"HINAHANGAAN ko ang lakas ng loob mo sa pagparito, mortal." Sabi kaagad ni Lucifer kay Zia nang magkaharap sila. Nakakikilabot ang malapad na ngiti na nakapaskil sa mga labi nito.
Dinala siya ng alagad nito sa isang silid na mayroong isang napakahabang hapag, na kakasya yata ang dalawampung katao. Sa kabisera noon ay naroon, at nakaupo si Lucifer. Sa kanan nito, ay naroon si Lucid.
Katulad nina Lucian, at Lucero ay gamit ng mga ito ang anyong diyablo ng mga ito. Ngunit kaiba sa tatlong anak, ay mas mahahaba ang mga sungay ni Lucifer. Hindi katulad sa tatlong anak na deretso lamang ang mga sungay, ang kay Lucifer ay tila nakaikot. Parang pabaligtad na letarang 'J'.
Puno ang mahabang hapag ng sangkaterbang pagkain. Lahat yata ng maiisip mong masarap na pagkain ay naroon at nakahain sa har
