TUMAYO si Lucian at maingat na iniupo ang nakakandong na dalaga sa kaninang kinauupuang kama, saka hinarap ang kapapasok lamang na nilalang, na siyang inutusan ng kanilang ama, upang sunduin si Yana.
Matatag itong tumayo sa harapan ng naka-upong dalaga, na animo pinoprotektahan ito laban sa kadarating lamang na nilalang. Lumapit naman si Lucero dito at tumayo sa tabi ng kapatid, tanda ng pagpapakita ng suporta.
"Sabihin mo sa aking ama na aalis na ang aking panauhin." Wika nito na nakatuon ang tila nag-aapoy na mga mata sa nakayuko pa ring nilalang.
Mabilis na tumayo si Zia sa pagitan nilang magkapatid, habang ang mga mata na kinababakasan ng labis na pagtutol ay nakatuon sa nagsalitang nobyo.
"No." Anang dalaga sa nobyo, na mabilis siyang nilingon. "I'll go with him." Matigas na dugto
