Nasa estado pa si Ruth ng kamalayan sa pagitan ng pagiging gising at pagiging tulog. ‘Di pa s’ya tuluyang nagigising. ‘Di n’ya maipaliwanag ang kakaibang pagkapagod na kan’yang nadarama. Para kasi s’yang dinaganan ng sampung elepant. Medyo nanlalamya ang kan’yang mga hita at binti.
Habang patuloy na pinapakiramdaman ang kan’yang ibabang bahagi ay unti-unting naging klaro kay Ruth ang mga munting tunog muna sa kan’yang gilid. Nang muling bumalik ang kan’yang ulirat ay napagtanto n’yang tunod ng keypad iyon sa phone. Kaya naman, unti-unting minulat ni Ruth ang kan’yang mata para hanapin ang pinagmulan ng tunog.
Bigla n’yang ikinagulat nang makita ang nakabihis na at bagong ligo na si Ray na nagti-text sa kan’yang tapat. Nakatingala lang ang dalaga habang pinagmamasdan ang taimtim a
