حكم عاكول

الدنيا ظالمه ✋?الدنيا لاتظلم احد من يظلم هو شخص الذي يعطي لنفسه سلطه ويظلم ويستباح كل شي له ويحرم على غيره لكن الله يمهل ولايهمل ولكل صبر ف*ج ولكل حزن ..وهم طويل فرح هنالك سعاده مخبئه لنا لكن لاندري هل يطيل الانتظار لكِ نراها ام انها قريبه لتفاجئنا ..... يوم لحكي الشيخ عاكول ناوي ايهد البيت علينا لحكو ترى راح تصير دم -عزه لعزاج ام عمار ? سوده بوجهج ولكم حرامات انتم خلفتي لو مربيه جلاب ولا انتم ياعار شو انطيني التلفون عادل :شلج بيه اكلج مانلحك خابرت ابوي وكال اخذو الشغلات الضروري وانا راح اخذ الفلوس وانت طلعي الذهب والمستمسكات يوم خلي نلحك بعدين عود احجي على ابنج ولو هو شفايدة الحجي عادل :فتحة كنتور للوالد جان بيه كم مليون لامهم من تعب السنين وأخذت أوراق وياهم بدون مااقراهم ايدي يرجفون ....... هاي يوم لبسي عباتج -يمه حيلي باد مابيه أتحرك عادل :وانا احجي على امي سمعت صوت طلقات سحبت امي بسرعه وقفلت الباب وحركت وصلت لباب الفرع وشفت جماعة الشيخ اجو ونزلو للبيت ركنت السيارة بالفرع الثاني واشوفهم من بعيد ظلو يرمون عشوائي ويصيحون على ابوي وراها **رو الباب دمعت عيوني وانا اشوفهم حركو وطلعو منه هذا تعب السنين والبيت الي لمانه من الطفولة ربينه بيه وذكريات سنينه حركتها نار الثأر اووووف درت وجهي وصعدت يوم كافي لاتبجين قدر ومكتوب علينا وصلت لبيت جدي -ماني نازله اذا ماتتصل على اخوك عادل :يوم لاتحركين دمج فكرو بحل لان الناس شكد ماتضيف تمل ونصير ثكال عليهم خلينه عزاز بكرامتنا -والنبي محمد ماخاله رجلي بكاع اذا مااتصل على هذا الكلب عادل :امري لله ادري بيه مايرد علي رسلته رساله "أمك مريضه ضروري ترد تريد تحاجيك " -هاي يوم اتصل عادل :يي ماما بس خلي أتأكد وصلتله وصل التقرير اتصلت يرد وامي تهز برأسها -ن**ت روسنه بالكاع ياحيف تربيتي بيك عادل :يمه هدأي راح يصير بيج شي وهذا مارد كومي ارتاحي مصيره يتصل ........... -هذا مو عادل اخوك ليش ماتتصل عمار :ادري بيه يريد يحجي علي وانا ماالي خلكه بعد ماانقطعت المكالمة فتحت التلفون قريت الرساله شلون امي مريضه لا اكيد يجذب شمرت التلفون دعاء :حبيبي مايصير هاي أمك أتأكد ترى هذا الموضوع مابيه جذب عمار : ماادري دعاء اريد ارتاح من الكل خليني بس انا وياج والتلفون راح اغلقه واخلص دعاء :ميصير حبي رد عليهم شوف أمك وأطمئن عليها وراها انا اكلك سد التلفون ☺️ ...... عادل :اجيت ادك الباب أصيح لبابا يحاجي امي رِن التلفون باوعت عمار وامي بعدها بالسياره هذا ابنج يالله -ولَك سافل ونذل ليش هجي سويت مافكرت يكبرت ابوك وشيبات أمك ولَك بهذلتنا شيخ عاكول حرك البيت وتشردنا واحنه بالبيوت ليش كل هذا ها ليش علمود. انت ترتاح عمار:بس ? -اص ولا كلمه من اليوم لاانا أمك ولا اعرفك بريئه منك ليوم القيامه ياعار بس اكلك شي قبل لااروح مااريدك لاتوكف على جنازتي ولاتحضر فاتحتي وأخذها مني حجايه سعادتك مراح تدوم عادل :انطتني امي التلفون وانا اسمع عمار يحاول يحجي وياها سديت التلفون بوجهه بدون ماارد عليه ولا بحجايه لزمت امي ودخلنا لبيت جدي استقبلنا جدي -ياهلا بالحجيه ياهلا تركي عمار بحاله وتنحل ماكو سالفه تظل معلكه -حجي البيج -وشبيه البيت شصار عليه -حركوه حركو تعب السنين -ههههههه يي بدلي هل القنفات الخايسه بادو من كد مامكابلينج وجيبي كله جديد -?????وعمار الي راح مني مااسامحه وماني راضيه عليه -شوفي يابنت الناس الشاب ألي بعمره اكو شجاع وكدها واكو جبان هو طالع سبع ومايهاب احد على جده هو عشك والعشك بس للرجال مانطاه اياه عاكول شتردينه يتركها لأبويه مو احنه لنعشم مره ونتركها ونوكف بوجه اكبر وأحد ونأخذها عادل ؛جدو الي سواه عمار غلط وانت جاي تبرر غلطه شيخ عاكول نار وهو صب البانزين عليها وخلاها بوجهنه هو لو بطل مثل ماتكول ماينهزم يواجها -بويه عادل انت تدري اخوك مل وهو يوميه دك الباب عليهم شلون ينتظر لحد مايعرسوها لغيره لأبويه مايكدر هاي جدتك رادو يروجوها لابن خالها وانا وكفت بنصهم كتلهم هي طلقه وحده موجوده اخيركم لو الي وابليكم بموتي وأخلي يحركون مزارعكم هلي لو برأس بتكم وأخلي عرسها عزه يصير انا ابن عمتها وهي الي وهاي هي شوفت عينك بيتي عادل :بس جدي زمنكم غير عن زمنه اكو قانون واكو ناس تحلها الحياة مو بس سلب ونهب وحرك -شوف بويه هذي حجاياتك ماهي عاجبتني انل** واسكت ? ابو عمار :بويه احنه مانريد كعدتنا تطول عدكم شوف النا حل ماالنا غيرك وانت خيمتنا بكل مصيبه نحتمي بيك -سهله سهله تركوها يمي يومين وأحلها الكم -ربي يطول بعمرك حجي -كافي تدعيلي ولَك ادري بدعاويك كلها من ورى خشمك انت تتمنى موتي علمود تورثني موحسبالك انا غ*ي -لأبويه شلك بهل الحجي عسى عمرك طويل -شوف اكلك طويل كصير فلس ماتشوف مني الحلال كله سجلته لبناتي انا ادري بموتي راح تتذابحون على الحلال والي ينظلمون هما -شنو ?ليش بويه حلالك يروح لنسابه واحنه ولدك تحركه علينا -ههههههههه بويه عادل جكاره خلي اخسل وجه ابوك بدخانها ولَك استوك تكول مااريد شي بس عمرك طويل اشو حجاياتك تغيرت -ابو عمار مانريد شي منه عدنه بيت ويمنه ولدنه اسكت ترى هسه يعفس ابوك ويطلعنه بهل الليل خليه يشوفلنه حل وبس مانريد شي منه -ها ياحرمه ترى سمعت كلشي شوفي مو انا الباطل الي اطلع بزري بالليل ومو من النوع الي ميخاف الله مثلج احرم ولدي من الحلال بس عرفت بدواخلكم شنو من حجايه وحده -بويه اترك كلشي بس ركزلنا على سالفة عمار انا خايف على عادل من جور عاكول - ولَك صدك لو كالو النار تخلف رماد دكووم?تايهه هي يوصل لعادل كعدو هل اليومين وتركوني انا اشوفلي حل ويه عاكول انت هم اغم لاخلف بس هل الولدين وكعدت يامه كتلك البزر فخر وظهر هسه أكلتها روح نام انت وعايلتك .............. دعاء :انا اسفه حبي كله بسببي الي جاي يصير كتلك انا ادري باابوي مايخليها تعدي على خير هاي بدايتها الله يستر من تاليها عمار:جريتها بحظني شعرها اجه على وجهي ولج هذا عطرج وجهج وشعرج يسوى ابو البيت يولي فدوه لاتخافين كلها جم يوم ويرجع كلشي طبيعي المهم أنت مارحتي مني وصرتي ام بيتي يالله حبيبتي لازم اروح انام لان باجر واعدوني بشغل ولازم اروح مانظل كاعدين بعد صارت عندي مره دعاء :ان شاء الله خير يارب مايسوي ابوي فد مصيبه. وتعدي على خير ......... عادل :اروح لدوام وارجع ماالي نفس ادري (عادل طالب كليه مرحله ثانيه علوم حاسبات هادئ ماعنده الكثير من الأصدقاء مايحب الاختلاط ولا يحب المشاغبه طويل ونحيف بشرته بيضاء مصفره شعره اسود كثيف دائمآ يلبس قلاده عليها حرف Bمحد يعرف سرها من الطفولة ماكان يقبل اي شخص يلمسها ) دائمآ أفكر لازم الكي اي شغله اصرف على نفسي بيها استنكف اكل لوالدي انطيني مصرف لو محتاج شي بس صعبه بهل البلد واحد يلكه شغل خلال هل يومين الي كعدنه بيت جدي احس نفسي غريب وكعدتي ثكيله راح عمار وظليت بس انا عد اهلي لازم اساعد بابا وأول مانلكه حل لهل الوضع ارجع للبيت ارممه ........، -وتاليها وياكم حاطلي جيش مال طليان صارلكم يومين ماطحتولي بهل الحقير ولا واحد من اهله ?????حدكم لباجر اذا ماجبتولي احد من أثرهم حسبو حساب للي راح يصير -شيخ هما منهزمين من البيت والجيران محد يعرف عنهم شي -هذا الحجي مايمشي عد شيخ عاكول يالله من وجهي ومن باجر الصبح خبرو عمومة هل النذل عمار يجون علمود من اتصرف محد يلومني ................ -ابو عمار لكيت الحل الي يرجعكم لبيتكم ومحد يدنالكم بحجايه -شلون كول يبا ترى قلبي خلصان -ولَك انت شلون ابني ماادري كل شوي وكلت قلبي هاي حجايه للنساوين مو للزلم انت زلمه افتهمت وإلزلمه يصير قلبه كوي يالله جيبلي هذا التحجون بيه -يي هذا هو كول -اتصل على قصي وكله الحجي يريدك -شلون ?حجي شتحجي قصي شله غرض بسالف*نه -انا اعرف عاكول من قبل ٢٠سنه واعرفه شنو يريد اليوم راح ينطيكم خبر واذا ماكعدنا عندك راح يهدم بيوتنه علينا ويكتل وأحد من اولادنا بس انا مراح انطيه مجال ولهذا متحضرله اتصل ترى عقالي احزه بركبتك ? ......... يسعد مساءكم الشخصيات يوميه راح تتعرفون على شخصيه