MULA nang araw na iyon ay naging pangkaraniwan nang tanawin sa opisina si Nicole. Madalas ay nagugulat pa siya, pagkatapos ng meeting niya ay naka-abang na ito sa kanya sa labas ng kanyang opisina, upang sabay silang kumain ng tanghalian, o yayayain siya nitong maghapunan, sa hapon, bago umuwi.
Napapailing na lamang ang sekretarya niya na alam niyang wala ring magawa sa kakulitan ng babae.
Kahit na ano'ng gawin ni Lucian ay hindi nito maitaboy ang dalaga. Kahit gaano niya ito sungitan, ay nagtatapos pa rin sila sa tagpo na speechless siya, sa tabil ng dila nito.
Dahil sa kakulitan nito ay mas lalo siyang nahihirapan na lapitang muli si Yana. Bukod pa sa balitang-balita na sa buong building na hiwalay na sila ng dalaga at si Nicole na ang bago niyang girlfriend.
Mas lalo lamang siyang i
