Si Heneral Palikpik-Tainga
Isang buwaya na nakasakay sa isa pang buwaya. Isang imahen na walang pagkakaiba sa isang mangangabayo sa daigdig ng tao. Kung mayroon mang pagkakaiba, bukod sa nakatatawang may buwayang nakasakay sa kaniyang kaparehong kaliskis na parang isang mangangabayo, ay marapat lamang na lapitan pa nating mabuti ang heneral at tangkaing alamin pa ang ilang detalye ng kaniyang pagkabuwaya. Kailangan nating lapitan pa at titigang mabuti ang mukha ng heneral. Hayun ang pagkakaiba: ang mga palikpik sa tainga ng pinuno ng hukbong tagapagtanggol ng Ayisa.
Nawa’y huwag kantiyawan ng karaniwang mambabasa ng nobelang ito ang palikpik-tainga ng heneral. Sapagkat ito ang marangal na sagisag ng pamilya ng heneral bilang isang angkan ng mga tagapagtanggol na tubong Isla Batong-Apog a
