حكم عاكول

بارت ٢

عرفت الينتجي عله الكاع عايز ناس

وعرفت الكاع عدله وناسنه التفتر

................

-ياهلا ومرحبا شعجب ابو عمار مو من عوايدك تتصل

-والله ياخويه الدنيا مافاكتلي ياخه يوميه بسالفه

المهم مااريد ادوخك بضيمي

الحجي رايدك تجي للعراق

-شلون ?بيه شي ابوي

-لا مابيه شي بس يوكول ضروري يركب هسه ويجي

-يمعود ترى انا ماكاعد يمكم وأركب ت**ي واجي

انا بلبنان يعني مو سهله جيتي

-ولَك انت اغم ماتعرف تحجي شو انطيني اياه

شوف ابو بلقيس

-هلا بويه شلونك اخبارك

ابو دانه مو بلقيس

- انطم واسكت ابو دانه ?صايرلي موسيقي

تظل بلقيس طول ماانا عايش

المهم مو هذا موضوعي

هسه تروح تحجز مااريد ولاتأخير ولاسؤال

وها جيب عائلتك وياك

يالله استودعناك

هاك سده

مااحب الحجي الزايد

..............

ها عيني شبيه ابوك

قصي :والله ماادري شكلج ياام دانه

الحجي مصر نجي بأسرع وقت

-شتحجي حبي شيخربط ابوك كلشي عنده سهل

قصي :مااسمحلج تتجاوزين على والدي يظل هو تاج راسي وراسج افتهمتي

وانا طالع احجز حظرو غراضكم

دانه :وين بابا نروح

قصي :بنتي رايحين لبيت جدو مشتاقلنا

دانه :☺️ يي واخيرآ اشوف جدو حتى نسيت شكله شلون صاير

قصي :يي هذا الحجي الحلو روحي بنتي انت وخواتج جهزو نفسكم

ماتدرون جائز احصل حجز

ام دانه ؛شبيكم ولكم من كل عقلكم فرحانين

هو شبيه العراق بس طلايب

عايشات ملكات هنا كولو مانروح وانا أصير وياكم

واذا هو هجي يخاف من ابوه خلي هو يروح

فرح :لاماما حلو العراق من نروحله زياره بس كوّن مانطول

نزور ونشوف ولد عمنه اكيد هسه اتغيرو

وبيت جدو

-مالت عليكم سليمات تحبون طيحان الحظ

بس من هسه أكلكم قمصان طوال تلبسون مو اي لبس تأخذونه وياكم

واذا تلبسون حجاب بعد أفضل

نغم :شنو ليش وين رايحين لأيران

-ولكم ماما راح تموتوني افتهمو العراق غير بيه الملتزم والفري

والشديد و الهمجي ألي يتحكم بغيره

فالازم شوي نلتزم

نغم :اووووف مااريد اروح

-يي شوفو زغيرتكم احسن منكم

روحي قنعي خواتج الي مايفتهمون شي

............

نتعرف على دانه

(دانه عمري ١٩سنه جسمي مليان طولي ١٦٢حنطاويه وشعري على شكار

وبابا يعشق سماري عيوني عسلي ماهذه من بابا وماما

من عمري ١٠وفرح عمرها ٧ سنوات ونغم عمرها ٥ وطلعنه من العراق

جدو طبيب وطلع لبنان وامي اصرت نروح بعدهم لان ماتحب طبيعة أهل بابا شيوخ وعشائر ع** اهلها

حصلو أهل ماما شغل لابويه وطلعنا

لبنان بلد رائعه عانينه بالغلاء لكن اتأقلمنا والحمد لله

اهلنا يحسدونه على سكنه

من أحلامي أصير مهندسه معماريه ومقضيه اغلب وقتي دراسه

لبسي عباره عن قميص وجينز وشعري ضفيره مااهتم للموضه

اهم شي احقق حلمي ع** فرح لبس ومكياج والدراسه اخر همها )

........

بعد يومين

دانه :هاي شنو بابا ليش هل الخرابه اتذكر عليها جانت حلوه

وشنو هل الضحه

-اووووو بعدنا ماوصلنه ودخنه مو كلتلكم بطلو مو الا نروح

بس ع**دات

قصي :على امهم طالعات

يالله بابا راح نوصل يم الحجي اريد احترام

وتبيضون وجهي كدامه

.............

نرجع بالأحداث

ابو عمار :كوم بابا شوف منو جايلنا

عادل:هلا بيك شيخ

تفضل

بابا شيخ ابو احمد جاي

استقبلوه جدي وبابا وجان عصبي

-الله بالخير عليكم

شيخ عاكول دز كوامه علينا وانتم اعرف بعملت ابنكم

خلوني اكمل كلامي لحد يحجي

محد يقبلها بينه بنته تنهب

صح لو لا

عادل :بابا نصه راْسه وجدو يمسح على لحيته

-شوفو انتم تدرون بشيخ عاكول مايوكف احد بوجهه لا جبير ولا غير

وأنتم مسيتو بنته وشرفه وعرضه

شنو تردونه يسويلكم

حسبو حساب باجر نزل عدهم وشروطهم تتنفذ ولدنا مو رخاص علينا

عادل :الشيخ لف عبأته وطلع

-والله بزريت عمار راح تطلع معدله

ابو عمار :بويه شتحجي انت

-ولَك اهله شيوخ وأهل امه شيوخ مو مثلك رأسك عوج على خوالك طالع

كلمتين من الشيخ صوفر وجهك

ماعليك حلها يمي

عادل :محيرني جدي ابد ماخايف من شي ولا كأنما مشكله جبيره وكعنه بيها

بس الله يستر ماعدنه غير حل ننتظر

...........

عمار :شبيج دعوه ليش ضايجه

دعاء :اشتاقيت لامي ولإخوتي ☹️

عمار :وعاكول

دعاء :ليش الجذب مااشتاقيتله انا خايفه منه

عمار :وعلى شنو تخافين انت مرتي ومااله حق يوصلج واحنه مو يمه كافي بعد ياقلبي لاتضوجين

اندعيلي الكي شغل لان راح تخلص الفلوس الي عدنه ومااكدر اطلب من اهلي لان هما محتارين بروحهم

دعاء :ان شاء الله الله يرزقك وماتحتاج احد

عمار :لو تنحل سالف*نه ونرجع

دعاء :ههههههه ضحكتني

شيخ عاكول مايترك خساره ويسكت وراح تشوف

...........

-وين طالع يوم

عادل :اختنكت انا مو مره ضام نفسي اذا يردون يلزموني خلي يلزموني

-اوكف اكو جبير تحجي وياه

طلعه ماتطلع لحد مانحل سالفتكم

عادل :زهكت روحي من الأوامر تعبت

عاندتهم فتحت الباب

عمي قصي

قصي :هههههه والله معدل تذكرني

شلونك عدولي

عادل الحمد لله. ادور بينهم بلقيس قلبي يدك

اريد اشوفها شلون صارت

اكيد انت بلقيس

دانه :هههه انا دانه مو بلقيس

انت عادل مو

عادل :يي عرفتيني

دانه :لك نفس الشكل مامتغير بس صاير عمود كهرباء ?

قصي :ولكم شنو كلتلكم مااريد خفت دم وضحك يالله تأدبو ودخلو

-هلا هلا باابو البنات

ظليت ابيتر من ورى فيروز

ماخلفتلك وليد يشيل كبرتك

قصي :ههههه شلونك حجي شخبارك

لاتسمعك فيروز ترى تزعل وشبيه خلفت البنات

شو تعالو سلمو على جدكم

هاي نغم بنتي الزغيره

نغم :شكد حلو جدو صاير جنه بابا نؤيل?

قصي :?وتاليها وياكم

-مال الغسل عليك وعلى خلفتك

دانه :شلونك جدو

-ياهلا بلقيسه يمه من اشوفج اشوف جدتج بشبابها موتتني بكصايبها الشكر ولان تدري بيه احبهم

توكف بالشمس علمود أعاين عليها

دانه :ههههه الله يخليها الك بعدها حلوه

فرح :اوووف شنو هاي ماادري هجي جان مااجيت وبابا كل شوي ويخزرني

شلونك جدو

-هلا بنتي ليش كالبه خلقتج جنج وجه امج عبس

-شلون صحتك حجي ليش بس تحجي علي

-وشحجيت عليج انغثيتي من ياحجايه منهم

اذا فيروز فصوتها احلى من صوتج واذا على خلقتج بعد ابو بلقيس هو اعرف شتكول

قصي :حجي شلونك سمعت بيك مويض

(حاولت أغيرالموضوع لان زعلت ام دانه من الحجي)

-غير ملابسك وأخيك واكع بمشكله اليوم الظهر نروح نوكفله

قصي :منو منهم

-الي مكابلني ابو قلب ابنه عرس وهو محتار بعمره

قصي :ماتفهموني شسالفه

-تفهما هناك احسن يالله كوم اتاخرنا

قصي صار بويه

دخلت لكيت دشداشه من ابو عمار قريب لطولي بس انا اضعف

لبستها وطلعنا من الباب لكيت كوستا مليان كلها شيوخ معكله

مبين الموضوع جبير

.....

ام عمار :يي ام بلقيس شلونج

-ام دانه انا مو بلقيس اكثر من مره كلت وكلكم تدرون

-وليش هل العصبيه عيني على كيفج

ام دانه :اكول عمه شنو صاير

-ماصاير شي شغيله صغيره يكضوها ويجون

ام دانه :?ماادري ليش مامصدكتكم

المهم الخبر بفلوس باجر يصير بلاش

عادل : شلونكم وين وصلتو

دانه :السنه الجايه أتأهل للجامعه

عادل :ليش متأخره

دانه :مو تركت سنه وهسه اهم شي من هذا كله أصير مهندسه

عادل :الله يوفقج

سبحان الله الوجهه دائري وبريئ جنت يتصورلي حلم اشوفها

مادريت اكو أشياء تتحقق مامحسبين عليها

شفتهم يباوعولي بس انا ولد بيناتهم

خليت وطلعت

فرح :انا راح انام شنو هاي جايبينه لملل

نغم :انا وياج دخت

دانه ظليت كاعده يم زوجة عمي وبيبي وامي

وأسلوبهم بالكلام مو حلو وحده ماتحب الثانيه

خليت وطلعت للحديقة

شفت عادل كاعد

كعدت يمه

طفر من مكانه

هاي شبيك اخترعت ?

عادل :وخري بلقيس من يمي

دانه :هاي شبيك عود ردت اسولف وياك ضوجه بس صدك لو كالت ماما

عادل :لاتكملين امي لو بيبي اذا شافوج يمي يسولهم سالفه من لاشئ

كعدي يمي بس مو بهل القرب

دانه :اروح انام احسن

عادل :اووووف شردت مني

شسوي فوك مااخاف عليها

............

شيخ عاكول

كلكم على راسي شيخ ابو احمد عزيز وكلكم كعدتكم بيتي

الها هيبه بس سمعو جايه أكلكم اياها وبعدها تحجون

بنتي دعاء اعترضت على زواجتها لان هي ناهي عليها ابن عمها ومهرهم الخميس الفات

كلكم شيوخ وعدكم عرض وتخافون عليه بس لو انتم بمكاني شنو تسوون

هسه ابن اخوي اله ثار وياكم وانا همين

مو عاكول الي بنيه تنزل راسه

من اليوم ماعندي بت ولو لازمها لدفنتها بيدي وفريت بيها السلف

-من حكك ومانلومك بس انا وانت وشيوخنا ليش موجودين

علمود نحل مشاكل اولادنا

مانكبرها البنيه عرضكم والولد ابنه

واثنينهم ماكو أغلى منهم غلطو واحنه جايين أنحلها بعيد عن الكتل والدم

عاكول :هذا هو الحل ابنكم يرد الكم وبتنا النا

بتنه تندفن وابنكم يدفع ٥٠مليون لو ناخذ ثارنه بيدنه

-لحظه شيخ عاكول انا ابو قصي وانت تعرفني عشرة عمر

البت الها الستر

وهي تزوجته على سنة الله ورسوله واكو سند واكو شيوخ

وانت ماتقبلها على بنتك لاتظلمها خليها بيتها ويم رجلها

ماسوت شي غلط

شيخ عاكول :?ماسوت شي غلط

وكفت على حيلي

والشباب لزمت السلاح

انا الي اكول بنتي غلطت لو لا موانت

وماطول مو غلط

انطيني من حرمكم مره ?

-وهاي تجرالك

بس شرط ابنه ومرته ماتوصللهم

عاكول :كتلك انا ماعندي ابنيه اندفنت

حضرو البنيه الخميس توصل لبيتنا

وانا اعرف المن أزوجها

قصي :شتحجي حجي يابنيه تنطيها

-بلقيسه بنتك?

......................

ابد مااحب قصص العشاير والفصليه قصة شيخ عاكول

تختلف راح تراوينه لحكم العشاير شلون

يرفع ناس وينصفهم وناس ينزلهم

راح نتابع بالبارت القادم رد قصي واهله عن قرار الجد

وتحياتي الكم ???