DAHAN-Dahan kong minulat ang mga mata ko nang marinig ko ang malakas na tunog na 'yon, paulit-ulit akong kumurap. Bumungad sa paningin ko ang alarm clock sa bedside table ko. Humihikab na kinapkap ko ang cellphone ko sa ilalim ng unan. Tumingin ako sa screen non.
'Si Nicky na naman...'
Bumuga ako ng hangin saka umupo ako sa kama. Tinignan ko muna ang orasan, ala-singko pa lang ng umaga may dalawang oras pa ako para bumalik sa pagtulog. Tumingin ako sa labas ng bintana ng kwarto ko, kulay asul ang ulap. Pumapasok ang liwanag non sa loob ng bintana ko, biglang lumukob ang lungkot sa dibdib ko.
'Sigurado ako, galit na galit na siya ngayon. Tatlong araw na akong hindi nagpaparamdam sakanya..'
Muli na namang tumunog ang cellphone ko, niyuko ko 'yon. Natigilan ako nang makita ko
