Kabanata 99
NATAPOS kumain ang lahat. Gusto sanang kausapin ni Homer na mag-isa si Althea ngunit pilit itong kinakausap ng pamilya kung kaya’t hindi siya makahirit sa babae. Masaya ang mga itong nag-uusap at labas na labas ang kagandahan ni Althea habang nakangiti ito. Nasa kalagitnaan siya ng pagtitig sa babae nang muli na namang hinawakan ni Hazel ang kanyang hita kung kaya’t nagulat na naman siya sa ginawa ng babae.
“Pwede po ba akong magpasama sainyo Senorito? May kukunin lang sana ako sa aking silid at natatakot ako baka madulas ako sa hagdanan,” mahinang wika ni Hazel at nagpapa-cute ito. Ibang-iba ang Hazel na kaharap niya ngayon. Hindi naman ito ganito noon kung umakto. Minsan ay siya pa nga ang nagi-initiate sa dalaga pero ngayon ito na.
“Si-sige, walang problema,” aniya sa d
