KANINA pa biling-baligtad si Zia sa pagkakahiga, ngunit hindi pa rin siya dalawin ng antok. Iniisip niya ang pinag-usapan nila ni Lucian kanina, bago siya nito ihatid pauwi.
Hindi niya alam kung ano ba ang bumabagabag dito na hindi masabi-sabi sa kanya. Ngunit base sa hitsura nito kanina, alam niyang seryoso iyon.
At hindi niya man gusto, ay hindi niya maiwasang kabahan.
"Are you sure?" Bakas ang takot at insekyuridad sa gwapong mukha ni Lucian nang sabihin iyon.
Bilang assurance ay nginitian niya ito ng ubod tamis, bago tumango. Nais niyang ipaabot dito ang sinseridad na kalakip ng mga ngiting iyon.
"Sure na sure." Nakangiti pa rin sabi niya rito, na may kasama pang pagtango.
Mahal niya ito. Sigurado siya roon.
At sigurado siya na kahit ano pa man ang malaman niya ukol dito ay mat
