني ولمن اكون متضايقه تجي وافضفض لها .. يمه البنت لا حول لها ولا قوه وجايه تطمن علي ..

ام لينا سكتت وهي ما بلعت موضوع دخول اهل راكان لبيتها ..

طلعت لينا من المطبخ وشافت باب الصاله ينفتح وتدخل حنين بمرح ..

حنين وهي تركض لها وتضمها : سلاام حبو !

لينا بأبتسامه : اهلين حنو ..

حنين : هاه كيفك ؟ وش فيك وجهك ؟ وبعدين وش هالجلابيه كانك حامل .. ههههههه

لينا بنفسها : ما تدرين وش صار لي يا حنين ..

حنين وهي تمرر يدها بوجه لينا : هيييه اصحي اكلمك ..

لينا : هاه .. هلا هلا حنو .. ايه صح نسيت اقولك اخت راكان لمى بتجي بعد شوي ..

حنين بفجعه : نــــــــــــــعــــــــــــــمــ ...؟!؟!

لينا وهي تمسك يد حنين وتجلسها على كنبات الصاله المتواضعه ..

لينا جلست حنين وشرحت لها كل شيء للمى وقالت لها مثل ما قالت لامها .. حنين ما بلعت لمى لكرهها الشديد لراكان وعمايله .. لاكنها سكتت احترام لرغبة رفيقه عمرها لينا ..

وبين سواليفم وضحكهم قطـع عليهم صوت الجـرس ..

قامت لينا بهدوء وفتحت الباب ..

لينا وهي تشوف لمى قدامها : هـــلا والله لمو ..

لمى دخـلت وضمت لينا بقوووه : اهليييين لينو وووربــي اشتقت لك موت ..

لينا وهي تبعد عنها وتسكر الباب : وانا اكثر قلبو ..

مشوا مع بعض ولمى تتأمل بيت لينا من جوا وتقارنه ببيتهم الفخم اللي يسرح فيه الخيل .. وحمدت لله وشكرتها على النعمه اللي هي فيها ...

قطع عليها حبل افكاره صوت لينا وهي تقول ..

لينا وهي تقرب لمى لحنين : هذي بنت خالي الله يخليها لي ..

لمى وهي تصافح حنين بحب ع** حنين اللي سلامها بارد ..

جلسوا واخذتهم السوالف دقايق ودخلت عليهم ام لينا ..

ام لينا وهي تتأمل سكل لمى : هلا يا بنتي ..

لمى وهي تقوم لام لينا وتبوس راسها : هلا يا خالتي وش اخبارك ؟؟!

ام لينا : الحمد لله يا بنتي .. وانتي كيف حالك ؟!

لمى بأبتسامه : بشوفة لينا بخير الحمد لله ..

أبتسمت ام لينا دليل ارتياحها لـ هالبنت واخذت منها صحن الحلا اللي جابته لمى معها ..

جلسو يتقهوون واخذتهم السوالف بكل المواضيع .. ليــن راح الوقت ولا حسو فيه ..

طلعت لمى جوالها وشهقت : هئئئئئئئئئئئ ..

لينا بفجعه : وش فيك يا لمى ..

لمى بخوف : ياويلي .. الساعه 11 باليل وامي قايله 9 وانتي بالبيت ..

لينا بأرتياح : الحمد لله مو شيء ثاني يفجع ...

اتصلت لمى على السواق ورد عليها بأنه مودي لميـس بمكان بعيد ولا يقدر يرجع لها ..

اتصـلت على سطلـان بتشوف عنه ..

لمى : اهلــين سلطان ..

فز قلب حنين لمن سمعت هالأسم وكتبت عبرتها ..

لمى : انا ببيت زوجة راكان والسواق مع لميس يا ليت تجي تاخذني .. أيوه .. طيب سلطان بليز عجل الوقت متأخر .. زييييييـن خلاص .. مع السلامه ..

قفلت الجوال ورمته بالشنطه وقامت وهي تلبس عبايتها ..

لمى : يله اجل انا أستأذن ..

لينا وهي تقوم : الله معك وسلمي لي على ( وبغصه .. خـ خالتـ تـي !

لفت عليها لمى وابتسمت على هالانسانه الذهبه ..

لمى : ان شاء الله .. يلا ياحنين تشرفنا ..

حنين : لنا الشـرف ..

قامت لينا وحنين ووصلوها للبــاب ..

فتحت لينا الباب وطلعو كلهم بالحوش .. وفتحت لينا الباب بقـوه وطلعت منه لمى وهي تودعهم بأبتسامه

ولـــــــــــــــــكن الفــــــــاجـــعه الكـــبرى .. لمن شافت حنين سلطان جوا سيارته واللمبه مولوعه جوا

فتحت عيونها وسكرته وكانها تستنكر هالشـــيء لاكن لا مفــــــر منه فـ حتماً هذا هو حبيب القلب اللذي خانها مع صديقتها واهداها ظهره ورحــــــــل ...

 [ عندمــآ آصـرخ منــآديه . . ولآ مجيــب ]

في اليابان في مدينه طوكيو بالتحديد ..