Iniwanan akong muli ng aking asawa. Nasilayan ko sya habang unti unting nilamon ng pintuan palabas.
Pero hindi ko sya maaaring sundan. Dahil iyon ang kahilingan nya sa akin. Hahayaan ko syang mabuhay mag-isa. Hahayaan ko syang mabuhay ng wala ako sa tabi nya. Hindi ko na sya guguluhin pa.
Wala akong ibang minahal na babae kundi si Anna Micaela lang. Marami ang nagtangkang ako ay paibigin pero hindi nila makuha ang puso ko na para lang kay Anna.
Ibinigay ko sa kanya ang lahat dahil akala ko ay ito ang nararapat. Nangialam ako sa kanyang buhay dahil nais ko lang na maging maayos at perpekto ito para sa kanya. Ayoko ng bumalik sya sa dati nyang buhay na sobrang masalimuot at puno ng paghihirap. Pero ang lahat ng plano ko ay hindi naging maganda ang resulta. Kinamuhian nya ako at iniwan nya
