يوم الفرح

19

لينا : فمان الله ..

طلعت حنين وسكرت الباب والنور .. بس نور الشمس كان قوي ولاكانها سكرت شيء من النور ..

بعدت لينا البطانيه عنها وتحسست بطنها وقالت بخوف ..

لينا بنفسها : يارب مايكون اللي ببالي ياااارب ..

وغفت عينها وهي حاطه يدها على بطنها وتحاول تبعد اي فكره تجافيها ..

وحيده عشت في دربٍ حزينٍ مظلم مهجور

وحيده عشتها الدنيا أقاسي لوعة سنيني

تجرعت المرار أمرار وقاسيت العنا والجور

أجامل وابتسم واضحك وحزني ساكنٍ عيني

في اليابان ..

الزمن 8 ص ..

فز من نومه على صوت المنبه يشير الى الساعه الـ 8 صباحاً .. قآم بسرعه ولمحها جنبه .. سوا مثل مايسويه كل يوم تحمم لبس اخذ الشنطه وطلـع للوبـي ..

جلس على نفس الطاوله اللي كل يوم عليها .. آخـر طاوله على اليمين تطل على البـحر والشاطي

والفندق كله يطل على هالمنظر ..

دقـايق وجاه الكوفـي من نفس الضيفه اللي أمس .. نزلت له الكوفي بكل ذوق وابتسمت ..

كيمي : صباح الخير سيدي ..

راكان بأبتسامه : اهلاً ..

كيمي : أي خـدمة أخـرى ؟!

راكان بأبتسامه : لا , شكراً ..

مالت براسها له كعادة اليابانيين وراحت لرسبشن كالعاده تكمل شغلها ..

وكعادة راكان كمل شغل واشرب الكوفي وراح متجهه لشركه ..

ولا شــــــــيء جديـــــد !!

بعد يومـين من الاحداث ..

في بيت اهل لينا ..

الزمــن / 9 ص ..

فزت من نومها وهي تحس بطنها بيطلع من مكانه من شدة الالم .. راحت بسرعه للزباله - اعزكم الله -

واستفرغت كل اللي ببطنها من أمس .. حست بروحها جدا تعبانه وفيها النوم لاكنها ماتقدر تنام من بطنها

راحت لدولاب وطلعت لها بيجاما مخمليه بيج شتويه واخذتها وراحت للحمام تتحمم - اعزكم الله -

ربــع ساعة وطلعت من الحمام لابسه وفوطتها على راسها ..

اتجهت لتسريحتها المتواضعه وجلست على الكرسي وصارت تجفف شعرها ليـن جـف شوي ..

لمته بعشوائيه بشباصه ونزل بعض الخصل على وجهها اللي بان عليه اثار التعـب ..

لبـست شراب ريـش أ**د وطلعـت من غرفتها متجهه لصاله ..

نزلـت من الدرج وهي تتمسك بالدربزين تمنع دوختها وطيحتها .. نزلـت لقت امها قايمه تفطـر عند التلفزيون راحت لمها وباست راسها وجلست جنبها ..

ام لينا : هلا يمـه .. صباح الخير

لينا بتعب : صباح النور ..

ام لينا وهي تقرب الشاي والخبر والجبن لبنتها : يلا يمه افطـري اسندي طولك ..

لينا بق*ف : لالا يممـه مو مشتهيه ابداً

ام لينا : لينا .. وش فيك باين انك تعبانه ووجهك مصفر ..

لينا : لا يمه عادي شوية سخونه مع الشتاء اللي قـرب ..

ام لينا اللي ماتطمنت على شكل بنتها اللي باين عليه مو سخونه وبس .. لاكنها سكتت

اخذتـهم السوالف بمواضيع ثانيه لين حست لينا انها تبعانه وتبغى ترجع تنام ..

استئذنت من امها اللي ايدتها على راحتها .. لاكن لينا من اول ما قامت صار وجهها أ**د وعيونها دمعت وصار كل شيء قدام عيونها متلاشي واسود وماقدرت تتمالك نفســها الا وهــي غااايـبه عن الوعـــي !

في اليابان ..

الزمن / 11 مـ ..

فتح باب الفندق ولقى كل شيء ضلام معدا لمبة الممر الصفراء الخافته ..

اتجه للغرفه ولقى ميهاف جالسه على كرسي التسريحه بروبها الابيض وتمشط شعرها ..

اول ما فتح الباب لفت عليه بأبتسامه : اهليـن حبيبي جيـت ..؟

راكان وهو ماله نفس لها : لا تونـي بالطريق ..

ميهاف طاح وجهها لاكن رقعتها : ههههههههه يالبى حبيبي دمه خفييييف ..

ابتسم لها ابتسامه تسليك واخذ ملابس له من الدولاب واتجه للحمام يتحمم - اعزكم الله -

دخـل الحمام من هينا الا ول**ن ميهاف من هينا ..

رمت المشط على التسريحه بقهر وغضب وقال بنفسها . .

ميهاف : هذا ماينفع معاه النافعه .. كل الاساليب تعاملت فيها معاه .. لاكن لينوه اكلت قلبه حسبي الله عليها لاكن معليه ياراكان لينا او غيرها انا بستفرد لمدة سنه وماني بنت ابو فارس اذا ماطلعت بنتيجه ..

ابتسمت ابتسامة خبث ونصـر ...

في بيت اهل راكان . .

في غرفـة لمـى ..

سرحانه بحال اختها اللي كل ماله وفي النازل كل يوم طالعه مع واحد يا الكافي يا المطعم يا تمشي بالسياره يا ويا ويا .. والله يستر اذا ماكذبو عليها عيال السوء و***بو في مخها وودوها لشققهم ..

وتذكـرت ليـنا . . ونزلت راسها بأسف على حال هالبنت اللي رماها قدرها مع واحد زي راكان .. استغربت من حال اخوها وين اللي يضحك ويبتسم ومافيه شيء بخاطري الا وجابه لي ولا يحب يزعلني لا انا ولا لميس ايش اللي غيره علينا .. هو تغير من يوم ماتزوج لينا .. ااااااااه بس يمكن يكون جد ابو لينا سرق ويمكن يكون لا .. بس الى متى الابناء بيتحملون غلطات آبآئهم ..

جــت في بالها فكـره جهنـميه .. وابتسمت وراحت رررركــض تحت لأمها . . . !!

فتحت عيونها وهي متمدده على السرير وشافت يدها اللي مشبوك فيها المغذي واليد الثانيه كيس دم وبعدين استوعبت انها في مستشفى .. فزت بسرعه من نومها ولفت عليها الدكتوره ..

الدكتوره بأبتسامه : في أيه يالينا .. مالك كده خايفه ؟

لينا بهرع : هاه ! انا ويني ويني ؟

الدكتوره تهديها : انتي في المستشفى حبيبي لا تخافي ..

لينا بدموع : لييييه ؟

الدكتوره : عندك ضعف عام بالجسم وفقر دم حاد ( وبأبتسامه .. ماتخافيش يا حبيبي واحتمال انتي . . .

قطع عليهم صوت الباب وهو يفتح وتـدخل السستر ومعاها ملـف فيه اوراق مرسوله من المختبر ..

لينا بخوف : احتمال انا ايـش يا دكتوره ..

الدكتوره وهي عيونها على الملف : صبـر ياحبيبي ماتخافيش ..

جلست الدكتوره دقايق وهي تقرأ بالملف وبالنسبه للينا ساعااااات ..

رفعــت عيونهــا الدكتور وبأبتسامه ...

الدكتوره : مب**ك يا لينا . . أنتـي حــــــامـــــــــــــــــل !!!!!!!!!!!!!!!!!!!!!!!!!!!!!!!!!!!!!!!!!

في اليابان . . .

طـلع راكان من الحمام لابس بيجاما ساتان زرقاء وما سكرت الازارير ..

وقـف عند المرآيه يجفف شعرها .. رمى الفوطه على الكرسي ..

واتجه للسرير . .

لاكن شاف ميهاف جالسه عليه وتناظره بتأمـل ..

راكان : مانتي نايمه . .

ميهاف تقدمت منه بابتسامه ولصقت فيه وسكرت ازارير ص*ره واحد واحد . . .

ميهاف بهمس : برد عليك حبيبي .. اخاف تمرض !

راكان انفجع منها .. وش جاها هذي ؟

ابعد عنها راكان .. ورمى نفسه على السرير . .

ميهاف ناظرت فيه وابتسمت و فسخت روبها ومابقى الا الشورت والبدي . .

ورمت نفسها جنبه وسكــــرت الابجوره . .

نزلـت تحت عند امهــا . . .

وابتسمت لما لقتها في الصاله جالسه تناظر التلفزيون . .

جلست جنبها وحطت يدينها على كتوف امها ..

لفت عليها امها وابتسمت : هاه قولـي وش تبيـن ..

لمى : ههههههههههههههه يالبى اللي فاهميني ..

ام راكان : بنت بطني كيف ما اعرفك .. المهم قولـي وش تبغين ؟

لمى : مامي بليييييز ابغى اروح لصديقتي مها ..

ام راكان : قبل امس وهي عندك ؟! وبعدين اليوم شايفتها بالثانويه ..

لمى : ايوه ماما برد لها الزياره .. بعدين مامي بيتهم فاضي ونبغى نفلها مع بعض وعلى راحتنا ..

ام راكان : طيـب بس ياويلك تتأخرين ..

لمى : اووووكي ماما ..

ورررركـضت لغرفتها وامها تضحك على خبال بنتها لمى والناس يكبرون وهي تصغر ..

دخلت غرفتها ورمت نفسها على سريرها بمرح . .

وجلست تفكر كيف تروح وهي ما تدل بيتهم .. بس شوي وتذكرت ان سواقهم سبق وانه وصل لينا لبيتها فأكيد انه يعـرف . . .

راحت بأتجاه تليفون غرفتها تتصـل على جوال ليـــنا !

في المستشفى . .

انفجعت لينا بالخـبر لمن عرفـت انها بالشهر الثاني من حملها ..

وان كل هالتعب والدوخه هذي بسبب الحمل .. يعني شكوكها كانت في محلها ..

دمعت عيونها على هالخبر وانها ماتبغى يكون بينها وبين راكان ولد علشان ماترجع له او عشان ماتبغى شيء من راكان . .

الدكتوره بأستغراب : في أيه يا لينا .. مالك ؟! هوا دا خبر بيعيط ؟!

لينا تصرف : هاه , لا لا هذي دموع الفـرح !

الدكتوره ما بلعت عذرها لاكنها تقبلت وعطت ظهرها للينا . .

لينا بخوف : ويييـن رايحه ؟!

الدكتوره : بطمن اهلكي عليكي ..

لينا بخوف : ويش بتقولين لهم ؟!

الدكتوره بأبتسامه : طبعاً . . انك حامل يابت !

لينا قامت من سريرها بصعوبه وسحبت سلك المغذي معاها وراحت مسكت يد الدكتوره بترجي ..

لينا بخوف : لا لا لا .. لا تقولين لهم شيء ..

الدكتوره بأستغراب : اما ليه ؟!

لينا بخوف : هاه , لا لا بش عشان بسوي لهم سبرايز ..

الدكتوره بأبتسامه : ههههههههه .. اخسي عليكي .. ماشي يا حبيبي حاضر مابئلوهم حاقه ..

لينا بأرتياح : شكرا يا دكتوره ..

الدكتوره وهي تطلع : لا شكر على واقب ..

طلعت الدكتوره وقالت لام وابو لينا انها بس ضعف عام بالجسم وفقر دم . . وبس دقايق ينتهي المغذي والدم وتطـلع بس تحتاج لراحه طبعاً . .

لينا اللي رجعـت لسرير تكابد لوعتها وكبر المصيبه اللي طاحت على راسها

وهي خايفه وشايله همـ بكرا . . وتاركه الخلق للخالق ..

غمضت عيونها بألمـ واستسلمت لنومتها ..

تاركه وراها الايام بأقدارها . .

طيات الالم زادت على بطلتنا . . الله يهون عليها !

جالسة على سريرها وتعيد الاتصال كل ما انقطع ... وطفشت من الاتصال .. ورمت الجوال على السرير بخيبة امل وتمددت على سريرها وهي تناظر السقف ...

لمى : آآآآآآه ياربي ليش كذا حالنا .. معقوله لينا كارهتني وتتهرب من مكالماتي عشان اخوي الززززفـــت

افففففففف بـــــــس ...

نزلــت تحت عند امها تلهى بأي شيء وقررت انها بعد نص ساعه راح تعيد الاتصال ولا راح تممممـل ..

في بيت ابو لينا ..

دخــلو البيت وام لينا سانده لينا على كتفها ..

دخلـوا كلهم وجلسوا بالصاله ...

ابو لينا وهو يرمي نفسه على كنبه فرديه : هذا سواتك يا لينا شوفي وين وصلتك ورمتك بالمستشفى بصحه معدومه ..

ام لينا بنظره : خالــد !

ابو لينا : نـعمـ ؟! انا ما ادري ليش كلمة الحق دايمـ تزعـل ... وانا صادق يابنتي رحتي وطلبتي من هالكلب الزواج وشوفي حالك وين وصـل !؟