Kabanata 77
HALOS itulak na ni Althea si Raven nang kanyang mapagtantong nagseselos si Cindy nang sila’y makita nito. Nagulat ang lalaki kaya mabilis niya itong binilinan na bantayan na muna si Savier dahil may importante siyang gagawin. Tumango lang naman ang lalaki at tila gulat na gulat pa ito.
Paglabas ni Althea sa cottage ay wala na ito sa harapan ng pinto. Napatingin siya sa unahan patungo sa costumer services at nakita niya roon ang babae. Lakad takbo ang ginawa nito kaya kanyang hinabol. Hindi na naabutan ni Althea si Cindy sa daan dahil nakapasok na ito sa costumer service na pinto. Nang makarating siya sa harap ng pinto ay humugot na muna siya ng isang malalim na buntong hininga at binuksan niya iyon.
Nakita ni Althea si Cindy sa upuan nito. Nag-iisa lang ang babae dahil wala
