"DO YOU really think, you could get away, with what you did, that easy, hmm... baby?" Mariing napapikit si Zia at dagling gumuhit ang matamis na ngiti sa kanyang mga labi nang marinig ang senswal na tinig na iyon sa tainga niya.
Dagdag pa roon ang pagdaiti ng matigas na katawan nito sa likod niya.
Mabilis na gumapang ang pamilyar na init sa buong katawan niya. Hanggang sa mga oras na iyon ay hindi pa rin tuluyang napupuksa ang titis ng apoy na sinindihan nito sa katawan niya kanina, bago ito umalis... kuno.
Mas lalo pang lumapad ang ngisi niya. Ang buong akala talaga niya ay mayroon itong importanteng lalakarin, katulad ng sinabi nito. Akala niya ay matitiis siya nitong mangulila rito, buong magdamag.
Kusang lumuwag ang kapit niya sa hawak na bag, hanggang sa tuluyan na iyong bumagsak
