Herson’s POV
Bago kami sumama kay Jekjek ay nagpatulong muna kami na masira ang posas na nasa kamay namin. Gumamit siya ng palakol para maputol ito. Napapikit pa kaming dalawa ni Mia nang nagsimula na itong hatawin ang posas. Hindi kalakihan ang katawan ni Jekjek, dahil nga sa binatilyo pa ito makikita mong patpatin talaga siyang bata. Kayumanggi naman ang kulay ng balat nito ngunit bawi naman sa tangkad.
At sa wakas ay natanggal nga ito. May itinatago rin palang lakas ang batang ito.p
Kasunod naman ay lumakad lang kami ng kaunti sa pampang mula sa kinaroonan namin ni Mia. Nakita na namin ang mga bahay na halos malapit lang din sa pampang.
“Dito!” Ani ni Jekjek saka giniya kami patungo sa isang munting bahay na bongalow na nakatalikod sa pampang.
Pagkarating namin sa harapan ay natukl
