Gunitang Lungtian (Unang Bahagi):
Isa sa Maraming Kuwentong Naalala ng Haring Dagat tungkol sa Bathalon
“Sapagkat sa puso ng bawat anak ng Dagat Ayisa, sa bawat lugar at bawat panahon ng naturang kaharian, nandoon ako. Nandoon lamang ako. Hinding-hindi ko kayo iiwan.”
- Mula sa isang awiting-bayan para sa Bathalon, ang bugtong na anak ng Diyos ng Dagat na si Amansinaya
*
Dahil siya ang alon, isinilang siyang walang-tigil ang pagtalon at pagtambling sa malawak na pamayanan ng mga agos. Para siyang dolpin sa kaniyang pagtalon at pagtambling. Kahit madalas siyang pinagsasabihan ng mga mas nakatatanda sa kaniya na huwag niyang ubusin ang lahat ng lakas sa ganting pagpapasikat lamang, nagpatuloy pa rin siya sa kaniyang gawain. Kahit pa binalaan siya ng mga nakararami na huwag ma
