"OH 'yan ang kumot mo. Dito sa probinsya bawal ang buhay prinsepe ha? Alas-kuwatro gising na sila mama para maghanda ng almusal, kailangan 5:30 gising na tayo. Ikaw ang sumama sakin magpa-ligo ng baboy at magdilig ng mga halaman sa likod. Tapos mag-ayos kana rin ng gamit mo para makaalis kana sa sa huwebes. Three days ka lang pwedeng mag-stay dito."
Matapos kong bungangaan si Trevor ay nilapag ko na sa paanan ng papag ang kumot na makapal. Nagtungo na rin ako sa malaking bintana saka 'yon sinara.
"Bakit ba pinagtatabuyan mo 'ko? Ikaw ata galit sakin eh?"
Binalingan ko siya, inaayos niya ang unan niya. Humarap ako sakanya saka ko siya pinamewangan.
"Ayokong lang na may isipin sila papa dito. Baka mamaya bigla kang mabuko edi ako naman ang napag-initan." Sabi ko sakanya, but
