CAROLINE
Nauna nang bumalik sa silid sina Celeste para makapagpahinga. Hanggang ngayon ay nanginginig pa rin sila sa takot. Hindi nila inaasahan na manyayari iyon. Hinatid ko muna sila sa suite bago ako bumalik sa bar.
Ilang segundo na lang at matatapos na ang labing-limang minuto na binigay ko sa mga lalaki kanina. Mariin kong ipinikit ang mga mata para pakiramdaman ang paligid. Sa kabila nang nakabibinging ingay ng tugtog dito sa loob ay naririnig ko ang mabibilis na yabag ng mga ito sa buhangin at mabibigat na hininga na tila ba sila’y hinahabol. Napangisi ako nang sinunod nga ng mga iyon ang sinabi ko.
Isang segundo bago matapos ang oras na binigay ko, umaandar na sa karagatan ang speed boat na wari ko ay pag-aari nila.
Si Peetah na ang bahala sa mga alaala nila. Naghihintay ito a
