Pinagbuksan ni Elexir ng pinto ang ngayon ay tahimik pa rin na si Emerald. Kararating lang nila sa Del Fierro Italian Resto, isang mamahalin at sikat na restaurant na pagmamay-ari ng kakilala ng kanilang mga magulang. Mahigit kalahating oras lamang ang layo nito sa ospital kung saan sila nagtatrabaho.
Malamig ang simoy ng hangin dahil nasa itaas na parte ito ng lugar. Tanaw mula rito ang nagkikinangan na mga ilaw na nagmumula sa iba’t ibang gusali sa siyudad, isabay pa ang mga ilaw na nasa gilid lamang ng kalsada.
“Table for Mr. Montenegro and Ms. Cuevas, please,” nakangiting turan ng dalaga sa waiter na sumalubong sa kanila. Agad namang nagliwanag ang mukha nito nang marinig ang pangalan at masigla silang hinatid sa kanilang mesa.
Hindi na ito bago. Matunog ang pangalan ng kanilang mg
