"I AM SO SORRY, Zia, but it's a no." Matigas na tugon ni Lucero sa dalaga na kanina pa nangungulit sa kanya.
"Please naman, Lucero, dalhin mo na ako sa kaharian n'yo..." pamimilit pa rin dito ni Zia.
Mula pa lamang umaga ng araw na iyon ay kinukulit niya na ang kambal na ito ni Lucian, upang dalhin siya pababa sa kaharian ng ama nito.
Magta-tatlong buwan na mula nang umalis si Lucian, at mula pa ng araw na iyon ay wala na siyang naging balita rito.
Ilang beses niya na ring tinanong si Lucero kung ano na ang nangyari sa kakambal nito ngunit palagi lamang na tititigan siya nito ng mataman, bago bubuntong-hininga, at mapapa-iling-iling.
At mas lalo siyang kinakabahan sa ganoong tugon nito.
Noong una, at ikalawang buwan at hindi pa siya masyadong nag-aalala sapagkat kung tutuusin, ay dal
