Mataas na ang sikat ng araw nang magising ako. Tumatagos iyon sa nakabukas na bintana ng kubo. Dito na kami nagpalipas ng gabi dahil dumating kagabi si Faye at sinabing mag-o-over night sa bahay ang mga kamag-anak namin. Wala kaming matutulugan doon, ayaw naman ni Drew na mag-check in kami sa hotel sa bayan. Ayon sa kaniya ay gusto niyang maranasang matulog sa kubo kaya nagpatianod na lang ako.
Madaling araw na kami nakatulog dahil abala siya sa panonood ng mga nagkikislapang mga bituin sa kalangitan. Natatawa na lang ako habang binibiro siya sa ka-weird- duhan niya. Siya lang talaga ang lalaking nakilala ko na gustong-gusto panoorin ang mga bituin.
Tumagilid ako ng higa at humikab. Tinatamad akong bumangon, gusto kong humiga na lang at matulog buong maghapon. Naririnig ko na rin ang mg
