"THERE YOU ARE!"
Gulat na napabaling si Lucian sa pinanggalingan ng malakas na tinig na iyon, kasabay nang paghagip ng kung sino sa braso niya.
Alas-singko na ng hapon, at papaalis sana siya. Katatawag lang ni Lucero at siya ang pinapupunta sa meeting na para sana rito, sapagkat na-kompromiso raw ito. Kung saan, ay hindi niya na itinanong. Wala na rin naman siyang gagawin. Pauwi na sana siya nang tumawag si Lucero.
Kaagad na kumunot ang noo niya at binawi ang brasong hawak nito nang makilala kung sino ang babaeng iyon.
Ang makulit babae sa dinner meeting kagabi.
Tch. Hindi niya talaga alam kung saan kumukuha ng kulit ang babaeng ito. Talagang pinuntahan pa siya rito sa opisina.
Bumalik sa isipan niya ang naging pag-uusap nila ng ama nang nagdaang gabi, tungkol sa babaeng nasa harapa
