CAROLINE
“Ano ba ang nangyari sa babaeng ʼto?”
“Baka may pinuntahan lang kahapon tapos nahimatay dahil sa sobrang pagod?”
“Omg! Hindi kaya naano siya—iyong ano, basta ʼyon!”
“Naano ba? Linawin mo, gaga!”
Ramdam ko ang bigat ng mga talukap ng mata ko. Para pa rin akong hinihele sa sobrang antok na nararamdaman ko ngayon. Ang sakit ng buong katawan ko, hindi ko malaman kung binugbog ba ako o ano. Basta ang gusto ko lang ngayon ay ang magpahinga.
Sa kabila ng ingay ng paligid ay hindi ko pa rin magawang makakilos. Hapong-hapo ang katawan ko kaya hindi ko man lang maigalaw ang kahit na isa sa mga daliri ko. Pinakikiramdaman ko lang ang paligid habang nakapikit. At alam kong narito sa loob at kasama ko sina Carmina.
“Buti at nakita ni Sir Xion. Naku! Mag-aalala panigurado sina Ma’m Ales
